شاركي في النقاش

سجلي الدخول لإضافة تعليق.

التعليقات

464
  1. @dalya_74

    صاحبة الموضوع
    داليا-74
    وعد مني والله العظيم والله العظيم اذا مشيتي على هاي الحمية بعد ست شهور لتمان شهور باذن الله حتحملي وما حتجهضي باذن الله في بنت كاتبة قصتها عندها مرض كسل الغدة هاشيموتو وكانت معتمدة باكلها على نفس طريقة اكلك السكريات والحبوب والزيوت لراحت…
    نسيت احكيلك مرضنا بيمنع امتصاص الفيتامينات والمعادن يعني طبيعي جدا يكون عندك نقص فيتامين د وافحصي الباقي حيكون نفس النتيجة .. انا ذكرة قبل الفيتامينات والمعادن للي لازم مرضى كسل الغدة ياخدوها يومي وفعلا تحسنت عليهم وخصوصي بعد الحمية زادت من امتصاصي لهدول المكملات
  2. @myaaarr

    داليا-74
    حبيبتي ام ملوذي معدن الكروم زيه زي اي فيتامين (فيتامين د وأ و سي وب وغيرهم ) او معدن (كالسيوم وزنك والحديد وسلينيوم وكروم وغيرهم) حتى عنا بالاردن بيعتبروه دواء علاجي لمرض السكر نوع التاني مو مكمل غذائي زي بقية المعادن متل الزنك والسيلينيوم…
    يعطيك العافية اخت داليا على هالمجهود الرائع
    ابسألك عن انزيم Q10اعرف انه مهم جدا وخصوصا للي ياخذوا ادوية كثير لانه بيعطي طاقة للخلايا وخصوصا القلب واللثة
    بس لازم يكون من النوع الجيد الي يحتوي علي زيوت جيدة
    ليتك تنزلين صورة النوع للي استفدتي منها او تكتبي اسم الشركة المنتجة
  3. @dalya_74

    صاحبة الموضوع
    حبيبتي ميار انا بشتريه ماركة جاميسون عيار 120 جم هاي الشركة كندية واغلب المكملات الغذائية اللي بشتريها بجيبها من هاي الماركة

    اسمها بالانجليزي Jamieson

    هاد الانزيم بياخدوه لكتير امراض حتى السرطان بيطلبو منهم ياخدوه لانو جدا مفيد وكل خلية بالجسم وكل عضو بالجسم بيحتاجه
  4. @dalya_74

    صاحبة الموضوع
    كيفكم صبايا اليوم حنحكي بعد مرور شهر من الحمية كيف طريقة ترجيع الاكل وكيف تعرفي اذا مناسب والا لا ..

    هلا خلصنا شهر الحمية وصار الوقت مناسب نرجع الاكل اللي بنحبه واللي هو فعليا صحي بس ابتعدنا عنه لمدة شهر لانه ممكن يهيج القولون والجهاز الهضمي بشكل عام .. اختاري اكتر شي بتحبيه طبعا انا اخترت الحليب ومشتقاته طبعا عملية الفحص هي تلات اسابيع ولانه الحليب عادة بسبب الغازات والنفخة بينما اللبنة والجبنة لا الا في حالة حساسية لاكتوز فاول اسبوع شربت فيه الحليب طبعا ما بحبه لحاله فكنت اضيف عليه شوكولا وشربته لمدة اسبوع وانا اراقب في بطني فيها نفخة والا لا؟ في وجع وتقلصات والا لا؟؟ في غازات والا لا؟؟ في امساك او اسهال والا لا؟؟ طبعا كانت الحمد لله ما في شي والوضع تمام التمام وتاكدت انه ما في عندي حساسية لاكتوز

    استمريت لمدة كمان اسبوعين اشرب الحليب بس بالاضافة للحليب دخلت الاجبان والالبان واكلت منهم وراقبت جسمي كيف الوضع زي ما حكيتلكم فوق واستمر الوضع طبيعي ورجعته لحياتي طبيعي

    بعد ما خلصت تلات اسابيع بديت بالباذنجانيات واول فصيلة هي البندورة لانه احنا بناكلها فرش وبناكلها رب البندورة وبناكلها كاتشاب وجربت جميع الطرق اللي صار معي لما كنت اكل البندورة بالسلطة معدتي تتقبلها عادي بس لما كنت اكلها كطبخ متل استعمال رب البندورة كانت معدتي تضايقني وتوجعني فبطلت اكلها غير بالسلطة والكاتشاب اصلا ما بحبه وعموما بيضيفو عليه سكريات وعلى ما اتوقع زيوت نباتية وعلى فكرة ما احتاجت معي البندورة اكتر من اسبوع لاكتشاف شو اللي بيصلح لجسمي وشو اللي ما بيصلح

