تعبت من زوجي وتفكيره

الله يسخره لك ويعينك 
حاولي فيه يمكن الله يهديه 
وحاولي تطنشينه شوي مو حيل يعني لاتتكلمين معه كثير ولاتتصلين عليه كثير بس مو تسحبين عليه بقوه !!  لان زوجك واضح ماينفع الزعل معه 
خليه بس يحس بقيمتك وأنك مثله تبين تطلعين وتنبسطين 
الله يهديه ياارب 

مستغربه حتى علشان احمل برامج او اسجل فيها لازم اعلمه؟ مادري بس مو لدرجة انه يتحكم في حياتي كلها وكأني عبده له فيه شيء اسمه استقلاليه 

الله لا يحرمكم من غالي يارب
انا ساكنه فوق اهل زوجي بشقه طبعا ومانعنا من زيارت اهله من كثرة سوالفهم
هو عارف ان مالي ذنب انا مابيني وبينهم شي لا كن اهو يقول الاختلاط مره ماهو زين
ازورهم من عيد لعيد
والله يابنات لو اقول لكم ان اولادي تعبت نفسيتهم من الحشر ماتصدقون
اذا سمعو صوت اطفال عند اجدادهم يصيحون ويبكون
المهم ايش يسوي
يقولي خوذيهم اجلسي بغرفة النوم
لانها بعيده مانسمع فيها ازعاج او اصوات
واجلس طول يومي ع افلام كرتون
واركض وراهم بالغرفه مره يخربو الملابس ويرموها ع الارض ومره ع التسريحه
صرت عصبيه
وهو عذره انه يدخن ما يبي يزعج الاطفال
هو من ناحية غيور غيور مره
تخيلو عمي اخو ابوي من الرضاعه كان بيسلم علي هو منعه
لما عاتبت زوجي قال انتي تحسسيني اني مستعبدك

بالنسبه للواتس اول مانزل طلبته قال اسأل وسأل اخوه قال اخوه كانك جايب لزوجتك بلاك بيري
الله اكبر عليه
الحين خواتهم بنات وامهم عندهم واتس
احس بغبن كبير
حتى لبسي يتحكم فيه
مع إن لبسي محتشم
صرت افكر بالطلاق لاني عند اهلي الكل بالكل وابوي اقرب شخص لي ويحبني من قلب لو يدرون اهلي لحركاته كان تكبر السالفه
انا مره لمحت لامي مجرد تلميح بسيط احسها زعلت وقالت انتي لو تتطلقين الف واحد يخطبك
قلت هذا اللي ما ابيه اطلق وبعدين اتزوج واولادي يروحو فيها

ادعو الله يسخره ويهديه يمكن وحده فيكم دعوتها مستجابه

والله لو اطنشه ماتفرق معاه
اصلا هو يعصب علي احيانا من غير سبب
لما يهدى يقول انا كنت معصب من سالفه
يعني يحط حرته فيني