مامني فايده

اختي جمالك كفت ووفت ،، بس شكلك طالبه زيي
كوني صدقات من نفس التخصص بالماحضره سولفي مع اللي حوالينك او اتعمدي اجلسي مع مجموعه عاجبتك كانك مالقيتي مكان وسولفي واضحكي معاهم وقولي انا ماعندي صحبات لسى جديده منكن اجلس معاكم بتشوفين ردة فعلهم اذا يبونك او لا
،،
الطبخ اشتري كتاب النخبه احسن كتاب للمبتدئه بس الجزاء الاول وخصصي لك وقت للمذاكره مثل بعد قهوت المغرب والطفل الحمدالله حاول ماتحملين اللحين لانك بتتعذبين مع الدراسه مرره تعب خليه الى اخر سنه
وخصصي يوم للخروج ويوم بالاسبوعين للحموله واذا رحتي خذي بيدك حاجه حلا للقهوه او هديه لخالتك او معمول شوكلة اي شي بس مو كل مره ،

الله يجزاكم خير علئ ردودكم 
العضوه ماما حبيبيتي انا كنت عادي ببيت اهلي امي تخلينا نرتب او نطبخ اشياء خفيفه بيض فاصوليا بس هذي الحاجات مو اكثر ودايم تقول لي اطبخي واقول بعدين كنا نشتغل شغل خفيف 
بس من بعد ماتزوحت صرت ما احب ارتب كل يوم مع ان حنا اثنين بس 
العضوه منجو ماقصرتي والله كفيتي 
بس بخصوص اهل زوجي انا ما ابي اغير شخصيتي عشان ارضيهم بس والله حابه اصير جريئه شوي يذبون علي كلمه وابتسم اذا تكلمت يقولون مانسمع صوتك!! 
وربي اني اتكلم عادي 
اللبس والكشخه ما اعرف من وين يشترون البنات بالجامعه تعجبني ستايلاتهم بس ما اتجرأ اسأل وحده فيهم 

العضوه جمالك سحرني 
اي والله ماعندي ثقه بنفسي ابد 
مرات احس اني واثقه واقول با اسوي اللي يعجبني وبا اصير وبا اصير لكن مايمدي الا اذكر موقف او كلمه ضايقتني واقول انا ما اسوئ ليش افرح واستانس واتكلم وبالاخير برجع مثل قبل والناس بيبعدون عني 
من ناحيه الترتيب ارتب يوم واحد بالاسبوع لكل شي وباقي الايام حوسه ولا كأني سويت شي 
والله ان يوم ارتب ما احد يجي 
بس اذا كان حوسه يجون فجأه ياعمتي يا اخوي ياخالتي وما احد يجيني الا من وين لوين 
الجيران دايم احد يجيهم ماشاء الله عليهم لكن انا ما ازور احد ولا احد يجيني اصلاً ما اعرف احد! 
ساعات احس اني هبله وما انفع اكون زوجه 
زوجي عصبي وعلئ اقل شي يسوي لي سالفه ويكبر الموضوع وبعدين يهدئ ولا كأن شي صار 
لما يعصب اعصب مثله وترتفع اصواتنا ويسمعونا الجيران تقريباً كل يوم هذي حالتنا 

العضوه مشاعل 
ايوه انا طالبه مثلك وبأول سنه ما اعرف احد بالجامعه ودي اتعرف علئ بنات لكن ما اعرف ابتدي بالصداقات 
وكل مره اقول اذا رحت بيت عمي باخذ معاي شي بس اروح ايدي فاضيه وام زوجي تحرجني وتجيب لي كل شي تقول لي اكلي لا تستحين 
الحمد الله ام زوجي طيبه معاي بس البنات يسلمون علي ويسولفون مع بعض ويسفهوني وهذا الشي اللي يضايقني لاني اجلس مثل الاثاث بينهم 

بنات تخيلوا بيوم زواجك انتي لحالك ع الكوشه 
ولا بنت من صاحباتك حضرتك زواجك مع انك عزمتيهم كلهم كلهم 
اللي تعذرت واللي ماقالت شي 
والله كل ماحضرت زواج وشفت البنات متجمعات عند العروسه ومو مخلينها تحتاج شي اغبطهم والله كنت اتمنئ اعيش هالشعور كنت اتمنئ بيوم زواجي وحده بس وحده منهم حتئ قريباتي كل وحده انشغلت بمعارفها بزواجي ما احد جلس معاي ع الكوشه ولا احد كلمني عمركم شفتوا عروس لحالها وخواتها لاهين مع صاحباتهم بزواجها
الحين بعد ماتركوني اتمنئ اتعرف علئ صاحبات واتغير واحب نفسي واصير محبوبه وجريئه ونشيطه 
احس كأني صرت نفسيه 

ادخلي تحفيظ غصب بتصيرين اجتماعيه

انتي لااتكررين ذي الاشيا مع نفسك بتزيدك نفسيه

بالعكس انسي الي فات واهتمي بزوجك واكسبيه وحببيه فيك اكثر واكثر

وبلا كسل انتو بس اثنين وشوله يتقربع البيت اجل كيف لو جاك اطفال خلك نشيطه ياقمر

وبعدين لاتقولين انا السبب الي اهملت جنيني ذا مكتوب