    وبعدين استلمت الباذنجان على الرغم اني كنت ما اطيقه بس صرت اكله لانه كتير مفيد وجربته بكل الطرق وما تضايقت معدتي وبرضه ما احتاج معي اكتر من اسبوع لاكتشف (وعلى فكرة البندورة والحليب ومنتجاته ما وقفتهم عشان اكتشف الباذنجان مناسب لجسمي والا لا لانه خلاص عملت تجربة عليهم وكانو مناسبين وصرت اضيفهم على الحمية مع الاشياء الجديدة اللي عم بتناسب جسمي)

    ونفس الشي الفلفل والبهارات ما وجعتلي معدتي ولا ضايقتني ودخلتهم طبيعي (هاد النوع هو الغذاء المناسب للبكتيريا النافعة بتحب الاكل اللي بيحرق وكل ما اكلتي كل ما زادت ومعلومة صغيرة لما يكترو عندك كتير حيصير عندك غازات فما تقلقو لان صار عددهم كفاية بجهازكم الهضمي وبتقدري تخففي من الاكل الحريف والمخللات والكفير)

    اما المكسرات والبذور هدول ما بيعملو شي بالجسم وصحيين ومافي حدا بيتآذى منهم (على فكرة فول السوداني مو من المكسرات هو بروتين زي الصويا بس سيئين للجسم المريض متل امراضنا والافضل الابتعاد عنهم نهائي وخاصة مرضى الغدة الدرقية لانه فول السوداني متله متل الخضار الصليبية بيعمل بلوك على هرمونات الغدة الدرقية وحتى الناس الطبيعين بحاجة لغدتهم تقوم بعملها على اكمل وجه فعشان هيك ابعدو عنهم احسن)

    اما الممنوعات النهائية واللي لطول العمر حتضل لطول العمر خاصة اذا كان المرض كتير خطير متل السرطان او تصلب المتعدد وزهايمر وغيرها على الاقل ليرجع وضعهم طبيعي اما متل مرضي اذا بحبو يمشو على طريقة الغش ما في مشكلة بس يحاولو يقللو من هاي الطريقة واللي هي وجبة واحدة بالاسبوع ياكلو فيها جلوتين بس كمية جدا قليلة ومحدودة يعني مثلا قطعة بيتزا واحدة او قطعة كيكة واحدة او معجنات واحدة وبهاي الطريقة بغشو بس بكمية قليلة وبعد ما يخلصو على طول حبتين سنامكي بس ما يعتمدو هاي الطريقة بشكل دائم عشان ما يرجعلهم المرض وانا اولتها مشيت على الغش بس ندمت لاني كنت اتعب وتاني يوم انام فترة اطول واصحى مو نشيطة وكسلانة وخي بدى يتعب فبعدت عن الجلوتين وعن طريقة الغش بس باكل رز (الرز ضيفوه على الاكل من اول يوم بس ابوس ايدكم من غير شعيرية لانه جلوتين والبرغل والفريكه برضه فيهم جلوتين ماشي)

    وهيك خلصنا طرية الحمية كاملة والمرة الجاي حعطيكم طريقة الصحية عشان تعالجي مقاومة الانسولين ومقومة الليبتين وترجعيهم طبيعيين وهدول سبب مرض السمنة اللي منتشر في العالم مع شرح مبسط عن كل هرمون باذن الله
  5. @krkor

    داليا-74
    كيفكم صبايا اليوم حنحكي بعد مرور شهر من الحمية كيف طريقة ترجيع الاكل وكيف تعرفي اذا مناسب والا لا .. هلا خلصنا شهر الحمية وصار الوقت مناسب نرجع الاكل اللي بنحبه واللي هو فعليا صحي بس ابتعدنا عنه لمدة شهر لانه ممكن يهيج القولون والجهاز ال…
    عفوا اخت داليا

    انتي بتقولي وقفي الطحالب الغنيه باليود

    طيب كيف اذا الدكتور يقول نشاط الغدة يعني ما عندك يود اصلا




    ولو سمحتي لو ممكن اتواصل معك سكايب او محادثه عشان اشرح لك اكثر

    مع العلم اني مطلعه جدا على حالتي

    وشكرا

تابعي تجارب أخرى من هذا القسم.