ليه صايرين البنات مايقبلو العيش مع اهل الزوج !

ما تأخذ الوحده راحتها..

وينهم الاهل الطيبين مشوفهم عذرا بس لما الوحده تسكن بيت اهل رجلها باختصار تفقد الخصوصيه لاطلعات تتهنى فيها ولا تجمعات تاخذ راحتهااا مثلا بتجمع بنات يراقبون متى يطلعون وليه تاخرو وجاو لاهل زوجها ضيوف اجباري نزلي قابليهم قهويهم ووووو تسكن بريحاتها احسن لها

شوفي بكون صريحه اذا سكنت عند اهل زوجي برتبط فيهم ماراح انام على راحتي وسهر صعبه وفشيله ثانيا البس ماراح تاخذي راحتك خلطات حنى اي شي اتخيل شكلي داهنه جسمي وشعري ونازله عندهم مممم مشاكلي انا وزوجي راح تكون مفضوحه وهو ولدهم اكيد بيحسون فيه زي ما امي اذا شافت وجهي معسوف عنده وتخاف علي وتضايق من زوجي والوقت الحين مو مثل اول زمان كانت البساطه تطغا على المجتمع والبنت اذا تزوجت خلاص ماله الا اهل زوجه واهله ونوم مرتب وطلعات محدوده اما وقتنا الان العلاقات كثرت صداقات معاهد جامعه فحلاته يكون لك بيت ونضام لك انت وزوجك طبعا هذا رائي ممكن غلط ولا يعجب الغير وانا مع ان اسكن شقه فوق اهل زوجي بس يكون لي مملكتي الخاصه وايضا مانكر اهل زوجي طيبين واحبهم ويحبونن بس ماتمنى اسكن بجناح عندهم اذا لي شي خاص مطبخ وجلسه ومدخل اوك سكنت يعني هذا منطقي وتفكيري وسوري طولت بالهرجه هههههههه

الخصوصيه لازززززم

ااااااااااااااااااااااااااااااااااه بس جيتي ع الجرح قسم بالله انا اللحين صار لي 6 سنين فوقهم ومشاكل وحاله واللحين لما جاءالفرج وزوجي بدى يبني مثل اخوانه تخيلوا بس بنى الدور التحتاني لهم لامه ولابوه وهم ماشاءالله عندهم شغاله وبناتهم خري مري كل يوم والله العظيم يويما يجون كل وحده يوم مقسمينه بينهم يعني انا وجودي انا وزوجي ماله اي فايده ويجن يتشرهن ليت الموضوع واقف ع عمي وعمتي الا واصل البنات وسلفاتي ابدا ابدا ابدا مافيه راحه ولا خصوصيه وكل اعيالهم طالعين والصغير اللي اصغر زوجي طالع وحنا الله يخلف المشكله محد مهتم لاهله الا هو يقهرني وكل شي فوق راسي ع انه اخوانه يجون يوميا يسلمون ع امهم ويشوفون طلبات البيت يعني والله ماله داعي وجودي بس يسبب مشاكل ع غير سنع والله كل اللي حولي واللي اصغر وبنات بناتهم طالعين ببيوت لحال الا انا الظاهر ابموت قبل لا اطلع ببيت لحال والله حتى امي حزينه ع حالي وحريم اخواني  انا بالعكس مو كله اني ماابيهم لكم انا مكلفه بزوجي وبس مااتزوجت العايله كلها وفوق كذا البيت مايخلى ابدا من اعيالهم وتغطي وحاله وحتى بناتهم يجون غير الشغاله تطبخ وتزين كل شي اااااخ بس ي رب فرجك ودي احس ان لي بيت خاص ولوحدي