الفزعة ياطباخات وخصوصا الجنوبيات والسبيعيات

@alfl_oalaanbr

االسلام عليكم دايما اسوي المرق حق اللحم اللي يقدم مع الدبيحة بس مايطلع حلو زي بعض الناس يطلع مرقهم حلو مره وادا سالتهم مايعلمون ابغى طريقة يكون فيها المرق دهبي يعني بدون معجون طماطم ويكون له نكهه ارجوكم اللي عندها خبرة تساعدني وراح ادعيلها كل ماسويتها

12 تعليق 3,698 مشاهدة

0 0

شاركي في النقاش

سجلي الدخول لإضافة تعليق.

التعليقات

12

  1. @samhony_aal_kl_shy

    هلا اختي المرق اذا كنتي تبغين لونه يطلع ذهبي حطي بزار بس لاتكثرينه مره ويطلع مر مثلا اذا كانت اللحمه تكفي ل7 اشخاص تحطين ملعقه ونص او ملعقتين واحسن بزار هو بزار الخرمه والقصيم دايما يمدحون هالنوعين واتمنى اكون افدتك

  2. @rym_alkhtany_1

    أنا أعرف أن المطاعم يحطون عليها حليب سايل عشان تجي رايبه ولما تحطيها في الضغط حطي مويه عاديه مو حاره وحطي فلفل رومي وكبش بصل لاتحطي طماط وحطي ملح بس والبهار بعدين لما تحضرينها ..

  3. @anyn_alhrman

    مرقة الذبيحه يا اختي ما تلعبي فيه ابد بس تفرمي بصل وقلقليه شوية يعني حتى لا تخليه يصفر بس يذبل وحطي فلفل وملح وكمون فقط وماء صافي

  4. @almhaaaa

    بما انك تبين فزعه ومنااا ابشري وان شالله اكون فهمت قصدك صح :)
    طريقتنا لذبيحه ((مفطح ))اذا تقصدين
    اول شىء تطبخين مووويه في قدر الذبيحه لين تغلي
    وسقطي فيها الخروف على ظهره يعني مقلوب
    ولاتحطي اي شىء ابد ولاتغطيه الذبيحه
    ابدي اقطفي الصفو ((مثل الرغوه تطلع لونها في اماكن
    من الذبيحه )) لين يختفي الصفو منها
    بعدها تكونين حاطه حفتين ملح ((كبر كفينك مرتين))
    وبصل مقطع صغير وطماط وبهار ((تسويه امي بالبيت))وثوم وفلفل رومي حبه مقطعه كبار وفلفل حار وليمون اسود ودارسين وفلفل اسود وشوي رشة كركم مطحون

    طبعا البهار امي تنظفهم حب ((بهار القصيم +بهار الخرمه +ثوم مجفف وبصل مجفف +كركم ))ان شالله ما اكون نسيت شىء من العجله

    طبعا اذا حابه تضيفين لها لبن تاخذين قدر صغير
    وتحطين في نشاء وتخلطين معه اللبن وتصبينه على
    الذبيحه << يسمونه مرقة اللبن

تابعي تجارب أخرى من هذا القسم.