شاركي في النقاش

سجلي الدخول لإضافة تعليق.

التعليقات

74
  1. @mhma_ysyr

    جزاك الله خير يا ليمونة
    الوصفات مليانة في النت وكل وحدة وإضافاتها..انا أحب الأكل المتبل والحامض والمفلفل
    فأي وصفة أضيف عليها نكهاتي
    بس اليوم حابة اقول لكم حيل تمارسيها عشان تشبعي وفي نفس الوقت ما تحسي بالحرمان
    أنا من الناس اللي أحب العصيرات المثلجة..
    طبعا الفواكه في الريجيم عادة مسموح باليوم حبة وحدة
    فآكل الحبة هذي العصرية أو سناك بعد الفطور مثلا
    والعصرية أبغى عصير يا ناس نفسي في شي بااارد
    فاتعرفت على عصير الليمون بالنعناع
    خال من السعرات الحرارية ولزيز
    وطبعا أحليه ببديل السكر
    وبكذا أسوي لي كاسة كبييرة سلاش عصير ليمون منعنش وأستمتع بيها بدون أي ذنب

    كمان الكيوي
    3 حبات كيوي فيها 100 كالوري
    يا ما حلى عصير الكيوي برضه بالثلج وبديل السكر
    أو ممكن مع الليمون والنعناع
    علبة زبادي مع قطع أناس أو فراولة يا سلاااام ومافيها إلا 70 كالوري
    لما أعمل ساندويتش أمليه خس وطماطم

    هذي تتبيلة أعمليها مع الدجاج أو السمك أو الجمبري: ليمون وثوم وزنجبيل وشوية صلصة
    وشوحي على نار عاالية دقيقتين ثلاثة فقط يا سلاااام في العيش
    وعارفين بودرة جوز الهند اللي في السوبرماركتتات..ممكن بعد ما تشوحي تكشني شرايح ثوم وزنجبيل وفلفل حار في نقطة زيت زيتون وفي كاسة تخلطي مويا وليمون وملعقة جوز الهند وتصبيها ع الطاوة فوق الدجاج أو الجمبري أو السمك وتعلي النار فحتثقل ويصير عندك إدام تايلندي رووعة
    عصيرات سيزر أحط نص كاسة والنص الثاني ثلج ومويا
    بعد فترة اتعودت وصارت مزبوطة

    في حكيكة صحية كنت دايما أعملها وحتى أهلي حبوها
    بالدقيق الأسمر والعسل وزيت الزيتون..زي أي كيكة عادية..بعدين أقطع شرايح تمر وزبيب ولوز
    يا سلااام مرررة رووعة
  2. @mhma_ysyr

    نسيت أقول لكم الخدعة الثانية عشان تشبعي
    شوربة هوا
    هههههه
    أنا مسميتها كذا لأنه سعراتها قليييلة جدا، وطريقتها:
    في مويا مغلية نحط عظمة صدر دجاجة للنكهة، وبصل أبيض وثوم وزنجبيل وكوسة وكرمب (هذولا الاثنين سعراتهم جدا منخفضة)
    وومكن وحدة ملعقة كويكر
    وبعد ما تنهري نخلطها في الخلاط وبهارات وليمون وطبعا تكون خفييفة نسبة المويا فيها كبيرة
    ممكن تشربيها في العشا أو الغدا ..تشبعك بدون أي كالوريات
  3. @mhma_ysyr

    وشوربة الجمبري كمان
    نجيب أربعة حبات جمبري بس..ونقطعهم ونكشنهم برضه مع ثوم وزنجبيل
    ونحط المويا ونسلقها..وبعد 10 دقايق شرايح بصصل أخضر وشرايح خس..إيوة خس..جدا لذيذ شغالتي كانت تضيفه مع الإندومي ومرة عجبني وصرت أستخدمه وشرايح كرمب وكزبرة مفرومة وليمووووووووووووون
    وبالعافية
  4. يسلموووو يا ليمون با زهير موضوعك رائع
    وتفوح منه رائحه الليمون الرائعه

    اسأل الله ان يرزقك الفردي الأعلاف من الجنه

    تقديري

تابعي تجارب أخرى من هذا القسم.