انا غير عن كل البنات ..... متخوفه من الزواج لسبب غريييب بالنسبه لكم

مؤ مهم من رح يحضر
المهم من رح تتزوجين والاهم التوفيق والسعادة ،،

بخصوص بينك وين خوانك انتوا محتاجين رقيقه شغلي سورة البقرة دايم واقريها
اما سالفه من بيحضر عرسك
انتي عكسي تماما انا افكر ما اصلح عرس وافتك من الناس القلق
الي بس يجون علشان يشوفون وش انك مسويه بالزواج وش التقديمات ولا مو حبا فيك ولا علشان يباركون لك
وتحسين انهم فرحانين بس يجون يشوفون من هم اهل زوجك وش اشكال هل هم حلوين ولا لا
يعني لقاااافه بس
انتي لاتفكرين كذا اهم شي التوفيق وياما ناس اجتماعيين وقاعتهم مليانه حضور وبالاخير ما توفقوا تطلقوا وحياتهم تعيسه
اما سالفه ان الي عنده فلوس يحترمونه الناس اكثر صح عليك بس مو حبا فيه
الا حبا في فلوسه وخليه بكرا يفلس ان كل الي حواليه يتركونه لانهم ما يحبونه يحبون فلوسه
انتي وكلي امرك لله ولا تفكرين كل شي مكتوب اهم شي تعودي وانا اختك علي
القنااااعه
تعلمي وش لون تكونين قنوعه
القناعه

حبيبتي لا تعطين اولويه لعدد الحضور لانهم بعد حفله الزواج على الفجر كلهم بححح >> طاروا مايبقالك الا ولد الحلال ..

على فكره بقولك شي احس بشعورك .. وفاهمه احساس انك تكوني البطه السوده ومختلفه عن الكل .. بس بقولك نصيحه من القلب :

1- حاولي تبادري وتتصلي على خوالك او اعمامك .. الكبار وباركي لهم بشهر ان ربي اعطانا العمر .. ثمن العيد .. بكره يتحنن قلبهم عليك ترى فلوس الدنيا ماتجيب الوصل و الاحبه .. انا كنت الله يهديني اخجل ادق واسال على اهلي بس من تزوجت من فتره ..صرت لازم اتفقد اهلي و الجدان .. لدرجه كل فتره يوصلني مدح من امي .. ومره بمجلس فاجئني عمي لما قال اني اعز وحده من الجماعه ومن معزت عياله !! كله عشان السنتين الاخيرات كل شهر احاول اسال عنه و كل ما استطعت ..

2- الشي الثاني حبيبتي ترى ماتصدقين كيف لو وحده من خواتك اعرست ولا اخوانك يصير لكم علاقات كثييييييييييييييييره .. انا والله من عقب زواجي ماشوف الا اهل زوجي مابين زوج فلانه وملكه فلان و ولاده فلانه وسلامه فلان ههههههههههه .. وربي زحمه .. ولا قبل زواجي و الى الان بعض اهلي موب مره ع الوصل بس الزواج مره كثر معارفنا .. لدرجه اذا بنسوي عزومه لازم نقسمها اجزاء هههههه .. يوم جارات ويوم اهل ويوم اصحاب ..

3- تعرفوا على جيرانكم ترى الجار كانه من الاهل الجيره ماهيب هينه .. ومتى ماتيسر لكم اعزموك خوياتك مثلا روحي و تعودي انك تنشافين وتشوفين

والله يسعدك ويريحك .. ما ابي لك غير الزوج الصالح والله هذا اهم شي والخيره فيما اختاره الله لك

ياقلبي لاتفكرين بهذا الموضوع كثير انا تزوجت وماحطيت زواج كبير وارتحت جدا لاني مااحس عندي جراءة اطلع قدام جمهور ماراح ينفعني بشي الا عيون و حسد الله يكفينا الشر او نقد يقال من وراك بشكلك بتسريحتك بفستانك الناس تعرفين ماتعجبها العجب غير التوتر اللي راح تعيشينه بظهورك وشكلك بس اهم شي راحتك وسعادتك مع الشخص غير كذا اقل تكاليف وايسر للزوجك وانا بالنسبه لي ماندمت ابد اني مااحطيت عرس وطهبله بالعكس ان شا الله عيالي كلهم نفس طريقتي
والله يستر عليك ويرزقك بالزوج الصالح

والله اخر همي الناس من يوم يومي وحيده ولوحدي واخس منك عاد انا ماطلع من بيتي الا اروح بيت امي وارجع لاصديقات ولاصحبات ولاشي و12 سنه متزوجه مارحت الا 3 زواجات ومبسوطه لوحدي الحمد لله