شاركي في النقاش

سجلي الدخول لإضافة تعليق.

التعليقات

2,352
  1. صاحبة الموضوع
    الدانه $$$
    التيل =مصاقيل وبالقصيم يعني طب ههههه الظاهر بنقلد السوريين يقولون للكوره طابه قلنا لهالكرات الصغنونه طب ههههه من كثرهن عيالي يقولون بالمدرسه يسمونهن براجون
    والله يادندونه انا قصيميه واول مره اسمع كلمة طب
    حتى تيل وبراجون اول مره اسمع بهن
    ما اعرف الا مصاقيل
    اذكر امي ان غسلت الغسيل جمعت من جيوبنا كومه تلقاهن طايحات بالغساله
  2. صاحبة الموضوع
    ابكمل حكايتي مع لعبتي الجزء الثاني
    وهي كان عندي عروسه
    كان عمري وقتها مابين ٧ الي ١٢ تقريبا
    صح قبل هالعمر كان عندي عرايس بس ابد مو مخلصه من تجي جديده ارمي الاولانيه
    والا اذا شفت مع احد عروسه جديده صحت ابغا زيها
    اتذكر كان على وقتي عز العرايس اللي شعرها اصفر وجسمها من قماش وايديها ورجليها بلاستيك وكان في ظهرها زي السي دي علي وجهين وجه يبكي ووجه يضحك وكانت ملابسها صوف سماوي وابيض ولا وردي وابيض ولا اصفر وابيض وعلى راسها قبعه وكان في فمها لهايه بلاستيك اذا سحبتها من فمها صاحت وان رجعتها سكتت هذي العروسه بالذات كانت تقوم حرب داحس والغبرا ان شفتها مع احد واستنزل لحد ماشرولي اياها هذا طبعا قبل عمر السبع سنوات

    لكن بعد السبعه كان فيه محل اسمه جزيرة الالعاب ع وقتي كان بمستوي تويز ار اص الحين رحت له وشريت عروسه تختوخه وبيضاء وشعرها ناعم اسود للاكتاف ولها غره وعيونها بني مادري مالفتنني العرايس الشقرا
    يمكن لاني ابغا عروستي تنتمي لي واحس انها فعلا بنتي
    اشتريت معها ذاك اليوم عربه سوق ذاك اليوم محد قدي
    هذي المرحله ماكنت مع بنات عماتي لانه استقلينا عن محيطهم بسكن منفصل وقلت الزيارات بينما كان يوم محدد نزور فيه خوالي بمعنى ان عروستي كنت العب فيها هناك مع بنات خوالي اللي كل وحده معها زيي عروسه وعربه
    ذيك الايام كان مقرنا السطوح كان السطح مقسم كل قسم بيت لكل وحده فينا
    وصرنا كل اسبوع من نجي نرابط في السطح والوضع مع عرايسنا في تطور
    يعني جمعت لي من مصروفي مبلغ ورحت اشتريت ملابس بيييات وشررايب وشوزات وملفات ورضاعات وطبعا كل البنات زيي كل وحده تحاول تبدع في اغراض بنتها لدرجة ان بنت خالي والله شرت لعروستها مرجيحه لكن مرت خالي الثاني كان عندها بنوته عمرها ٤ شهور اشترتها منها بمكسب ههههههههه
    المحضوضه هذيك الفتره اللي امها توها طالعه من نفاس تقشقش كل ملابس اخوها وتعبي الشنطه ومالها مهنه الا فسخ ولبس
    المضحك في الموضوع اني كل اسبوع اشيل عروستي والعربه والشنطه والبس عبايه بعد واصدق عمري اني حرمه وانا جالسه في السياره وبس اهدهد واسكت ببنتي والعب فيها

    الله يالدنيا ايام والله لها في قلبي ذكرى

    ما اعتقد بنتي سوت زيي شريت لها كم شكل اخر شي العروسه اللي تسالينها وتجاوب
    بس ابد ماطفت فيها
    دوريها عند الايباد وان تركته راحت قدام المرايه تفك وتربط بشعرها

    كثرت هذره بس ذكريات حلوه ماقدرت اوقف عن سردها
    سامحوني واستروا ما وجهتوا

    وشوكرن
  3. @tghryd_hayl

    reemeeah
    مسا النور والسرور يالحايليه كنت انتظر ابداعات قلمك في هذا الموضوع وكما توقعت ذوق وفكره وسطور تقلدت بالالماس تبارك الرحمن والاروع ذكرياتك بس ابسالك ماكان مشبك الشعر اللي تشبكينه بالطرحه يعورك والله اذكر انه كان يمزّر شعري من ثقل الطر…
    مساء الورد يالغلا...
    مساء السعادة لكل أخواتي الغاليات...وخربشات ركني الهادئ اللي مالي غناة عنه..
    الله يحفظكن...ويخليكن لخربشات...
    وسؤالك موتني من الضحك...تدرين كنت وقته أنيقة وراقية ومغرورة بعد..ومن الدلع ماأخليه يلمس الأرض ..كل يوم تسريحة واذا كنت طفشانه سويته ظفيرة على الجنب>>>>كنت اقلد معلمة الله يذكره بالخير..كان شعره طويل ماشاء الله..
    اما الدموع من المشبك حدث ولاحرج..لكن الوناسة والمتعة تنسي شوي..
    سبحان الله الفطرة تنتقل من أجيال لأجيال...
    اللحين أشوف بناتي يعشقن نفس الشئ....بس الفرق أنا احط مشبك كأنه مفرق، وهن الله يحفظهن يمسكن الطرحة بشباصة مع وراء>>>سبحان الله ...ههههههههههههههههههه

تابعي تجارب أخرى من هذا القسم.