تعبت من حياتي وكرهت امي زوجتني غصب بزوج اختي الله يرحمها/ استوفى الرد

انا معاك بكل كلمه

بس اضيف شغله لصاحبه الموضوع انسي امك وابوك والكل

وفكري بشئ واحد تقدرين تضحين بكل احلامك وطموحاتك مقابل عيال اختك ؟؟

اذا تقولين لا ولهم رب يكفلهم من الحين تقومين وتروحين للمحكمه

اذا بيكسرون خاطرك وبتفكرين فيهم خلاص تأقلمي على هذه الحياه

بس شكليها باللي تحبينه قلتي انه غني معناتو يقدر يتكفل بشغاله وسواق

خليه يجيبهم ونظمي عيال اختك على نظام وتربيه تحبينه لعيالك وهم اساساك عيالك الخاله والده

وعيشي حياتك بالطول وبالعرض والفتره الجايه اقطعي اهلك الين مايروح احساسك بالظلم تجاههم

فهمتيني اللي يقرر انتي وقبل قرارك استخيري ماحد هنا يحرضك ولايدفعك تسوي شي

انتي اللي تحددي مصيرك

ماشاءالله تبارك الله يااختي لازم تفرحين لانك بتربين ايتام ومن هم عيال اختك ياحبيبتي احتسبي الاجر
اقبلي الواقع وارضي فيه ياروحي باين الرجال طيب والا كان اهلك مازوجك حاولي تتاقلمين وكثري من الدعاء
اطلبي شغاله تساعدك واهتمي في زوجك وعيشي حياتك معه لاتخلين عمرك يروح بالزعل والبكي

الله يكون بعونك ويصبرك

لا ترضين يا شيخة بتعيشين عمرك في مجاملات!

كلمي الرجال بكل جدية قولي له انا انغصبت عليك والزواج ما يجي بالغصب

واطلبي الطلاق


عيال اختك ماراح يضيعون. الرجال بيرجع يتزوج زي السلام عليكم

وانتي شوفي حياتك مع شاب من سنك

او اقلها تتزوجين عن قناعة مو بالغصب


ترا خمس شهور مو كثيرة ما فات من عمرك شي الحقي نفسك واطلبي الطلاق قبل تحملين وتتورطين


تعيشين مطلقة مرتاحة ولا متزوجة تعيسة تكذبين على نفسك وتمشين حياتك بالغصب


وان رجعتي بيت اهلك امك بتتحمل ثمن غلطتها. اقعدي على قلبها زي العلة. البيت بيت ابوك في الاول والاخير


ادري ان ردي قوي والبعض بيشوفه تحريض. بس هذا اللي بسويه لو كنت بمكانك. وانتي حرة تاخذين الراي او تقطينه ورا ظهرك