شاركي في النقاش

سجلي الدخول لإضافة تعليق.

التعليقات

464
  1. @hoaaa_85

    يعطيكم العافيه جميعااا

    حبيت اكتب لكم هذي الحشوات الجديدة


    حشوة الشاورماا
    تاخذين شاوما امريكانا المجمدة تدخلينها الفرن او تشويحنها على النار بشوية زيت
    الحين بعد ما استوت الشاورما سواء لحم او دجاج
    تضيفين ملعقة مايونيز و ثوم و شرائح مخلل خيار الصغير و شوية بقدونس مفرومه <<< لو دجاج

    ولو كانت لحم تضيفين لها طحينة و رشة خفيفة قرفة و رشة سماق

    وبس ابدي احشي السمبوسة او السبرنق رول فيها ^^



    حشوة ثانية
    حشوة التاكو بالارز / مكسيكية

    تسوين حشوة اللحم المفروم مع البصل و البازاليا بطريقتج المعتادة و كثري من الفلفل حلاتها حارة شوية / استخدمي الشطة الجاهزة او الهلابينو
    و تضيفين لها شوية رز ابيض مخلوط بكريما حامضة او روب مخلوط بملعقة مايونيز او صلصة الرنش

    تحشين السمبوسة او السبرنق رول
    وبوقت التقديم تحطين جنبها صلصة التشدر او الكريمة الحامضة او بدائلها الي كتبتها لكن فوق


    اتعب واقولكم روعه هذي الحشوووة


    و اخر حشوة

    حشوة الربيان
    تسوين حميسة الربيان سواء الطازج او المجفف مع البصل و الثوم و البهارات و القرفة و الكزبرة الخضرا
    بس بالاول تفرمين الربيان بالخلاط وعقب تضيفينه للبصل وفي ناس يضيفون له الزبيب الاحمر الحامض (زرشك)

    وايد وايد احب هالحشوة
  2. @zynb_alaaraky_1

    عاشت الايادي من شكلها لذيذة وان شاء الله راح نستفاد منه بشهر رمضان ان شاء الله يعود على الجميع بخير وبركة اما انا احط في الحشوة اما جبن كيري او لحم اخلط معه كرفس وثوم وبصل وبهارات

تابعي تجارب أخرى من هذا القسم.