أمي تعبت معاها

اهلين اختي انتي الحين حامل ونفسيتك تعبانه عشان كذا مره متحسسه من الموضوع والابالعكس انا اشوف امك تحبك وماتبغى احد يشوفك الاوانتي كامله وماتبغى عليك الزله والله العظيم ان امك تحبك وتغليك انتي حطي ببالك ان امك ماتقول هالكلام الا لمصلحتك والله يااختي الام ماتنعوض لو فقدتيها لاسمح الله تقولين ليتها ترجع وتسوي فيني اللي تبغى الله يخليلك امك ويطول بعمرها ويرزقك برها والله يطول بعمر امي ويحفظها لي وجميع امهات المسلمين
واعذريني طولت عليك بس مااقول هالكلام الا لمصلحتك
دعواتك لي بالشفاء العاجل

لاتسمعين بعض النصايح انا اقولك الحقيقه
وربى من زود حبها فيك تبغاك احسن وحده واكشخ وحده يالب قلبها المفروض تحسين انك مميزه لان امك تهتم بكل تفاصيل حياتك
ادعيلها بالسلامه وطولة العمر وبرى فيها ترى مافى احد فى الدنيا يحبك كثرها

أمي لما كنت غير متزوجة ....كانت احيانا ما تشوفني إلا في الويكأند و مرات بالأسبوعين ما تشوفني بحكم دراستي...و لا عمرها فكرت تتصل فيني أو تتطمن علي لدرجة .......أنها إذا اتصلت أستغرب و أشك أنها غلطانة أو تبي غرض من البيت و تسألني عنه و كان فعلا تتصل بس لهذي الأغراض و الله نادر جدا ما تتصل أصلا......أنا وحدة شخصيتي مهزوزة و ما عندي ثقة بنفسي و أمي سبب رئيسي في هذا الشي من زمان من و أنا صغيرة....و أنا لأني أعرف أمي....أنا اقول أمي ما تسوي كذا عشان تحبني لا...و الف لا......أنا أريد أزيد ثقتي بنفسي بس هي مصرة دمرني و الله أني مضغوطة و مو فاضية لسوالفها...بس و الله مرتفع ضغطي من تصرفاتها....بس يا ليتكم تجربو نظرة من نظراتها لي ...و الله من قوة نظرتها و شراستها و لي لها معاني وايد ..و الله ما اعرف أبكي أو أضحك...الله يسامحها...

أنا أعرف و أحب إلي يهتم فيني و يحب مصلحتي....بس تصرفاتها دمار يمكن أنا ما اعرف كيف أوصف تصرفاتها معي..و أنا متأكدة و لا وحدة بترضى بوضعي إذاا عاشته.....امي تردد علي دايما هالكلمة أناس بيطلعون عليك كلام و على عيلتني...و ليش الناس تطلع علي كلام ....أنا و لله الحمد ما سويت شي ...ليش تقولي بالذات هالكلام؟ كيف أشوه سمعة أهلي؟؟؟ و الله أنها تقول كلام افتراء علي مثل تقول أني معيشة زوجي بملل عشان تشيش خواتي علي...و الله هي ما تعرف إلي يصير في بيتي و أنا كافية خيري شري و كلامها غير صحيح ابدا...و هذي غير الافتراءات الثانية عشان تطلعني بصورة الغلطانة قدام خواتي....و الله يعلم أنها أغلب الأشياء اللي تقولها عني كذب في كذب

أنا نبهتها كثير أني ما أحب تصرفاتها معي و أني ما اريدها تتدخل حياتي بس هي مو راضية تسمع الكلام.....تتكلم قدامي و تمدح بنات ..و بنات صراحة وجهة نظرتي أشوفهم عاديات ...و تتكلم عنهم قدامي و احس الكلام موجه لي ..أنا ما اريد أحسد الناس رغم أني ما اشوف مرات شي أحسدهم عليه...بس من كلامها تخليكي تحقدي على الناس و تكرهين نفسك......أنا مو سيئة لدرجة تعاملني كذا...

أنا اريد أم زي كل أم تحب بناتها طريقة حلوة و تحسي الأم صديقة لبنتها مو عدوة

جزاك الله خير


ضحكوني والله البنات اللي ردو يعطوها نصايح كيف تنسحب من امها
ويقولون لها اهم شيء زوجك ورضا زوجك اهم من رضا كل الناس << هذي العينه من الحريم حتى رجالهم ينفرون منهم ربي مايبارك لهم حتى برجالهم هههه
حريم وكبار وهذا كلامهم
فعلاَ آخر الزمان عش رجباً ترى عجباً
لاتسمعين كلامهم يارينام
الله قرن رضاه برضا والدينك وليس برضا الزوج مع انه ماله دخل زوجك بالموضوع بس حشروه بنات حواء غصب في النص


وكل اللي يحرضوها على امها مسويات ناصحات
بكره انصحو بناتكم بنفس هالنصايح لازوجتوهم اوكي
لاتنسو
المشكله اغلبكم حريم وامهات ومنكم اللي بعد عشر سنين بتزوج بنتها وولدها ، وتعرفون احساس الأم لما تفضل بنت على بناتها او ولد على اولادها
فخافوا الله شوي ترا الدنيا دواره