شاركي في النقاش

سجلي الدخول لإضافة تعليق.

التعليقات

72
  1. @maalm_agyal

    صاحبة الموضوع
    اقولكم عاد وندخل ستار بكس وأمي على طول سيدا على اقرب جلسه عند الباب<<<حمدت ربي مافيها احد والا كان الله يحفظها قلطت معهم ولا استبعد إنها تعزمهم التزابله عندنا..

    وروح انا عند الفلبيني ووقف وطبعا هومعطيني مقفاه..

    قلت: إكس اكيوزمي<<<<<<مايمديكم ارطن انجليزي
    بس ذا التنح ماعطاني وجه قلت أحسن عشان ارجع أرطن مرة ثانيه

    أنا: إكس اكيوز مي بليز<<<<<<هالمرة رطنت بقوة زدت عن اللي قبل بليييييييز

    وتمنيت مايرد يمكن المرة الثالثة أصير انجليزية
    وفعلا مارد قلت : (((أكس اكيوزمي بليز لو سمحت))) <<< وشي ذي لو سمحت من وين طلعت!!!!:08:

    الفبيني : يس مدام<<<< عمى يعمي وجهك مدام بعينك

    بس ماعليه شرهه شكله كان نايم وهو واقف

    قلت: آي وونت تو موكا ((( اقروها بالإنجليزي)))<<<< شكلكم ماعندكم لغة مثل لغتي خخخخخخ
    {{ قلت انا أريد 2 موكا)) <<<<< حلو الواحد يكون مجيد لغتان اللغة الإنجليزيه واللغة العربيه الفصحى

    قالي: ذاس أول{{ يعني بس هذا}}

    قلت :لا أبغى معاها كرمل وكريمة(( طالبة موكا باردة)))

    طبعا مارد علي وعيد مرة ثانية (( ويذ موكا آند كرمل))

    والفلبيني متنح ودي إني لافعته بقوطي النسكافيه اللي قدامي<<<<مسكينة ماتدري إن القوطي ذا كوب

    الله العالم إنه:
    1- أول مرة تدخل عليه وحده متسترة وعباته على الراس وحافظتن لها جملتين بالإنجليزي
    2-مايفهم الشي إلا من المرة الثالة

    قلت يابنت عيدي له الظاهر الموكا ميب طالعه إلا وروحك جنبها:11retcher
    واعيد والحمد لله كان فيه تجاوب بس كان محتاج سبورة عشان يفهم<<<<صدق إنك معلمة

    ورحت لأمي بعد ما فحطت بالإنجليزي وسحبتها من مكانها ووديتها لطاولة ثانية

    بعد شوي جهز الطلب.. ورحت جيته
    واثاري شيخ الفلبين حاطه لنا سفري يعني((( لاتجلسون عندنا)))<<<<ليه بيتهم!!!!

    وآخذه ورجع لأمي ومسك الجوال ويبدا البلوتوث<<<<لامحتن لها شلة بنات بالجلسة اللي وراهم

    عاد أنا مانعطى وجه بالبلوتوث ماخلص

    كنت في قمة حماسي وفجأه ارفع عيوني والا أشوف عيون أمي تدمع
    والدموع شلالات على خدودها:(

    وتطير بوهتي وش جاها وش تذكرت!!!!

    وشف كوبها رايح نصه وتطير عيوني زود<<<<وحدة كبر الفيصلية والثانية المملكة

    قلت وش بتس!!!
    قالت: آآآح بااااااارد

    وأنا اللي أموت ضحك أثاريها تحسبها تشرب عصير تشفطه بسرعه ومسيكينه الموكا كلها ثلج وصدع راسها من البرودة

    والمشكلة ماهي أول مرة تسويها بس عجزنا عنها وحنا نعلمها بس أميميتي مافيها صبر عجله بكل شي
    قلت: يمه تلذذي فيه منتيب ملحوقة <<<<شكلي استاثمت فيها

    وتراني أنا توي مابعد شفط ولا شفطه
    قالت: والله إن ماخلصتي إني لا أطلع واخليك
    قلت هااااااااااااوووو
    ومازلت أنغز بهالجوال والعالم ماصدقت احد يرسل لها
    قالت ترى بروح

