السلام عليكم ورحمة الله وبركاته
فيه كثيييييييير اشيا بخاطري ودي اقولها بس مدري من وين ابدا
انا متزوجه من خمس سنوات بديره غير عن ديرة اهلي وكنت ساكنه فوق اهل زوجي بس مدخل مستقل
خوات زوجي ثلاث متزوجات وحده بعمري وثنتين اكبر مني عيالهم بالثانوي بس هم متزوجين صغار
انا من طبعي هاااديه لكن اسولف وافلها مع اللي ارتاحله وخوات زوجي راعيات تمسخر ونقاده على خلق الله ومايعجبهم احد الله يهديهم
او سنه مرت بيننا حلوة وماكان فيها مشاكل وهم كانوا زينين معي وخدومين حتى انهم تعنوا وسافروا عشان يشوفوني وانا نفاس وكنت متحمسه لرجعة البيت لما طلعت نفاس ورحت لمهم لقيت استقبالهم باااااااااااارد وحده من خواته سلمت وطلعت وانا جايتهم خميس حتى قهوتهم كانت بارده باقي قهوه وانا اول مرة ولد لهم واول حفيد
حزت بخااااطري لكن تعوذت من بليس ومشت الحياة لكن نفسيتهم ضلت زي ماهي يتحاشوني مايتكلمون معي يعاملوني بقلللللللة احترام يتعاملون معي كاني موب موجوده
احاول ادخل نفسي بالسوالف يردون علي بكلمه ورد غطاها احيانا اكون زايره عند اهلي ومن زمان ماشفتهم لاجيت لمهم يلبسون عباياتهم ويطلعون للسوق
حتى لو جبت حلا او شي مايمدون يدهم لو مجامله يقولون مانحب الحلا مع انهم يسوون وياكلون نفساللي اسوي حتى مره سويت مكرونه وتسالني بنت زوجي عنها اعجبتها وتسكتها امها البنت كبيره بالثانوي موب صغيره مدري وش قصدهم
ماااادري وش اللي قلبهم فجاءه كذا مرررره حيروني وانا متاااااكده اني ماغلطت عليهم بالعكس اسال وواوجب ومره محترمتهم بس هم الله يهديهم خصوصا الفتره الاخيره صايرين يتعاملون معي بقلة احترام وتتطنز غير مباشر وانا احاول اطنش بس مااقدر
دايم لامني تكلمت يحاولن ينتقصون مني ويبينون اني ماافهم يحطموني الصراحه
مره وحنا جالسين اخته تكلم امه قالت خلي ابوي يصلح المجلس قبل اولد انا عيوني طاارت متى حملت ماعندي خبر احترت بين اني ابارك لها والا اطنش الصراحه طنشت كني مانتبهت وبعد شهرين درا رجلي بابصدفه ونفس الموقف تكرر مع اخته الثانيه هذا وانا معهم احوس اجل لو انا بعيده
حتى لو وحده من خواته بتنادي اهلها مايقولون لي خالتي تدق على رجلي وتقول ترانا ببيت فلانه لانه الاربعا معروف انه عند خالتي الصراحه انا اعيي اروح اقول له ماعزمتني مادقت يمكن ماتبيني اجي بس تصير سالفه وهواش واروح مجبره احس هالشي يهين كرامتي وش اللي جايه بدون عزيمه
حتى لاجوا ياخذون استراحه او يروحون مكان لاصار الظهر دقوا على رجلي قالوا ترانا بالمكان الفلاني طيب معقوووووله توهم يقررون يطلعون ليه مايدقون علي يقولون والا هو قل اهتمام وخلاص احس مررررره مو حاطين لي اي اعتبار
حنا الخين طلعنا عنهم واخذنا شقه بعيده شوي بديت اسحب نفسي من جمعة الاربعا والله يابنات اني اروح واجلس ساكته حتى شلونك مايقولون مايحاولون يفتحون معي ايييييي موضوع متبعين اسلوب التطنيش كاني موب موجوده احس اني قاطه وجهيي عليهم احاول افتح مواضيع بس تنتهي باختصار كنهم ودهم يسكتوني وهم مررره موب محترمين والسنتهم وسخه الله يهديهم انا موب قدهم ادري بتقولون انتي اللي قويتيهم عليك بس انا موب كذا مااعرف اقلل ادب وامد لساني على احد
والله يابنات مالهم صاحب خالاتهم اللي هن خالاتهم متعادين معهم وش عاد انا يالغريبه
بنات انا ماهموني البنات الله يهديهم لانفسهم همي خالتي لانها مررره طيبه معي ماودي اخسرها ورجلي الله يهديه عيا يقتنع اني مااروح الاربعا لااازم اشوف خواته مع اني ماهميتهم انا اروح لخالتي وسط الاسبوع الايام اللي مايكون عندها احد وودي مره كل شهر او شهرين اروح اربعا بس رجلي معننننند وصارت هوشه امس بهالموضوع
انا ماشرحت له بالضبط وش يصير من خواته وتصرفاتهم لانه اكيد مااحد يشوف اهله غلط حتى لو الغلط راكبهم ويحسب اني بفرق بينهم
قلت له بس اننا مانتفق ومانرتاح لبعض نفسياتنا وتفكيرنا يختلف بس اقتنع فتره وهون
بنات شوروا علي ش اسوي انا تعببببببببت منهم يغصبني اروح لمهم وهم مايبوني وانا موب ملزومه عمتي وهي عمتي صلة رحم يعيي يوديني لها وهذولا ناشبتن لهم كل اسبوع
ادري طووووووولتها بس والله من اللي بقلبي ابختنق اربع سنوات صابره عليهم كفااااايه ماعاد اتحمل كل هالاهانه شوروا علي وش اسوي ماودي اخسر زوجي وامه وابوه بسبة تفاهة حريم
شاركي في النقاش
سجلي الدخول لإضافة تعليق.
