شاركي في النقاش

سجلي الدخول لإضافة تعليق.

التعليقات

2,352
  1. @samyh_bakhlaky

    ساميه باخلاقي
    لآلا لا فهمتى غلط اقصد الأهلة ولا زوجي يحبو القنص بس نفسي أتعلم  على السلاح أنا ادخل من جوال تتش لسي ما تعودت عليه اعذروني عال أغلاط بالعكس يا ريمو  المفروض نتعلم عما لسلاح مؤ مشان شئ بس يمكن احتاج بيوم أدافع فيه عن نفسي الله يبعد عن الشر …
    وأتوقع كل شئ يرجع  للأهل واصلهم فيه أهل عرق البداوة لابد أن البنت تتعلم عال صيد والقنص ما شاءالله اعرف واحده تعرف لللرشاش والفرد وتذبح ًلاهلها بعيد الأضحي يعني أحس الحضر يستحيل على البنت تمسك الفرد وحتي شباب الحضر تقريبا اعتذر لخروجي  عن الموضوع لكن وجهه نظر احب اوضحها
  2. صاحبة الموضوع
    اهااا سميونه يعني ماعندكم صيادين
    يعني فاتكم طعم كبسة الدخيخلات

    بس كلامك منطقي والله لازم الواحد يتعلم ع السلاح عن الدنيا واحواله والله يكفينا ويحمينا ولايحيجنا له



    انا من ناحية ان السناعه وقوة القلب في البدو لا ابدا
    والله اعرف لك ناس حضر من قرايبنا ابوهم شديد وبناته كثار وزوجته موفرها تبارك الله وياويلها تمسك الطبخ يبيها للقهوه والشاهي وجلسه معه والبنات عليهم الطبخ والبيت
    اذا جا عنده عزيمه دخل الخروفين والثلاثه في بيته وقال للبنات يالله اذبحوا واطبخوا ولا تجي تسع الا العشا جاهز

    عاد سالتهم شلون كذا على طول جزيتوا راس الخروف
    تقول اول مره وثاني مره ساعدتنا امي والمره الثالثه الله لايعاقبنا فرفصناها وامي تشرف علينا
    والمره الرابعه تحسنا شوي لحد ماصاروا في العيد الحين يذبحون ضحايهم قسم بالله
    يجتمعون الاخوات في استراحه وكل وحده تجيب ضحيتها
    وتعالي شوفي تحد السكين تقطع الراس وتعلق الذبيحه وتصلخها وتقطعها اشناق وتوزعها في اكياس
    ورجلها نايم تحت المكيف
    هههههههههههههه
  3. reemeeah
    يسعد قلبك يام رانيه ياحلوك وياحلو مزحك والله يعز مقدارك وتشريفك موضوعي يسعدني وخالقي لاتقاطعينا يالغاليه وانا خليني مع مقناصي خلك قريبه
    إسلوبك في الكلام حلو وعجيـــــــــــــــــب
    قنصتي قلبي قنص

    صدقني راح اطيـــــــــــــــــــــــــــــــــــــــــر واطير وارجعلك ماراح ابعد بعد ماقنصتيني برصاصة إخترقت قلبي برقه
  4. صاحبة الموضوع
    أم رانـيــه
    إسلوبك في الكلام حلو وعجيـــــــــــــــــب قنصتي قلبي قنص صدقني راح اطيـــــــــــــــــــــــــــــــــــــــــر واطير وارجعلك ماراح ابعد بعد ماقنصتيني برصاصة إخترقت قلبي برقه
    عسى قلبك مايشوف شر ولا كريهه خيتو
    والله يملا قلبك محبه له وايمان به واقبالا عليه وحياء منه

