قصة اختي الموجعه. يفطر لها القلب أدخلو شوفوها عسى ربي مايبليكم

10 مايو 2013

الحمد لله والصلاة والسلام على سيدنا محمد وعلى اله وصحبه أجمعين
اللهم ان لك عباد قد احاط بهم البلاء وتأخر عنهم الشفاء اللهم ارحم ما اصابهم اللهم انزل شفاءك عليهم عاجلاً غير آجل شفاء لا يغادر سقما اللهم م***م من الذنوب والخطايا اللهم اغسلهم من الذنوب والخطايا بالماء والثلج والبرد اللهم اجعل ما اصابهم كفاره لهم ورفعة في درجاتهم اللهم اكشف عنهم ما اصابهم
اللهم طهرهم من كل عين وسحر وحسد وعشق يارب العالمين
وصلى الله وسلم وبارك على نبينا محمد

انا يا بنات لي أخت لها معزه خاصه في قلبي من بد خواتي كلهم وقلبي متقطع على حالها
كل ماذكرت قصتها حسيت بخنقه في حلقي وكتمه بصدري ما ارتاح الا اذا بكيت
هالبنت من فتره طويله يعني من تقريبا خمس طعشر سنه حصل لها موقف يعور القلب
لما كانت تدرس اول متوسط كانت تعاني من صعوبة في ماده وخالتي كانت مدرسه ومتخصصه في هذي الماده
المهم امي أرسلت أختي لبيت جدي عشان تدرسها خالتي . ظلت أختي عندهم كم يوم
بيت جدي طبعا كان نوعا ما مسكون . يعني الحمد لله على ماقد رحت ونمت عندهم ماقد شفت شي. بس أوقات أشخاص من قرايبنا يشوفون
وبعد مرور ثلاث ايام جاء لامي اتصال من خالتي تقولها بنتك مريضه . راحت امي تأخذها على طول وجات لعندنا
شفناها وماتوقعنا مرضها وصل لهالحد. البنت طول الوقت مسخنه ونايمه واذا صحت شوي جاها إغماء لدرجه ماتحس إبد باللي حولها. وهلي ماخلو مستشفى ماودوها مؤ عارفين لها يصرفون لها ادويه عالبركه حالتها مؤ راضيه تتحسن
مرت الايام وعلى هالحال كل يوم مستشفى وأمي بالليل تقعد على راسها وهي نايمه تقرا عليها قران وبعد فتره من المعاناة الحمد لله طابت
وحلمت انها تقتل أبوي لدرجه أفزعت من نومها وراحت تركض لأبوي تبكي تقوله قتلتك
بعد مرور سنيين من مرضها وشفاها علمت امي بقصتها
قالتلها يايمه انا لما كنت بروح اتروش فتحت مويه حاره وانا بطلع ناظرت نفسي للمرايه وشفت شكل غريب ويخوف شهقت وطلعت خايفه مرره
أمي هنا انهبلت وصارت تعاتبها ليه ماعلمتيني من البدايه قالت كنت خايفه
والحين خايفين ان اللي صار لها ياثر على مستقبلها
لأنو سبحان الله هي الوحيدة اللي ماقد انخطبت ولا احد تكلم فيها. مع انها وربي مزيونه وما تشتكي من شي . يتقطع قلبي لاحضرنا مناسبه يخطبون أختي الصغيره قدامها يحطمونها وهي ولاكنهم يشوفونها. وهي وربي مؤ ناقصه شي عن أختي الصغيره.
امي حطت لها خطابات بدون علمها ومافي فايده أبدا . منهم اللي تتهرب وماعاد ترد ومنهم اللي تجيب واذا جاء احد يشوفها يطلع ومايعود او يجون على اساس يشوفونها واذا جاء وقت الشوفه قالو خلاص لأتجي
امي جاها الضغط من كثر التفكير فيها.بس تهوجس عليها وتبكي
محنا عارفين وش السبب وايش الحل
المشكله اذا قلنالها بنوديك لشيخ تزعل تقول ليه تبون تودوني شايفين فيني شي
حاولت أقنعها تقرا على نفسها سورة البقره من باب باذن ربي راح يرزقها بالوظيفة
الرزق مقطوع عنها من كل شي . الحمد لله على كل حال
والحمد لله اقتنعت اول مره قرات البقره مانامت من الم برجلها. ثاني مره حست بتعب شديد. وتركتها. بعد فتره أقنعتها من جديد ورجعت تقرأها ولإزالت تحس بتعب من القرائه
بس القران ما تهجره. يعني ماشاء الله عليها أشوفها مدوامه على قراءة القران وحريصه مرره عالصلاه وتصلي الفروض باوقاتها
يابنات كتبت لكم هالمعاناه الطويله. لعل وعسى ألقى منكم جواب شافي
ينتشل أختي من وضعها الغريب اللي يعور القلب
كفاكم الله من كل شر وحفظكم من كل سوء وضر

قصة اختي الموجعه. يفطر لها القلب أدخلو شوفوها عسى ربي مايبليكم

التعليقات

قصة فتاة وجدت رجلا تثق به مرة أخرى

قصه

قصة

مزحة لئيمة، او خبث او قلة سنع؟ اخت زوجي

قصة