السلام عليكم ورحمة الله وبركاته
قبل 10 شهور قبل الولادة بيوم كان وزني 83
من ولدت على طول بديت بالتخفيف من الاكل والاكثار من السلطة والماااااااي
لاني ارضع طبيعي ما سويت اي رجيم
مرت عليه فترات ثبات الوزن بس الحمد لله كنت اتجاوزها بالتخفيف اكثر وقت العشا
للاسف ما سويت رياضة وصار عندي ترهل شديد في منطقة الكرشة من تحت السرة
قبل 3 اسابيع ثبت وزني على 61 وما نزل الا بعد ما خليت يوم كامل الفطور والغدا والعشا زبادي بالفواكه
وسناك الضحى اكلت 2 بسكوت مع حليب كامل الدسم وسناك العصر اكلت علبة صغيرة ايس كريم فانيليا
اليوم وزني 60 ولله الحمد
هالشي سويته يوم السبت وكنت ناوية استمر كم يوم بس بالاحد جتني الدورة وانا ارضع وبنفس الوقت فيني فقر دم فما كملت ورجعت للتخفيف
ناوية انزل لل55 باذن الله
نصيحة للي تسوي رجيم او تخفيف لا تنسين تمشين اقل شي نص ساعة باليوم مع شفط البطن طول اليوم
انا هالشي سويته قبل كم سنة واستوى جسمي سمبتيك والكرشة اختفت
بس الحين ولدي الله يهديه ما يخليني امشي حتى لو 10 دقايق
بس من اسبوع بادية برياضة التباتا 10 دقايق باليوم على مرتين كل مرة 5 دقايق وان شاء الله خير
ناوية اقطع العشا او على الاقل اخليه خفيييييف جدا وقبل النوم ب 4 او 5 ساعات
الله ينحف الجميع بصحة وعافيه
شاركي في النقاش
سجلي الدخول لإضافة تعليق.
التعليقات
46- ما شاء الله
- الف مبروك نزول الوزن
بس كم طلوك اختي وكم المده الي نحفتي فيها - تجربتك ماشاء الله تشجع نظامك حلو
- طولي 156 ونزلت خلال 10 شهور
الحمد لله - ماشاءالله عليك نفسي يوم ابدا 83 بس وصلت 67 ومع التخريب ارجع لل70 وارجع اسوي دايت وانحف لل68 وعلى هالحال نفسي اوصل 60 ماابي اكثر بس عجزت مبروك عليك تستاهلين
مواضيع مشابهة
تابعي تجارب أخرى من هذا القسم.