يااختي خلينا نكون واقعيين وسألتك بالله تحطي نفسك مكانها
اوكي هي وافقت علةى السكن مع اهل زوجها لكن بعد الزواج غصب عنها تشوف حالها وحال سلفاتها
بالله مو قهر كل وحده متستته في بيت وبشقة وعايشه حياتها بطول وبالعرض
وهي مندفنه بقسم غرفتين وصالة؟!
انا اكلمك من واقع اعيشه سلفتي طلعت مع زوجها وسكنو شقة والله يشهد علي ماهو حسد ولكن غبطه انا مازلت عند اهل زوجي
الحمد لله علاقتي فيهم ممتازه واحب ام زوجي واحترمها ولابيوم رفعت صوتي عليها لكن غصب ان حرمه حالي حال غيري اتمنى الحياة الرغيدة اتمنى مثل سلفتي ابعد واعيش ببيت يخصني
الحين لما نزور سلفتي ياناس غصب عني اشفق على حالي لما اشوف بيتها واثاثها والاواني والاجهزة ماشاء الله تبارك الرحمن ومثل ماقلت لك انا اغبطها لا احسدها ويعلم الله اني اتمنى لها كل خير
ومرت اخوك من ضغوطها النفسيه قامت تفرغها في اخوك وامك
صح اوكي هالشي غلط مهما كان الشخص كبير السن يبي له مداراة وحسن تعامل لكن صدقيني من كلامك امك فيها حرص ودقه وهالشي يضايق ساعات الطرف الاخر
الحل
اخوك لازم يتنازل ويخلي عنه العناد اللي يبي يدمر اسرته
يمسك العصا مع النص ويرضي جميع الاطراف
يستاجر شقة بجانب بيت امك
او
يعدل الدور العلوي لحرمته بحيث يكون عندها غرف نوم وصاله ومجلس ومطبخ
وحطي تحت كلمة مطبخ الف خط لانه هو اساس الاستقلاليه
ومدخل خاص لشارع
وهو يخلي وجبة الفطور والغدا مع امك واختك
ووجبة العشاء مع زوجته
لازم تكلمون اخوكم ترى البر بالوالدين مايجي على حساب راحة زوجته
لكل ذي حق حقه
لايكسب نار زوجته ترها بشر ماهي حجر بدون احساس
والوحده منا ماطلعت من بيت اهلها ومن بيت عائله عشان ترجع لبيت عائله ثانيه
واذا انتي متزوجه تفهمين معنى كلامي
لو زوجك فطور غدا عشاء ماتشوفينه الا جماعي وكل شي بحياتك مشترك وتحسين انك عاله بالبيت ونكرة مالك كلمه ولا راي لانه ببساطه ماهو بيتك يالله راح ترضيك هذي الحياة!؟!؟
الله يخلي لكم امكم ويطول بعمرها ويصلح مابينكم وبين مرت اخوكم ويهديها
دعواتك
امي و زوجة اخي حروب لا تنتهي/ استوفى الرد
متابعة النقاش، صفحة 9