بنتي وخطيبها اقصد زوجها وتذمرها من حظها
السلام عليكم ورحمة الله وبركاته بدخل في الموضوع بنتي مملكة قبل رمضان وهي وحيده مالها خوات المشكله زوجها من يوم ما ملك وهو رافض الشوفه ومشيناها قلت يمكن يستحي وبعد فتره كلك اخوها وقال انه له راي غير الشباب وانه مايايد المكالمات قبل الزواج ياخواتي انا عادي عندي الموضوع المشكله بنتي متحطمه من السالفه هذي لان كل البنات صديقاتها يكلمون ازواجهم بعد الملكه وبنات عمها كذالك بس ما ادري هو ليش كذا دائما تتذمر من حظها وانها مالها حظ والوحده ذبحتها تبغى احد يدلعها زي ازواج البنات تقول احلى ايام هي هذي الايام وانا مافي يدي حيله واخوها يقول مالي شغل مستحي منه اقول كلم اختي بعدين زواجه شكله مطول ينتظر التعيين وهو مدرس واخلاقه ما شاء الله ماهو جاهل وانا اشوف الشباب اخواني يكلم زوجته بعد الملكه مباشره ومادري وش حظ بناتي كذا الله المسعان