بنتي وخطيبها اقصد زوجها وتذمرها من حظها

السلام عليكم ورحمة الله وبركاته بدخل في الموضوع بنتي مملكة قبل رمضان وهي وحيده مالها خوات المشكله زوجها من يوم ما ملك وهو رافض الشوفه ومشيناها قلت يمكن يستحي وبعد فتره كلك اخوها وقال انه له راي غير الشباب وانه مايايد المكالمات قبل الزواج ياخواتي انا عادي عندي الموضوع المشكله بنتي متحطمه من السالفه هذي لان كل البنات صديقاتها يكلمون ازواجهم بعد الملكه وبنات عمها كذالك بس ما ادري هو ليش كذا دائما تتذمر من حظها وانها مالها حظ والوحده ذبحتها تبغى احد يدلعها زي ازواج البنات تقول احلى ايام هي هذي الايام وانا مافي يدي حيله واخوها يقول مالي شغل مستحي منه اقول كلم اختي بعدين زواجه شكله مطول ينتظر التعيين وهو مدرس واخلاقه ما شاء الله ماهو جاهل وانا اشوف الشباب اخواني يكلم زوجته بعد الملكه مباشره ومادري وش حظ بناتي كذا الله المسعان

67 تعليق 16,874 مشاهدة

شاركي في النقاش

سجلي الدخول لإضافة تعليق.

التعليقات

64
  1. @soalyf_bnat

    ما يصير كل هالتذمر

    عشان هالمشكلة الي ما هي مصيبه

    الله خلق الناس و فرقهم في الطباع 

    و في كل شئ ناس تستحي بقوة

    و ناس جريئة بقوة 

    و الحياء لا يأتي إلا بخير 

    وهو صفة محمودة في الإسلام و ليست مذمومة
  2. من راي دام انكم سالتوا عنه وبنتك استخارت فيه وهو شاريكم

    خلي ابوها يكلمه اذا الزواج مطول ويعرف منه سبب رفضه للشوفه والمكالمات

    وحددوا وقت يشوفها وقت ووقت يكلمها علشان يفهموا بعض مو شرط دايم مكالمات وشوفه علشان مايملوا

    الاثنين من بعض ومو شطاره اهم شي انه يبي البنت واخلاقه ممتازة
  3. @osm_tshryn

    وانا اختك مو كل من كلم خطيبته صارت حياتهم سعيده
    يمكن يكون مستحي يكلمها او خايف ان المده طويله مايبغى مشاكل بالفتره
    اذا كانت حييل متاثره من الموضوع خليها ترسله مسج دعاء او شعر وتشوف رده
    ادري ودها مثل البنات ومالومها الخلق كلها هابه كذا
    الله يوفقهم ويسعدهم

  4. بنتك صادقه احلى مرحله في حياتها وتبي تسمع كلام حلو ودلع
    مدري احسه غريب مو من ذا الجيل الواحد اول مايملك يكلم اخر الليل وهذا مايبي يكلم ولايشوف ؟

تابعي تجارب أخرى من هذا القسم.