شاركي في النقاش

سجلي الدخول لإضافة تعليق.

التعليقات

98
  1. يااختي خلينا نكون واقعيين وسألتك بالله تحطي نفسك مكانها
    اوكي هي وافقت علةى السكن مع اهل زوجها لكن بعد الزواج غصب عنها تشوف حالها وحال سلفاتها
    بالله مو قهر كل وحده متستته في بيت وبشقة وعايشه حياتها بطول وبالعرض
    وهي مندفنه بقسم غرفتين وصالة؟!
    انا اكلمك من واقع اعيشه سلفتي طلعت مع زوجها وسكنو شقة والله يشهد علي ماهو حسد ولكن غبطه انا مازلت عند اهل زوجي
    الحمد لله علاقتي فيهم ممتازه واحب ام زوجي واحترمها ولابيوم رفعت صوتي عليها لكن غصب ان حرمه حالي حال غيري اتمنى الحياة الرغيدة اتمنى مثل سلفتي ابعد واعيش ببيت يخصني
    الحين لما نزور سلفتي ياناس غصب عني اشفق على حالي لما اشوف بيتها واثاثها والاواني والاجهزة ماشاء الله تبارك الرحمن ومثل ماقلت لك انا اغبطها لا احسدها ويعلم الله اني اتمنى لها كل خير
    ومرت اخوك من ضغوطها النفسيه قامت تفرغها في اخوك وامك
    صح اوكي هالشي غلط مهما كان الشخص كبير السن يبي له مداراة وحسن تعامل لكن صدقيني من كلامك امك فيها حرص ودقه وهالشي يضايق ساعات الطرف الاخر
    الحل
    اخوك لازم يتنازل ويخلي عنه العناد اللي يبي يدمر اسرته
    يمسك العصا مع النص ويرضي جميع الاطراف
    يستاجر شقة بجانب بيت امك
    او
    يعدل الدور العلوي لحرمته بحيث يكون عندها غرف نوم وصاله ومجلس ومطبخ
    وحطي تحت كلمة مطبخ الف خط لانه هو اساس الاستقلاليه
    ومدخل خاص لشارع
    وهو يخلي وجبة الفطور والغدا مع امك واختك
    ووجبة العشاء مع زوجته
    لازم تكلمون اخوكم ترى البر بالوالدين مايجي على حساب راحة زوجته
    لكل ذي حق حقه
    لايكسب نار زوجته ترها بشر ماهي حجر بدون احساس
    والوحده منا ماطلعت من بيت اهلها ومن بيت عائله عشان ترجع لبيت عائله ثانيه
    واذا انتي متزوجه تفهمين معنى كلامي
    لو زوجك فطور غدا عشاء ماتشوفينه الا جماعي وكل شي بحياتك مشترك وتحسين انك عاله بالبيت ونكرة مالك كلمه ولا راي لانه ببساطه ماهو بيتك يالله راح ترضيك هذي الحياة!؟!؟
    الله يخلي لكم امكم ويطول بعمرها ويصلح مابينكم وبين مرت اخوكم ويهديها
    دعواتك
  2. @ial_astadh_nr

    لازم تسوون لها مطبخ خاص الوحده ماتحس اتها ببيتها الالما يكون لها مطبخ خاص
    ريحووا امك واخوك وزوجته بمطبخ
    انا لو القى بناتي دخلوا المطبخ وما نظفوه مثل طريقتي اخاصمهم كيف البنت الغريبه
    الزمن تغير كل وحده لها بيت خاص
    لو انتي مكانها كان مارضيتي وماارتحتي بالبيت المشترك
  3. اجل انا غير اللي فوق كلهم



    بنت الناس المتربيه ما تسوي كذا ولا تكيد لامه وترمي عليها كلام وتقل ادبها

    او تحط مشاكل فيها عشان تطلع

    وهذي ما تستاهل تطلع في بيت مستقل مهما كان ابغى بيت اتفاهم مع زوجي مو شغل مسلسلات وكيد على غيري

    كيدي على زوجك وبالحق بدون ظلم احد وخذي اللي تبين

    صراحه الله يعين اخوك

    مصيرها راجعه لبيت اهلها

    لكن انت خليك حوالين امك وريحوها
  4. @fatn_43

    ياعزيزتي لاتزعلي مني
    لاكن انتي مالك شغل بالفلوس اللي تطلبها
    كل وله عقليته
    ادا انتي عاقلة وتفكيرك مختلف مو لازم هي تكون زيك
    لاتنسي انها ماتربت عندكم بنفس البيت
    هي من عيلة اخرى لها تفكيرها واسلوبها في الحياة
    ادا انتي زعلانة على امك علشان المشاكل
    احتراما لأمك لازم اخوكي يسويلها مطبخ خاص فيها
    هو بكيفه ينزل ياكل يطلع ياكل
    شي مايخصها هي يجبرها على مطبخ والدته
    مو من حقه
    مش تبغي المشاكل تنتهي؟
    قوليله ياأخوي سوي مطبخ لزوجتك فوق
    ومتى ماحبيت تنزل عند امك بكيفك
    بس هي ام كمان
    وعندها اطفال
    مو معقول كل شوي والتاني تنزل علشان المطبخ
    ابدا لاتقولي هي فوق ومستقلة
    هدا مو استقلال بالحياة الزوجية
    الإستقلال تطلع من غرفة النوم وتدخل مطبخها تسوي حليب لأولادها تغسل رضاعتهم تغير حفاضيهم
    مو لازم تنزل لين تحت
    الزوجة تعبت
    مافي وحدة ترضى بالتعب نزول وطلوع
    اخوكي غلطان
    لا أمك ولا زوجته
    راجعوه
    ولا تبينوله انه مسكين وزوجته متفرعنة
    مهما كان احنا نسوان زي بعض ونفهم بعض
    اعطوها حرية ببيتها مو لازم حد يخصص عليها شغلة بالليل
    هي خرجت من بيت اهلها علشان يجي حد يقسم شغلها على كيفه؟
    ماحد يرضى ياقلبي
    انتي عاقلة وواعية وراح تفهميها وتفهمي اخوكي
    وكوني محضر خير واعطي نصايحك المهمة
    اسأل الله ان يصلح حالكم.
  5. @soalyf_bnat

    معليش الس يبررون لزوجة الولد 

    تراها يوم توافق علي الزواج و يوم ترجع و تتراجا اخوانه انها ترجع له عارررفة انه معه امه

    يعني ما غشوها اضافة الي انها لها دور مستقل و زوجها مكرمها

    الله يعين الاولاد الحين اذا كبروا صارت الام تنذل عندهم الا من رحم ربي

تابعي تجارب أخرى من هذا القسم.