التعليقات
20- اختي غروووب استمري على زياراتك لهم واذا رحتي لهم رحبي وهلي حتى لو مايبغونك وحده قالتي قصتها نفس قصتك تقول اني في يوم من الايام قررت في نفسي اني ما اروح مره ثانيه لهم تقول صاحبة القصه ، رأيت في منامي رسول الله صلى الله عليه وسلم وكان معي في المنام اخوات زوجي تقول جاءت اخوات زوجي لمصافحة النبي عليه السلام ولم يصافحهم ثم جئت انا وسلم علي وصافحني وعندما سألت عن الرؤيا قيل لها انتي على خير واستمري عليه رغم ماتواجهيه من اعراض وصد تقول من الغد اخذت معي وطعام صنعته وذهبت لهم واخبرتهم بالرؤيا وبعدها تغيرت معاملتهم لي وصرنا سمنه ع العسل ولله الحمد والمنه لاتنسي الاجر من الله والاحتساب
- وضحي لزوجك حيثيات الموضوع عشان لايضغط عليك
ويكفي مره كل أسبوعين ساعتين ولا اقل ووسط الاسبوع روحي لأمه وأبوه
عشان لاتقطعيهم وأخوات زوجك عامليهم زي ما يعاملوك - صاحبة الموضوع #74845797براءة
ماشالله ياااسعدها اللي شافت الرسول وصافحته عليه افضل الصلاة واتم التسليم
اروح وش اقول وش اسوي اكثر ماتكلمت الا بعد ماعجزت معهم ماابيهم يحبوني او يرجعون زي اول. ابي بس احترااااااام موب كثير علي ترا الاهانه صعبه تصرفاتهم تدل انهم مايبوني مابقي اليقولون لا تجين.
يمكن هم خوات ويبون يجتمعون مع بعض بسلامتهم بس هم من العصر يجون ولا يروحون الا الفجر وانا مااجي الا عقب العشا واطلع ١٢ او وحده حتى مايمديني اضايقهم ولا عمري تدخلت فيهم او بخصوصياتهم ولاهي صلة رحم عشان اضغط على نفسي واتحمل الاهانه واحملها مالا تطيق مابيني وبينهم لاجنه ولا نار
جوودي
وش اقوله رغم المشاكل اللي تصير له معهم لانهم حتى هو مايحترمونه الا انه يشوفهم ملايكه وانا الغلطانه لوكان بي شر كان استغليت المواقف اليي تصير بينهم لصالحي وقلبته عليهم بس هم بالنهايه اهله وشلووون اقنعه م دون ماياثر هالشي على حياتي معه
جزاكم الله خير - طيب ارتاحي ليش زعلانه حبوك اهلا وسهلا ماحبوك تراها احسن الرسميات حلوه الميانه الزايده والله اخرها دمار ومشاكل زي مايعاملونك عامليهم وبس
الله يصلح الحال - والله يابنات مالهم صاحب خالاتهم اللي هن خالاتهم متعادين معهم وش عاد انا يالغريبه
دامك عارفه هالشي على ايش تلومينهم تتغير جبال ولاتتغير اطباع اعملي باصلك وزوريهم عشان زوجك وامه
مواضيع مشابهة
تابعي تجارب أخرى من هذا القسم.