السلام عليكم خواتي .. انا بعد مريضه بالفايبرومايلجا من سنين وهذا شئ من تجربتي ( اعذروني نقلته من رد ليه على موضوع اخت بالمنتدى .... ما اقدر اكتب لوقت طويل .. ايديني تؤلمني )
انا اعاني من هالمرض من سنين .. رحت لدكاترة كثير ومستشفيات اكثر .. وما شفت فائدة او حتى اهتمام من اي طبيب بهذا المرض !!
للاسف لانه مرض خفي ولا يشخص ولا يقاس باي تحليل او اشعه او اجراء طبي .. كثير من الدكاترة مهم مقتنعين فيه او بكل بساطه لا يهتمون فيه وبمرضا ه!!
علشان كذا بحثت بنفسي وقريت كثيييييييييير عن هالمرض .. واشتركت مع جروبات على النت .. كلهم يعانون من نفس المرض .
وعلشان كذا رفضت اخذ lyrica لانه بكل بساطه ما نفع كثير من المرضى .. وان ساعد بشكل بسيط لكن مع اعراض جانبيه شنيعه !1
فقررت اني اتجه للطب البديل وهذي لسته بالاشياء الي جربتها والي ودي اجربها مع نتايجها بالنسبه لحالتي :
- الابر الصينيه .. نفعت مع كثير من الناس لكني ما استمريت عليها لوقت طويل لاني ما قدرت اتحمل وخز الابر مع الالم الشديد في جسمي .
- المساج باستخدام زيوت حارة
ممتااااااااااااااز جدا ويخفف من التيبس والتكسر في العضلات والمفاصل لكن يبيله استمرار .. وممكن جدا يكون مؤلم في البدايه
ولك يخف الالم بالتدريج .
- العلاج بالحرارة
براي هذا افضل شئ لحالتنا .. والعلاج باي مصدر حرارة ..
الجلوس في الشمس .. الجاكوزي .. غرف البخار .. التغطيس في بانيو فيه مار حار .. استعمل لمبات الاشعه تحت الحمراء .. او بأسط صورة وهذي ما استغني عنها استعمال قربه مملوؤة بماء ساخن ووضعها على الاماكن المؤلمه في الجسم .
- المكملات الغذائيه من الفيتامينات والاعشاب
هذي ساعدتني كثير باعراض المرض وكمثال :
- اخذ عشبه st john's wort للاكتئاب
- valerian root للارق والتوتر
- للارهاق والتعب
Q enzyme Q10
- فيتامين d3 - كالسيوم - مغنيسيوم وغيرها كثير ( الصراحه اخذ اشياء كثيرة .. ومن غير راي طبيب لاني للاسف ما لقيت احد يفهم بهالامور فصرت طبيبه نفسي )
- الحميه الغذائيه الخاصه بالفايبرومايلجا
باختصار تبعدين عن اللحوم الحمراء والدهون والمعلبات والاكل السريع
والسكريات والكافيين... يعني كل الاكل الضار بصفه عامه لانها تأثر فينا بشكل اشنع من الناس الطبيعيه .
كثري من الخضار والفاكهه والحبوب وابعدي عن الطماطم والباذنجان
والفلفل الحلو لانه يزيد الالم عندنا .
- استعمل المسكنات الي للاسف ما اقدر استغنى عنها لكن احاول اقلل منها .. والافضا تستخدمين الكريمات المسكنه لانها اقل ضرر .
هذي الاشياء الي جربتها .. والي ودي اسويه وكثير من المرضى في الجروبس الي مشتركه معهم يقولون انها افضل شئ ساعدهم هي :
الريااااااااااااااااضه ثم الرياضه ثم الرياضه !!!
مثل المشي والسباحه واليوغا وغيرها .. بس عاد هم اجانب وحياتهم
وثقافتهم مساعدتهم على كذا اكثر منا .. مع انها مهي حجه بس عاد وش نسوي ؟!!
- واهم شئ ممكن تتخيلين انه يساعدك والي اخذ مني سنييييييييييييين حتى اقتنعت في هو انك تتفائلي وتبتسمي وتحاولين تكوني سعيدة .. بتقولين
كيف مع هالالم والارهاق والتعب والاكتئاب والقلق والارق والعصبيه
والغازات والانتفاخ والاسهال والامساك والم البطن وقله النوم .. ومحد
فاهم وش فيك .. وحد مقدر الحاله الاي انتي فيها .. واحساسك بالوحدة وكأنك عايشه لحالك .. ما تقدرين تسوين ابسط الامور حتى
القومه من السرير يعتبر بالنسبه لنا مجهود !!
صعب جدا ..... لكن مهو مستحيل .. بياخذ منك وقت وجهد حتى تغيرين من طريقه تفكيرك .. لكن هالشئ يساعد كثييييييييييييييييييير
هذي الاقل شوي من الاعراض الي عندي !!! والي صار بأول مرضي
اني كرهت نفسي وحياتي والي حولي وحسي باليأس والاحباط وزاد الاكتئاب وزادت العصبيه وزاد الالم معهم !!
علشان كذا اول خطوة لااااااااااااااازم ترضين بحالتك ومرضك وتقتنعين ان هالشئ الله كتبه عليك ولازم نسلم بالموضوع .. ولازم تتعايشين
مع المرض وما تحاربينه .. صدقيني الساعه الي تسوين هالشئ هي الساعه الي بتحسين انك افضل .
ما اقدر اقولك اني طبت وراحت مني كل الاعراض الي ذكرتها .. اذا قلت كذا يصير اكذب عليكي .. لكني افضل من قبل ومتقبله حالتي
وكل يوم اجرب اشياء جديدة تساعدني اكمل حياتي .. الى اليوم
الي رب العالمين يشفيني ويشفيك ويشفى كل مريض ..
انا وكلت امري لله وادعيه ليل نهار ان يمن عليه بالشفاء الكامل !!
ويجي اليوم الي ما احس بالالم الي عايش معي من سنين .
اتمنى اني افدتك .. واسفه على الاطاله لكني حاسه فيكي فحبيت
احكيلك عن معاناتي الخاصه ممكن تساعدك .
اي استفسار انا حاضرة
( اسال الله العظيم رب العرش العظيم ان يشفيني ويشفيكي ويشفي كل مريض شفاء كامل تام عاجا غير اجل ..... امين )
تجمع المصابات بمرض الفيبروميالجيا/ لا يوجد تفاعل + قديم
متابعة النقاش، صفحة 22