شاركي في النقاش

سجلي الدخول لإضافة تعليق.

التعليقات

2,352
  1. صاحبة الموضوع
    ع طاري الثعبان يالحايله

    زوجي نومه خفيف يصحا من صوت خطوات عياله جنب الغرفه
    ولا اذا سمع صوتهم اعرفي ان البيت بيعلن حالة الطوارئ

    المهم
    مره من المرارير اول ماتزوجت نايمين ع بركة الله وكنت مفلوزه ( مفلوزه يعني فيني انفلونزا )
    المهم صحيت ع فزة بعلي المصون بخوف ويتلفت ويقولي
    اص اص
    اقول وشو
    يقول صوت فحيح ثعبان في الغرفه
    قلت بسم الله يماااااااه قال اقولك اص
    وهو فوق السرير يتلفت مانزل خايف
    وقل ماسكت قال ايه ايه اسمعيه اسمعي صوته اقوله والله ما اسمع شي
    قال اسكتي بلا صياح اصصصصصص
    من اسكت يقول لي ايه ايه اسمعيه
    واحلف له ما سمعت شي

    جلست اتلفت انا واياه في الغرفه وكلنا فوق السرير من الخوف
    قالي اسمعيه
    وانا مبلمه من الخوف
    والصوت ورا بعض
    قال واضح الحين ايه واضح اسمعي
    وف الاخر
    تدرون وش طلع الصوت
    تعرفون الصفيره الصغيره الي تجي في الانف نهاية التنفس اللي اذا صار الواحد مزكم ومفلوز
    كان الثعبان ذاك اليوم انفي طول اللي يفح وخارش ابو العيال

    قلت له الله يخلف على ام جابتك بس كل هالخرشه وثعبان وفحيح وكل ابو شي واخرتها انفي

    نم بس نم
    ع وزن
    قم بس قم
    هع

    وسلامتكم
  2. صاحبة الموضوع
    السلام عليكم ورحمة الله وبركاته
    صبحكم الله بالخيرات والمسرات
  3. الله يسعدك ياريميه على هالصبح إنتي وخشمك او انفك او منخارك تمك شرباااااااااااط زي ماقلتلك اول


    وترى كلامي اللي مافهمتيه أول عارفه إنك مافهمتيه لانها خربشات نفس
    وماقصدت إنك تفهمينه
  4. صاحبة الموضوع
    أم رانـيــه
    الله يسعدك ياريميه على هالصبح إنتي وخشمك او انفك او منخارك تمك شرباااااااااااط زي ماقلتلك اول وترى كلامي اللي مافهمتيه أول عارفه إنك مافهمتيه لانها خربشات نفس وماقصدت إنك تفهمينه
    والله يوسع صدرك يام رنو ويجزاك الجنه وذريتك وحبايبك
    دغدغتي تواضعي حبوبه


    كويس علمتيني انك صادقه لانه بصراحه شكيت بنفسي
    هوه انا صرت عبيطه ولا ايه




    يوم ذكرتي كلمة خشمك
    جا ع بالي سالفه

    اختي من سكان الغربيه
    ف يوم جا ولدها وقاعد يلعب ويسولف مع عيالنا
    ومن ضمن السواليف قال كلمة خُشْمَك بالحركات هاذي
    المهم احنا ضحكنا وعيالنا ضحكو
    ع بالنا الولد غلطان
    وقلنا لاختي صححي له الكلمه خَشْمِِك

    وكل مره ينطق خُشْمَك

    فمره شفت مقطع بدر صالح
    ونطق الكلمه بنفس نطق ولد اختي
    والله ياضحكنا
    قلنا اتاري الولد نطقها عن علم مو خطا مطبعي زي فهمنا

    وتاكد الموضوع لما خالطت اختي انها بلفظ خُشْمَك وخُشْمِك
    بعد ماخالطت زميلات لها اصولهم من المنطقه الغربيه

    قالت اختي مافيكم حيله ع بالكم خطا ضحكتو ويوم صارت صح ضحكتو


    وبس
  5. السلام عليكم ... كيف الحال والأحوال ... وأخبار الزوج والعيال ؟؟

    هاأنا ذا أسجل حضوري وأوقع بالقلم الأحمر علامة الحب الأكبر ...
    عبارات كنا نكتبها ونخربشها في الأتوجراف .... يالله كم كانت في ذلك الوقت رائعه
    وكم كانت تدل على البراءة .. وطهارة القلب

    الكلمة الطيبة شجرة تثمر السعادة والحب والرضا والمودة في الحياة
    فهي كالسحر تسحر القلوب وتصلح النفوس

تابعي تجارب أخرى من هذا القسم.