    قلت خلاص تعالي لي العصر<<<<قلت لكم مانعطى وجه بالبلوتوث

    قالت : ياللا خلصي ولا يكثر<<<< عادي تمون أمي

    المهم أمي خلصت وراسها مصددددددددددددع وتدور بشنطتها بندول<<<ياعمري اميميتي صدق استاثمت بها

    والمشكلة أنا مابعد خلصت ولا الربع
    قلت اقعدي ووسعي صدرك
    قالت لا بروح أطلب لخوانك موكا ولا جي إلا وأنتي خالصة

    وراحت وليتها ماراحت
    أمي: لو سمحت 2 موكا
    أنا أويق عليها واضحك عارفه أن تنيحان بن فلبين موب راد عليه

    وعادت مرة ثانية ولا رد
    وويق وقول لأمي اصبري باقي ثالثة ويرد <<<<<عرفت الطريقة

    عادت مرة ثالثة ورد
    قال: سيم سيم أول!!؟؟؟(( يحسبها أنا)) <<<قايلة لكم تنح ذا الفلبيني
    قالت امي : وشو!!!؟؟؟
    وويق عليه وقول قولي إيه<<<< ماسكة خط معهم
    قالت أمي:ابي موكا لعييلي
    قال: سيم اول!!؟؟
    قالت إيه
    وفهم اخيرا وكل اللي موجودين فهمو إن أمي تبي موكا لعيالها
    فجاه اسمع صوت امي:لو سمحت حطهم بكيس مابي السواق يشوفها

    ((( يمه لا لا لا لا ليش كذا)) وبصوت عالي حتى اللي بقسم الرجال سمعهوها

    قالت امي ياللا انتي خلصي اشربيه بسرعة<<<<< تبين أسوي زيها عشان اصدع

    قلت يمه لا تفشلينا ترى ما ينحط بكيس!!
    قالت حرام مابي السواق يشوفه ترى له نفس
    قلت بس توك معطيته عشرة ريال يعني ماهمته هالموكا
    قالت ولو مسيكين وتسحب شنطتي وتطلع

    طبعا انا وراها بس مريت على مغاسلهم وانتم بكرامه
    المهم شمرت عن ساعداي ورفعت عباءتي وفتحت صنبور الماء<<<<< ما يمديكم على اللغات
    اللي تبي أدرسها تجي<<<< لا يكثر بس
    المهم افتح البزبوز إلا تنفتح الثانيه معها
    وتطير عيوني واصكه وتنصك الثانية معها
    وانهبل قلت أكيد الكميرا الخفيه

    وأعيد الكرة ونفس الشي وأنهبل وأبدأ اتلفت يمين ويسار قلت شكل حمامهم به جني
    وعيد وعيد وعيد وبالأخير قلت (( إخس يا ستار بكس والله منتيب سهل)))<<<نهاية سعيدة


    وبس وبس وبس
  2. @maalm_agyal

    صاحبة الموضوع
    معلمة أجيال
    اقولكم عاد وندخل ستار بكس وأمي على طول سيدا على اقرب جلسه عند الباب<<<حمدت ربي مافيها احد والا كان الله يحفظها قلطت معهم ولا استبعد إنها تعزمهم التزابله عندنا.. وروح انا عند الفلبيني ووقف وطبعا هومعطيني مقفاه.. قلت: إكس اكيوزمي<<<<<<ماي…
    ملاحظة:
    ترى هالسُّلافة صايرة قبل المقاطعة

    حبيت أنوه عشان ما تاخذون موقف مني أنا وميميتي


    وشكرا على الحماس بس ابغى رايكم بعد ما كملت القصة
  3. ههههههههههههههههههههههههههههههههههههه

    والله ضحكتيني من قلبي اضحك الله سنك

    نفسي اعلق على كل كلمة بس اللحين ماعاد فيني اي حيل

    يعني البنزين خلص

    ان شاء الله بكرة افصفصو تفصفص <~~ هوف تعبت

    عاد يا بهذا الرد يا باللي قبلو او اخلي لكل جزء رد <~~ يابياختك

    وبس آآآآآآآهههههههه <~~ تتثاوب

تابعي تجارب أخرى من هذا القسم.