مشكلتي مع زوجي تكفون رأي سديد لاحرمكم الله الأجرر

السلام عليكم ورحمة الله وبركاته
اخواتي الغاليااات املي في الله ثم فيكم هاذي قصة وحده من قريباتي قالتها لي امس وصراحه ماعرفت ارد عليها كن المشكله لي ضاقت فيني الدنيا قلت مالي الا بنات حواء
ابقول القصه على لساانها ......

تزوجت قبل 17 سنه وعشت عيشه معاه من اهله الله عليم بهاا تحملت اهانات ومشاكل لدرجة وصلت للبصق بالوجه واتهموني بالسرقه وانا ساكته عشانه ولعيونه اخذت اجازه استثنائيه من دوامي لمدة 10 سنوات وسافرت معاه لمصر يكمل دراسته وتحملت الامرين مر الغربه والمعيشه الصعبه عشاانه قدمت تنازلات كثيييره عشانه اشوف اشياء كثير ونفسي فيها واصد عنها مابي اضيق عليه وكمل دراسته واخذ الشهاده ورجعنا للسعويه وسكننا في شقه ضيييييقه مرره ولا اقدر استقبل فيها احد وتحملت ورجعت لدوامي والبطاقه معاه يصرف على كيف ولا قد قلت شي بغى يشتري سياره اخذت قرض وساعدته وشرينا ارض وبرضو اخذت قرض وساعدتها فيها راتبي الآن مايصفى منه الا 1000 بسسس وليت اني اقدر اتصرف فيها ...

قبل اسبوع صار عليه حادث خططير ودخل غيبوبه وبيوم الحادث دق جوالي وانا كنت بغرفتي اصلي وادعي ان الله يشفيه لقيته رقم رديت عليه لقيته وحده سلمت وسألت فلان عندك قلت بحسن نيه صار عليه حادث ادعي له

انتي مين انتي موظفه عنده قالت لا انا زوجته ومن زمااان ولي منه بنت سكرت السماعه بوجهها وسويت لها حظر وطنشت والحمد لله زوجي تعدى مرحلة الخطر وتأكدت من زواجه 100٪

الآن انتم لو مكاني وسويتو لآزواجكم اللي سويته كيف راح تتصرفون احس اني مشتته ماني قادره اتخذ قرار تكفووون ابي رأي سديد



هاذي قصتها على لسانها شوروو عليها بس لاتنسون مانبي خراب بيتها لان معها اطفال مانبي لهم الشتاات

46 تعليق 7,316 مشاهدة

شاركي في النقاش

سجلي الدخول لإضافة تعليق.

التعليقات

45
  1. الله يعينها

    بصراحه هي غلطانه الله يصلحها اي حرمه تعطي فلوسسها رجال وتتنازل عن حقها هذي انسي انها تعيش مبسووطه

    مالها غير تصبر ع حالهاا وتاخذ صرافتها وتنشغل بنفسها وعيالها وتتفاهم معه يسدد هالقروض اللي ع ظهرها

    سبحان الله الرجال لو تسوين اللي تسوينه ماينفع معهم شي خلها تطيعه باللي امرها ربي فيه اما سالفة الفلوس هذي لا
  2. @alrozlyn_1

    يارب ترحمني وترحم حالكم يارب 

    الرجال بين الحياه والمووووًوت بما انه ابو عيالكم ادعووو له يقوم بالسلامه ويخليه ويشفيه من الي اهو فيه 



    اوقفو يد وحده كزوجات لهذا الرجل وصفو النييه بين بعضكم الا ان يقوم بالصحه والعافيه وادعو له 

    الزوجه الاولى الله يعينك على ما بلاك امانه احتتتتسبي هذي الصدمات الاجر وصلاح عيالك وصلاح حالك مع ربك اللهم ااامين 


    والله يسهل امورك في الدنيا والاخره 
  3. @gmylh_algmylat_1

    لاحول ولاقوه الا بالله
    الرجااال ماينفع معااهم المعررروف لازم من البدايييييه تنزززل عييينه
    القويه تعجبه عسسكس الضعيفه
    الله يرزقناا الجنه
    بالنسبه لصديقتك
    وش بيداهاا تسوي دايم ماتبغااا خراب بيتها
    دامها صبرت هالسنين تصصبر دحين

    الله يسخر لها ويعطيها القوووه يارررب ريرزقها الجنه وبرر اولدهاا
  4. @brorh2

    تزوج على سنه الله ورسوله
    ماراح كل يوم بحضن وحده
    قوليلها تتعوذ بالله من الشيطان
    واهم نقطه لاتحسب ان عليها شي تسويه
    شي سواه زوجها يمكن ماهي راضيه بس ماتقدر ترجع الزمن لوراء وتمنعه
    وحتى لو رجع الزمن ماتقدر تمنعه
    الرجال اذا بغى الزواج تزوج
    ولاهو حرام
    تراني زوجه اولى

تابعي تجارب أخرى من هذا القسم.