مرحلة ماقبل السكري الله يرضي اللي تساعدني

بنات الله يرضى عليكم ويرضيكم في الدنيا والاخره انا بالصدفه اكتشفت ان عندي مرحلة ماقبل السكري وصابني هم وغم يارب رحمتك ذبحني الجوع مدري اش اكل واش اخلي لاني بدون علاج بس على الحميه اخاف اكل زي مرضى السكر واتعب لانهم يساعدهم العلاج الله يشفيهم تكفون سمعتوا عن احد طاب منه وماصابه السكر تكفوووون افيدوني والمشكله عندي حساسية اكل بس ماعرفت اش هو الاكل اللي يسببها ومافيه في لمدينه اختبار حساسية الطعام والله ذبحني الجوع يااارب تفرج عن اي وحده تساعدني ياارب ترضى عليكم وارجوكم يامشرفات لاتنقلون الموضوع انا كتبت في قسم الصحه بس مافيه ردود لو كم يوم الله يشفي كل مريض بي اني مسني الضر وانت ارحم الراحمين

30 تعليق 104,195 مشاهدة

شاركي في النقاش

سجلي الدخول لإضافة تعليق.

التعليقات

30
  1. @klb_mnksr

    سؤالك غريب
    شوفي مريض السكر مثلا ياكل فقط 12 ملعقة رز او مكرونه الفول مثلا 4 ملاعق او 6 يعني ياكل مثل الناس بس بااعتدال
    والنت عندك ابحثي عن حمية لمريض السكر النوع الثاني
    وعموما اذا انتي عمرك بثلاثين يسمى النوع الثاني من السكر وهذا النوع عادة يصاب به الشخص بسبب السمنه وخصوصا محيط البطن
    واعرف ناس مصابين به ولاياخذون علاج فقط رياضة الاكل صحي وينزلون وزنهم
    وشوفي هذا المنتدى فيه دكاتره
    الآن كولي خبز عادي معاه أي شي تحبيه بس مايكون حالي مره مثل مربي وكثري خظروات وربي يشفيك
    ابعدي عن التفكير والخوف وتوكلي على الله
    ××××××××××××××
    لايسمح بوضع روابط منتديات
  2. @ghrob_alshrky_2

    سلامتك ماتشوفي شر
    حااااااااسة بهالاحساس يااختي
    الاغلبية ممكن يتعافون من نسبة السكر بس حتى تعرفي  هل عندك نسبة من السكر لازم تحللي نسبة السكر التراكمي في الجسم وهذا بعملوه كل ست شهور مرة .
    وعليها يحكم الطبيب هل هو نسبة بسيطة او قريبة من المرض
    اكلك راح يكون طبيعي بس ابتعدي عن السكر الابيض بكل مؤكلاتك و المشروبات(اهم شي ينصحون منه الاطباء).

    بالصباح اشربي ماء دافي لو قدرتي 4 اكوب كويس
    بعد امشي نصف ساعة .
    ممكن تشربي منزلات السكر الطبيعية على شكل شاهي مثل القرفة السلانية المطحونة على كوب ماء ساخن وخليها ربع ساعة واشربيها قبل وجباتك الثلاثة 
    بربع ساعة.
    وجباتك الرئيسية مثل ماهي بدون حلويات بس لاتكثري غداء اذكر معالج يقول هاتوا صحنين صغار واحد سلطة مشكلة والثاني فواكه تفاح برتقال بروكلي اخضر
    تناولهم قبل الغداء فراح تستهلكون وجبة غداء اقل .

    بين الوجبات ممكن تاخذي فاكهة الا الموز مايصلح.
    ممكن تاخذي شريحة خبز اسمر وتحشيها باي حشوة تحببنها
    اي مشروب بارد او حار بدون سكر.
    وحاولي تمشين قبل النوم وتكثري استغفار ودعاء
    وعودي حللي بعد شهر تحللي طبيعي مو التراكمي على الريق وبعد الاكل بساعتين ان شاء الله تحسني ولا تصابي بالمرض.
    ودائما قووولي الحمدلله.
  3. الحمدلله انك عرفتي بدري قبل الاصابة بمرض السكري والعلاج سهل وراح يتعدل السكر عندك ويرجع لطبيعته مع الاكل الصحي يعني الخبز يكون بر كثري خضار مطبوخة وسلطة بأكلك عشان تحسي بالشبع الأرز والمكرونة خليهم مرة او مرتين في الاسبوع وماتعديها عن 12 ملعقة نفس الشي مع الحلويات ابتعدي عنها قد ماتقدري ولو اشتهيتيها قطعة بحجم علبة الكبريت ومو دائماً تحلي المشروبات الغازية والعصيرات ابعدي عنها لانها ملياااانة سكريات غير كذا كلي من أكلكم المعتاد لكن قللي الكمية وعليك بالمشي يحرق السكر حرررق .واعتقد كان المفروض الدكتور يكتب لكم حبوب منظمة للسكر حبة باليوم تساعد ع ضبط السكر في الدم الوالدة كانت نفس حالتك والحمدلله تحسنت كثير ورجع السكر للمعدل الطبيعي . فالك العافية
  4. @am_hgorh_1

    أختي مرحلة ما قبل السكري أهم شي فيها الرياضه وإنقاص الوزن واتباع حميه غذائيه تعتمد عال خضروات والبقوليات والخبزالأسمر وممكن الرز الأسمر بكميات قليله . وطبعا اذا التزمت بها لأشياء بإذن الله ما تصابين بالسكري واحمدي الله انك اكتشفتي الموضوع بسرعه بالانجليزي حالتك اسمها impaired glucose tolerance عشان اذا حبيتي تبحثي بالنت والله يشفيك ويبعد عنك كل سوء

تابعي تجارب أخرى من هذا القسم.