تعبت والله تعب من زوجي

حبيبتي انتي أول شي لازم تفهمين طبع زوجك والي يحب والي يكره .. أفهميه زين شوفي الي يحب قربي منه وبعدي عن الي يكرهه

اول شي من كلامك انك تقولين له اتصل وانت ماتهتم فيني غلللللللللللللللط

الرجال مايحب المرأه الزنانة .. الي كل شوي تزن عليه وانت وانت وانت ماتسوي وانت ماتحط وانت ماتجيب

مرههههه ابعدي عن هذا الاسلوب مع زوجك في كل المشاكل وفي كل أمور حياتك

ابدأي معه خطوه بخطوه لتعديل اسلوبه وتعديل حياته .. للشي الي يريحك ويريحه

بداية : طولي بالك عليه .. طولي بالك .. طولي بالك

أي شي تبينه منه خوذيه بالدلع والكلام الحلو .. مارضى ؟ لاتقلبين الدنيا نكد وتعصبين وتتهاوشين و تسوين .. خلاص بس شكرا حبيبي تكفي

سالفه المكالمات وانه مايتصل عليك الا مره بالاسبوعين .. طيب انتي وينك ياختي ؟؟ ليه ماتتصلين عليه ؟

تلاقينك لما تكلمينه تحنين وترنين عليه وتطفشينه فـ يتهرب عن مكالماتك

عوديه كل يوم ماينام من غير صوتك . شلون ؟ كل يوم قبل ينام اتصلي عليه .. اسأليه عن اخباره ؟ كيف الدوام معه ؟ وش تغدى ووش تعشى؟ قولي له انك اشتقتي له

بعد ثلاث اربع ايام قولي له خلاص تعودت مانام الا لما اسمع صوتك :(

اصبري عليه 3 او 4 اسابيع بيصير هو يفقدك ويدورك وليه ماتصلتي .. مشاكلك لاتقولينه لها بمكالمتك ابدا

لما تصحين الصبح ارسلي له ( صباحك أنا ) (يسعد لي صباحك ) ( ممكن تسعد لي صباحي بصوتك ) ( وحشني صوتك حبيبي )

كلها كلمات بسيطه بتاثر فيه

كل فتره ارسلي له وسط انشغالك ( وحشتني )
لما تكونين بين زحمه الناس ارسلي له ( كل هالناس مايغنوني عنك .. اشتقت لك )
وقت الشغل حقك ووقت ماهو منشغل ارسلي له ( عسى الله لايفرقنا ) ( ربي يجمعني بك )

لما يشكي لك اسمعي له

لما يعصب لاتردين عليه سوي الي هو يبيه .. عودي لسانك على سم وابشر وحاضر حبيبي ومن يقول شي وهو معصب فزي واسمعي له

خلي النقاش بعدين لما يهدى ..

بس يجي لمك ابعديييييي عن النكد .. اول ليله لما يوصل لك جهزي له حمام دافي وحطي كم زيت عطري وشغلي الفواحه وكم شمعه بالحمام .

ثاني ليله احجزي لك عشا انتي وياه .

ثالث ليله جهزي عشا وفيلم او مسرحيه قولي له من زمان متحمسه اشوفها بس ماحبيت اشوفها من دونك

عودي لسانك على الكلام الحلو .. خليه بس تغيبين عنه يفتقدك . يحن لك .. يشتاق لك

لاتخلينه يتهرب من الجيه لك

حبيه وخصصي له جزء من وقتك يخصص لك كل وقته ..

ربي يجمعكم على خير


سالفه الصلاه انتي ذكريه فيها .. لما يجي وقت الصلاه قولي يلا نقوم نصلي حبيبي ؟

ارسلي له رسايل او مواعظ عن الصلاه

ياقلبي يارنيم والله والله اني سويت كل اللي قلتي عليه لدرجة اني مليت وماعد ادق اذا دقيت مايعطيني وه وهوه اللي يقول مع السلامه ويتعذر انه مشغول والكلام الحلو والله اقوله بس الفترة الاخيرة جالسه اغصب نفسي اني معد اقول كلام حلو عشان يعرف انه غلطان بحقي

احسه مايحبني انا حظي قليل في حيب الناس مع اني مرة طيبة ومااحاول اجرح احد واساعد باللي اقدر عليه حتى ص

يا قلبي انتي ،، ما أنصحك بالانفصال انتي متعلقه فيه مررة لأجل كذا هو مطنش وعارف انك ماتقدري على فراقه ،، نصيحة قدمي عالنقل يم زوجك حاولي قد ماتقدري ،،

الله يصبرك عليه ،، ويرزقك الذرية الصالحة ويتغير زوجك للأفضل ،،

الله يفرج همك