ياحلو اسراركم الحوائية
جوري بنية خالد / اتوقع الي يتحسسو من الاكسجين حتولع يدهم يوم العزيمة احمرار وحكة انتبهو منه
عندي سر نظافة يمكن مايكون سر بس بقوله للفايدة
لما عيالي يفرشو اسنانهم ويطيح منهم وصلات معجون من الانبوب على المغسلة
زمان كنت اعصب عليهم وامسح بهم الارض واهدد واتوعد
الان صرت لو اشوفه انبسط على طول امسح فيه الحنفيه وحواف البالوعه حقت المغسلة واشطفها وامسحها
تلق كانها مرااااااية
سر ثاني في الطبخ
لما اطبخ اي اكل متسبك بدون مرق مثلا دجاج او خضار و شاورما او كودو
عشان مايلزق وينحرق ماضيف موية ابدااا ابداا للصوص
اضيف حليب طازج المراعي وغيره شوي قدر فنجان ابو اذن
يثقل الصوص ويعطيك نتيجة مقاربة لكريمة خفق اذا ماتوفرت
سر ثالث للتعامل مع الزوج العصبي سريع الاشتعال
اذا دخل عليكم من برا وهو لابس قرون ابليس ولا كان في البيت وقرونه واصله سقف بيتكم
اغربي عن وجهه انت وعيالك// لغير المتحدثين باليابانيه ضفي وجهك ولمي خشش بزرانك
واتركيه يصارع ابليسه لحاله
على الاقل ساعه كامله
بس يحس البيت هدوء ومايلقى احد يحط حرته فيه حتى ذبان وجههه هج معاكم
بيفك عنه ابليس ويقول له انقلع بروح اشوف لي زوج غيرك حريمته مهبولة تتحداك وتصارعك وانا اشجع النصر واصفق فوق روسكم. خخخخ
وسلامتكم من شر ابليس واعوانه
تعالوا نكتشف اسرار الحريم
متابعة النقاش، صفحة 8