لكل المتكممين((عملية التكميم)) نداء عاجل

@aayony_aml

بسم الله الرحمن الرحيم
خواتي اخواني انا سبق وكتبت موضوع عن اللي وزنه فوق الــ180 شنوا الانسب له عمليه او رجيم طبعا ماقصرتوا بارائكم ونصايحكم
وبالفعل قررنا انسوي عمليه تكميم مع العلم ان الوزن تفاقم واصبح فوق 190 كيلو:29::29:
انا بقولكم شي اللي بسويها هو زوجي وانا خااايفه جدا وخلاص انتهى الموضوع العمليه راح اتكووون بعد اسبوعين بالضبط وانا مدري شسوي انا راح اكون له الممرضه الخاصه طبعا فابيكم تنصحوني شنوا اسوي وشنوا الانظمه اللي اتبعها معاه قبل وبعد العمليه وخاصة الشهرين الاولى من بعد العمليه ارجوووكم لا تبخلون بالنصيحه صح انا دخلت على منتديات وقريت قصص ومواقف بس ابي من اهل التجربه الفعليه او اي حد عندكم متكمم بالعايله او جيرانكم او اصدقائكم شنوا اللي واجهه واشلون انتفادى الالم واللوعه والوهن والتعب والشحوب بالنسبه لترهل مو من مخاوفنا انا خايفه عليه من فقر الدم او وجهه يصير كنه مريض يعني مافيه حيويه ونظاره
يعني قولولي بالتفصيل شسوي بالضبط وشنوا العده اللي اوفرها واللوشنات والكريمات وفيتامينات ولاعشاب والاسلوب اللي اتخذه معاه بعد <<<<<<<<<<<<<<<<احس اني زودتها بس من جد خايفه ومتوتره :08:
والله يسهلها عليه ويقومه بسلامه
والله لايهينكم :(]

19 تعليق 111,440 مشاهدة

0 0

شاركي في النقاش

سجلي الدخول لإضافة تعليق.

التعليقات

19

  1. @nzf_alahat

    حبيبتي العمليه هينه انا مسويتها من شهرين ...

    مايحتاج الا لبس نظيف وشراريب لان بعد العمليه راح يحس بالبرد ...

    بالنسبه للاعشاب المستشفى راح يوفر له اليانسوون لانه يحتاج يشربه بعد العمليه ....

    الدكتور راح يشرح لك كل شي . بقولك طريقة دكتوري .. عموما الاسبوعين الاولى للمريض بيكون معتمد ع الشوربات الصافيه

    وعصير التفاح تروبيكانا . والاهم ضروري ياخذ النيكسيوم (دوا المعدة)

    .. وشوربات صافيه مثل انك تسلقين قطعة لحم او دجاج بماي و بدون بهارات بس ملح وتاخذين المرق بس

    وممكن يشرب سوائل دافيه مثل اليانسوون لان بها الفتره الغازات تكون متعبه حيل ... وحلها المشي قدر الاستطاعه

    والدكتور بيكتب له ابر تجلط ضروري ياخذها كل يوم وبنفس الووقت حتى مايصير عنده جلطة لا سمح الله ...

    بعد اسبوعين يبداء بالشوربات الكثيفه مثل الكويكر ... مع ضرورة شرب الماي والعصيرر

    بعدها باسبوعين يبداء يدخل بالاكل المهروس بطاط مسلوق ومهروس سليق لحم مفروم ملوخيه ... الخ ...

    بعد نهاية النظام هذا يبداء يدخل بالاكل الطبيعي ... كل دكتور له طريقته في نظام الاكل ...

    بالنسبة لنزول الوزن انا مانزلت غير 11ك فقط لان كتلة جسمي قليله وكنت لاعبه بجسمي

    بالريجيمات .... الله يقومه بالسلامه وفاله الرشاقه

  2. @ryanh_alaaoood12

    انصحك تدخلين منتدى بدانه للدكتور التمياط لان هناك في تجارب كثيررره


    الله يسهل عمليه ويقومه بالسلامه لك يارب


    بس ممكن سؤال في اي مستشفى وبكم وعند اي دكتور واذا حكومي

    كيف اخذ موعد وطول الموعد او لا

  3. @nzf_alahat

    حبيت اضيف شغله توني اتذكرها الدعم النفسي ضروري لان المريض يحس بالحرمان والجووع وهالشي يأثر ع نفسيته

    خاصة في الايام الاوولى بالنسبه للدوخه والتعب والشحوب سببها قلت السوائل ضروري علبه الماي او العصير تكون

    معاه وين مايروح والشرب يكون رشفاات ....اي سؤال انا حاضرره

  4. @mnayr999

    حبيبتي خذي نصائح من دكتوره لاتترددي اتفسري عن كل شي
    والله يقومه لكم سالم معافي

  5. @aayony_aml

    صاحبة الموضوع
    نزف الاهات
    حبيبتي العمليه هينه انا مسويتها من شهرين ... مايحتاج الا لبس نظيف وشراريب لان بعد العمليه راح يحس بالبرد ... بالنسبه للاعشاب المستشفى راح يوفر له اليانسوون لانه يحتاج يشربه بعد العمليه .... الدكتور راح يشرح لك كل شي . بقولك طريقة …
    الله لا يهينك يا بعد قلبي

تابعي تجارب أخرى من هذا القسم.