    يخوني التعبير كالعاده بس
    احبك الله الذي احببتيني فيه

    وحياك مره بعد مره

    دوتس ورده ��
  5. صاحبة الموضوع
    ابتكلم لك عن تاريخ المقناص والصيد عندي
    كنت اول اسمع بلبه وعباره تتكرر كل ويك اند
    امي : والله ماتروح ما اصدق تجي الخميس والجمعه عشان تفضل لنا وانت تلحس ايدك من الغدا وتطير للبر
    ابوي: يابنت الحلال والله الصيد مابقى عليه شي كلها 15 يوم ياسرعها تروح
    امي : طول السنه من مكشات في الشتاء ومن تلقيط فقع في الربيع ل صيد ضبان بالصيف وبالخريف حمام
    ابوي : وعد الاسبوع الجاي ما اطلع
    امي : والله صرت استحي من اهلي كل اسبوع ناثره عفشي من عصر الاربعا لمغرب الجمعه
    ابوي : لاتخافين ابجيب لهم نصيبهم من طلعتي ودوتس مصروف لتس وللعيال ( اهم شي ماتتفركش الطلعه والله دبلوماسي يابابا )
    امي : ( قبل لاتدري كم ترميهن ) بس هذولي مايسدن وش قالو لك واحد ولا ثنين ( هذا وقتها واليوم يومها ان ما استغلت الفرصه ضاعت)
    ابوي : خلاص دوتس زود ترا منيب معطيتس غيرهن فكينا
    امي : الشكوى على الله بزر انا تسكتني بكلمتين بس يالله العوض ولا القطيعه

    من الجهه الثانيه انا واخوي واختي متشققين من الوناسه بننام عند خوالي مع انه عارفين نهاية المحادثه ان ابوي بيطلع للبر وامي بتروح لبيت اهلها ومعها ورقات كثيره من فئة 100 ريال ماندري كم الا اننا كل مره نحب نسمع هالنهايه ونعيش فرحتها كانها اول مره

    ننام عند خوالي ويرجع ابوي محمل بالخيرات والطويرات وكيس جدتي واللي معها في البيت معزول من يومه في البر كل شي ولا زعل الماما تبارك الرحمن الله يسخر لنا ولها

    عاد نرجع للبيت والكل يشارك في نتف الريش مع عمل حركات استعراضات بهلوانيه باللي يطير منه وكل واحد يحاول ينفخها ويخليها تطير وسط ضحكاتنا وقفزاتنا على امل انها تحلف كما العصفور من جديد

    ودارت الدنيا وبعد 20 يوم من زواجي بالضبط اتفاجأ باتصال من الوالد على جوال بعلي المصون
    ابوي : هلا ومسهلا
    بعلي : يحيك يالغالي
    ابوي: وش رايك تخاوينا بنطلع نصيد في مزرعه
    بعلي: ( كاني اشوف عيونه صارت قلوب حمرا ولسانه طلع من الفرحه ) صدز معكم ياخالي معكم محد يعاف طلعتن معك والله
    ابوي: خلاص يابو نسب جب الريم عندنا ونطلع بسياره وحده
    بعلي : قدام قدام

    بهالحطه ذكرت اللي من سنين شلون تشابهت المواقف لكن ردت فعلي اختلفت

    بعلي: تجهزي يالريم ابوديك لاهلك عشان ابطلع انا وابوك للبر
    انا: وشوووو قل غيرها
    بعلي : مع ابوك ابطلع
    انا : الطلعه طلعه مع ابوي ولا مع غيره معاليش ابوي ع عيني وراسي بس لايخرب طبعك ويطيحك بالبران زيه
    بعلي : ومن قال انا موب راعي بران ما عرض علي الا انه خابرني وخابر علومي
    انا : لااااا وش هالنصيب لو داريه ما اعرست عليك
    بعلي : ( ع باله بيحجر لي ) وش احسن راعي سفريات ولا راعي بران البس بدل ولا البس ثوب بيت ارجع طاقتني شموس ولا ارجع احمر عطر
    انا : بس هالمره
    بعلي : ابشري بس هالمره
    انا : بيطلع اخد معكم اخاف احد يشوفك ينقد عليك يقول معرس وطالع للبر
    بعلي : يابنت الحلال بالعكس بيقولون رجال مخاوي خاله ابو زوجته
    انا : ( صحيحه وع نياتي مو زي امي ومستحيه بعد ) صدز اجل رح الله يحفظك


    ومن عرفت ابوي ومن عرفت بعلي وهم كل اسبوع اخر اسبوع نطلع
    وكل مره ينلعب علي انا وامي بس الفرق
    انا اروح لاهلي وامي بطلت تروح لاهلها من زوجتني

تابعي تجارب أخرى من هذا القسم.