وشلون اتقبل زوجي وهو يبي يتزوج على ..

الله يفرج همك وويفتحها عليك ويصبرك يارب
وكلام الاخت انك تخطبين له وحده عاديه جدا صائبه وان شالله ربي يريحك ويطمن قلبك

كلام سليم وفي محله

أنا باختصر الكلام أنا عارفه انه مو سهل عليك تعاملينه مزبوط وهو جارحك من جوووا لكن اشغلي وقتك بالنادي الصباح ضروري يجدد النفسية والنشاط وتحفيظ العصر لا تقولين الذاكرة ربك يسهلها وعامليه ولا كان شي صار والي كاتبه الله بيصير والله يصبرك ودعواتك

الله يفرجها عليكي امين و يرده اليك ردا جميلا و يرجع لك نادم و تبدين معاه صفحة جديدة امين

اختي و الله حاسة فيكي و بحرقة قلبك و ما لومك ابد بس ارحمي نفسك انتي لسه في عز شبابك ليش تثقلين نفسك بالهموم الي ما وراها غير المرض غير كذا تذكري اطفالك الي هم بامس الحاجة لك

اول شي الجاي لله بالدعاء ان يصرفه عن الزواج ثاني شي عدلي علاقتك معاه ... بيني له زعلك و معارضتك التامة على هذا القرار بس في نفس الوقت تجنبي الهواش و المشاكل معاه لان اذا شديتي هو بعد حيشد و بيعند اكثر

ارجعي لنفسك و بكل قوة ... اهتمي بنفسك غيري كل شي لبسك عطوراتك مكياجك البسي و دلعي نفسك ابتدي بالاكل الصحي العبي رياضة اقراي الكتب الي تحبينها احفظي قران انتبهي على صلاتك و اديها بوقتها باختصار حبي نفسك و ركزي على الي يسعدك
ادي واجباته لكن خلي كل تركيزك على نفسك

لو الله لا يكتبه تزوج ... خليك على قلبه ... خذي حقك كااااااامل خليه يجيب لك سيارة مع سايقها و دلعي عيالك ...خليه يدفع يدفع يا حبيبتي و اصرفي غير الي تصرفينه الحين

خليه يعرف و يحس ايش يعني بيتين و مصرف في اتجاهين .. و حاسبي حاسبي تتنازلين عن اي شي ... يا سلام انتي معاه من اول و تيجي الثانية على الجاهز و تاخذ كل شي و هو يتصرمح براحته لانك منهارة و هامله نفسك و غرقانه في الهم و الحزن ... خلاص اجل خلى الجو له بيعيش براحته ...

ذكرتيني بجارتنا .. تزوج زوجها و كان متحمس للزواج .. زعلت فترة و تركته و بالاخير عادي رجعت له و مرت السنين الحين تقول لما جرب و ثقلت عليه المسؤولية تندم على زواجه و دوم يتذمر من الصرف ... مع انهم الثنتين موضفات لكن و لا وحدة فيهم تصرف شي كل وحدة تدور مصلحتها و تبي تاخذ حقها كامل منه

الله يرضى عليك يا حبيبتي روحي الحين غسلي وجهك و صلي ركعتين و تعوذي بالله من الشيطان و اذكري الله و فكري زين في كل الي نقال لك و الله الله في نفسك تحتاجين تغصبين نفسك على اشياء يمكن تحسين انك ما تقدرين تسوينها الحين لكن صدقيني شوي شوي بتسوينها ان شاء الله و بتعجبك النتايج

و الله قلبي معك .. الله يفرجها عليك و يسخر لك زوجك و ما يجعلك الا انتي في قلبه و يصرف عنه فكرة الزواج امين

طمنينا عليك

ياختي ليش مسويه في نفسگ گذا هوه لين الحين ماتزوج  يعني عيشي حياتگ وانبسطي وفليها ودلعي نفسگ واهتم في صحتك وكل ماتذكرتي سالفه الزواج استغفري وانااعرف حريم ازواجهم معددين وحياتهم ولااحلى وتفالي بالخير تجديه ويارب زوجگ يهون عن الي براسه