ياليتني ما تزوجت / تم الرد + قديم

ماقصروا الاخوات
الحقي عمرك لايدور على غيرك ويمكن يتزوج ويتوفق في زواجه ويبدأ حياة جديدة وينساااااااااااك
وماعاد يكون لك بقلبه وجود وأنتي راح تنكسرين عند الناس وتموتين قهههههر
وفقك الله ياقمر

ماشاء الله تبارك الله. الله يتم عليكم النعمة.
ياأختي قدري النعمة واشكري ربك وادعيه ان يجعل زوجك قرة عينك.
الحلو أنك عارفة عيوبك وتقصيرك وهذا دليل وعيك .
ياغالية مالك الابيتك وزوجك وعيالك.
حاولي تخلي اهلك يدخلوا واتحمسي
وزوجك ممكن مايكون مطنش لكن كبرياءه مايسمح له.
الله يوفقكم

ماشاءالله تبارك الله على زوجك

انتي عندك نعمه ما قدرتيها الله يهديك بس

حاولي تصلحين الامور و ارجعي لزوجك وبيتك وعيالك

حببيه فيك خليه يعشقك انتي قادره لانه يبغى منك هالشي بس انتي مهملته

ترى ربي بيحاسبك على هالامر اعطاك زوج بمواصفات تحلم فيها اي بنت ماشاءالله ومابين بعينك

لاتقولين ماعشت مراهقتي ولاعشت حياتي

خلاص انتي الان زوجه وعندك زوج و طفلين ربي يحفظهم لك

عيشي بمستوى عمرك و جملي حياتك و اسعدي نفسك باللي موجود معك الان

ربي يصلح حالك يااارب

شكرا لكل البنات اللي ردو واللي نصحوني او عاتبوني وانا واثقة ان الكل قال كلامه يبحث عن مصلحتي ولان الكل ما يعرفني والاراء كانت موضوعية ومافيها مجاملة .

يسرا ،، شكرا لك على رسالتك اللي بصراحة خلتني افكر كثير ،،، وانظر للموضوع من زاوية مختلفة .

انا موضوعي وقصتي طرحتها ويمكن كان في ذهني شيئين ، هل حياتي طبيعية بدون حب وبدون مظاهر الحب اللي نشوفها ونسمع عنها ؟؟

والجزء الثاني كنت احتاج نصحية ، اولا لاني ماحب الشخص هذا اللي هو زوجي ، هل من مصلحتي ارجع له او انفصل خصوصا اني مرتاحه عند اهلي وماعلي قاصر والاهم من ذلك ان ما عندي اي شعور تجاهه .

نقطة اخيرة

البنات المهووسات بالتكذيب ، والمؤمنات بنظريات المؤامرة اقول لهن : الحالة اللي انتن فيها هي حاله وسط بين المرض النفسي والتخبط السلوكي ، النظر بعين الشك وعدم اليقين لكل ما يقال هي تصرفات ان لم تكن تدل على مرض نفسي فحتما تدل على انحراف سلوكي مرده غالبا لظروف نفسيه او اضطهاد تعرض له الشخص في وقت ما في حياتة .

وش ممكن وحده مثلي تتسفيد من طرح موضوع لا يحتوي على إثارة ، ولم يتضمن شي خارج عن المألوف ؟ ولا يدعو للشفقة كما لا يثير الحسد ؟؟
بحق انا لا اعلم وش ممكن استفيد من طرح موضوع مخادع لا يتضمن مأساة مثلا او ادعاء بالفقر والحاجة واضع بعدها رقم حسابي لاستثارة العواطف بقصد كسب مادي ؟؟

وش ممكن استفيد من تعاطف احداكن او من اشمئزاز الاخرى ؟؟

لما اقول زوجي غني مثلا او اهلي اغنياء وش الغريب في الموضوع ؟ وهناك مائات الاف من الاغنياء في السعودية والحمدلله ؟ ثم ان الغنى والفقر شيء نسبي .. من اعتبره انا غني قد يكون بمقاييس غيري فقير والعكس كذلك ؟

بصراحه ادهشتني كمية التكذيب في هذا المنتدى ولم تفاجئني ، لعلمي المسبق بان في الناس منهم مرضى نفسيين واصحاب علل سلوكية ، ولكن ما ادهشني ايضا اني راجعت موضوعي وحاولت التمعن في مدلولاته فلم اجد شيء واحد يستحق الكذب لاجله .

سبحان الله شي بغيض ان يجبرك القدر على قراءة تعليقات مرضى نفسيين حول حياتك الشخصية ؟ وربما كان هذا مبررا لان يبتعد الانسان عن طرح معاناته للعامة .

شكرا للجميع

سبحــــــــــان الله