صباح الخير يا دوكانيات ... طبعا انا توي دوكانية من اسبوع تقريبا وفي هالاسبوع كنت اقرأ يومياتك في اول تجمع لكم وخلصته :) وقلت بكمل معاكم هنا
انا سالفتي سالفة مع الرجيمات واخر شي قبل سنة وثلاث شهور قررت اسوي عملية تحزيم معده وسويتها ونزلت من وزني 27 كيلو وطباعا صارت لي مضاعفات من الحزام وفكيته قبل 4 شهور .. وطبعا بعد الحرمان الطويل من الاكل فتحت فمي وصرت اكل من غير حساب انا نزلت ل 82 وطلع وزني ل 93 انتبهت قلت لا لازم انزله وبدات قبل شهر رمضان باسبوع سويت 3 انواع رجيم نقصت عليهم 6 كيلو تقريبا ب 3 اسابيع وقرات عن دوكان وعجبني وبدأ فيه يوم الجمعة الي فات ويا حبايبي احس اني مو مسويه رجيم انواع الدلع في الاكل البروتيني كلها بين ايديا حلى الكريم كرامل الدوكاني سويته مسلوق مشوي بيض بالجبن بيض مع لحم مفروم وجبن وووووووو من الوصفات الي ماتنتهي ... بس تدرون فعلا احس نفسي خفيفة مثل الريشة هههههههههه
المهم موعد الوزن عندي يوم السبت المسا ان شاء الله
ان بدأت رجيم دوكان ووزني 88 واتمنى اني انزل لل 84 علشان ابدأ المرحلة الثانية منه وبظل فيها اظن بس 4 اسابيع واتمنى اكون خلال الاربع اسابيع نازلة ع الاقل 6 كيلو وبعدها اروح للمرحلة الثالثة ... طبعا انا اتمنى اني اوصل لل 74 ادعوا لي .... وبدعيلكم ... طبعا انا دايم ادعيلكم وانتوا ما تدرون لما كنت اقرا في اليويمات الاولى لكم .... ببدأ اقرا في التجمع الثاني من اليوم .... وراجعة لكم
التجمع الثاني لحميه دوكان الخطيرررررر >>> يالله قدااااااام لارجوع لااستسلام
متابعة النقاش، صفحة 313
