الحل مع أخت زوجي

أنا ولله الحمد متزوجه من 10 سنوات وأنا وزوجي ولله الحمد عموما نحب بعض وتحصل بيننا مشاكل بسيطه مثل اي زوجين
المهم أم زوجي إنسانه في قمة الطيبه والأخلاق وتحبني كثيييييير ومعتبرتني بنتها وأنا ولله الحمد أعاملها زي أمي ، وزوجي عنده 8 أخوات وكلهم علاقتي بهم حلوه والمحبه متبادله بيننا ما عدا وحده منهم هي أصغر مني ب 6 سنوات تقريبا ومتزوجه وفي بداية زواجها ما جابت عيال وبعدين الله رزقها بالذريه وكثيييير فرحت لها
هي في بداية زواجي وقبل زواجها كانت علاقتي بها حلوه مثل أخواتها بس بعد زواجها انقلبت علي تماما وصارت تتعامل معي برسميه شديده وكأني غريبه
ودائما تحسسني اني غريبه بينهم ومره صار موقف بين زوجي وأخته الثانيه الأكبر منها وتزاعلوا وحاولت اصلح بينهم في جلسه تجمعنا قامت هي وصرخت علي وقالت انتي لا تتدخلي كله منك، مع ان أختها صاحبة المشكله كانت تشكرني ع وقفتي معها وع محاولاتي الاصلاح
قام زوجي وكان راح يمد يده ع هذي الأخت لأنها صرخت علي بدون وجه حق وأنا من حرقتي على نفسي قلت لها انت ما فيك أدب تكلميني بهذي الطريقه لاني أكبر منها وزوجة أخوها الكبير
ورغم موقفها مني الا اني رحت لها بعد مرور ساعه ع الموقف وحضنتها وبستها وقلت لها ان اللي صار بيننا ساعة شيطان واني احبها وما ابيها تزعل مني
ودائما اقدم لها هدايا لها ولأولادها وأسأل عنها وهي ولا تعبرني ولا تغلط علي بصراحه بس تعاملني برسميه شديده جدا وأنا موه مرتاحه لهذي الطريقه في التعامل لأننا أهل ، صرت لما نكون بجلسه تحاول تتجاهلني وتضرب بالكلام علي وعلشان هي متزوجه ابن عمها وأخوها الثاني خاطب أخت زوجها( بنت عمها) فهي من الحين مكبره بخطيبة أخوها وتقول هذي اللي بناخذ راحتنا معها ومن هالحكي مع ان أخواتها الثانيات كثييير يحبوني ويجلسوا معي ف بيتي بالأشهر ويقولوا نرتاح بالجلسه معك
كيف اتعامل معها والله ما أحب الإحساس بأن فيه أحد يكرهني وما تعودت الا اني اكون محبوبه من اللي حولي ما عدا هذي شعوري بكرهها لي مسبب لي ضيق

36 تعليق 10,457 مشاهدة

شاركي في النقاش

سجلي الدخول لإضافة تعليق.

التعليقات

36
  1. @brnsysa2008

    ما تقدرين تتحكمين بمشاعر الغير اهم شي انها ما تاذيك وبس
    وانتي عامليها بما يرضي لله ولا تصير اكبر اهتماماتك
  2. @bs_lydy

    صاحبة الموضوع
    والله كلامك مضبوط بس المشكله اني ما تعودت اشوف أحد يضمر لي الكره وبدون سبب كذا
    يعني تتصرف ببرود قاتل معي وتصرفاتها محسوبه ما تقدري تمسكي عليها غلط بس تعطيني انطباع اني انا غريبه بينهم وتحاول تظهرني بصوره ما حلوه بطريقه غير مباشره 
    اللي مرت بنفس وضعي راح تحس باللي احس فيه
  3. @choclet_chipes

    طنشيها وعامليها نفس المعامله الرسميه دامه هذي رغبتها بكيفها اما الباقين فخليك على حالك معهم

تابعي تجارب أخرى من هذا القسم.