لكل من مرت وعانت من اكتىاب النفاس محتاجه مساعدتكم

والله لن تجد مكروباً ولا منكوباً ضاقت عليه الدنيا بهمومها
ولزم الأذكار إلا جعل الله له من بين أطباق الدنيا فرجاً ومخرجاً !
(الشيخ الشنقيطي)"

ياعمري انتي ياجرعة تفاؤل كان تفكيري كذا مثلك خصوصا وحده اعرفها جاها نوبة أكتئاب طبعا كانت بدون ولاده واهاوشها واقول لها وين ايمانك بالله وثقتك بالله
يوم جربته حسيت بمعاناتها أمر خارج عن سيطرتك ماتقدرين تتحكمين فيه في البدايه
وماراح تحسين ولاتصدقين كلامي الا الى ان تذوقينه وجعلك ماتذوقينه لا انت ولا كل مسلم
يكون في علمك ماله دخل بضعف الايمان او البعد عن الله
وحده تحكي لي عن ابوها تقول والله انه مؤذن و عمره 12 سنه ولايفوت الصلاه وكان يحج كل سنه الى ان صار عمره 70 تقول جاه أكتئاب فجاء تخيلي يشق ثيابه ولا يجلس في البيت ولا ينام ويبكي تقول تعذبنا معه الى ان صرفو له مهدئات تقول كانا نحاول فيه يترك المهدئات قال دام انها مريحتني وتخليني اذكر الله واهلل واستغفر ماراح اتركها الى ان يفرج الله توفى الله يرحمه وهو عليها
انا متاكده ان المرض هذا له علاقة بالحسد حسبي الله ونعم الوكيل وقلة التحصين مني


وللمعلومية قالتها ممرضه لي ان الاكتئاب ٤ مراحل
الاولى اللي تجي اغلب الحريم بعد الولاده اللي هي الضيقه الخفيفه والطفش
الثانيع اللي تجي نسبه منتشره مثل البكاء لادنى سبب والتحسس من الكلام
والثالثه اللي هي ضيقه وبكاء ونوبات هلع واضطربات النوم فقدان حاد للشهيه وللوزن هذي كانت حالتي
والرابعه اللي تشمل كل ماسبق معها ميول للانتحار وقتل المولود

الله يشفي مرضى المسلمين و لا يبلانا

شكرا للتوضيح

الحمدلله بديت اتحاشى اي الم وضيق واقوي نفسي الفضل يرجع لله ثم لكن يابنات

أحسنتي واستمري وقاومي الى ان الله يشفيك ترى اذ استسلمي له ابشري بالعذاب النفسي
وطبعاً لاتنسين أحتساب الاجر تراني اذكرك واذكر نفسي لاني مازلت اتخبط فيه واقاومه