شاركي في النقاش

سجلي الدخول لإضافة تعليق.

التعليقات

464
  1. @dalya_74

    صاحبة الموضوع
    روزه1405
    يعطيك الف عافيه ع الموضوع الاكثر من رائع ،،، بصراحه ناس كثير بيستفيدو من معلوماتك ،، جزيتي عنها خيراً،، حبيت اسئلك هل اللي يعانوا من الغدد اللمفاويه تضخم او التهاب راح تفيدهم هالحميه ،، وهل تضخم الغدد اللمفاويه ايضاً مرض مناعي ،، تسلمين او…
    حبيبتي انا قريت شوي عن الغدد اللمفاوية عشان اعرف اجاوبك نوعا ما اول شي بالنسبة للحمية طبعا حتفيد وحتتحسن الغدد عندك والسبب الغدد اللمفاوية هي المسؤولة عن تنضيف الجسم من السموم وبنفس الوقت هي اللي بتصنع الاجسام المضادة اللي مفروض تهاجم اي اجسام غريبة متل فيروسات او ميكروبات او غيرها واي خلل فيها بتسبب الامراض المناعية .. بمعنى انها مرات بتنتفخ وبتتصخم او بتلتهب بهاي الحالة ممكن تسبب مرض من الامراض المناعية هاد اللي انا قريته قبل ما ارد عليكي

    عموما حميتي حترجع وضعها طبيعي وبنفس الوقت حتنضف جسمك من السموم كلها (ضروري يومي تاكلي ما يعادل كاسة من التوتيات لانها مضادات الاكسدة وبتنضف السموم) وباذن الله حترجع امورك طبيعية

    ضروري تشتري البكتيريا النافعة وتشتري زيت السمك اوميغا 3 وفيتامين د وحتى كمان فيتامين سي لانه بقوي المناعة وامشي على الحمية ويوم ورا يوم حيخف الانتفاخ ليوصل مرحلة ويختفي باذن الله
  2. @dalya_74

    صاحبة الموضوع
    اغصان الشمال
    خزاك الله خير اذا ممكن اذا عندك معلومات عن مرض السكري والله يوفقك
    حبيبتي مرض السكري زي ما حكيت نوعين النوع الاول مرض مناعي اما التاني السبب هو مقاومة الانسولين واليوم ان شاء الله ححكيلكم عنه كيف تعالجي مقاومة الانسولين او بكرة بالكتير ان شاء الله .. اذا نوع التاني سهل جدا علاجه بس بعد ما تمتنعي عن الممنوعات بالحمية وتمشي عليها على الاقل شهر وتضلك ماشية على نفس طريقة الاكل وبعدين بتقدري تعملي طريقة علاج مقاومة الانسولين لانه لازم الجهاز الهضمي يكون ممتاز عندك وبحميتي ان شاء الله حيكون ممتاز وجاهز لعلاج مقاومة الانسولين
  3. @dalya_74

    صاحبة الموضوع
    reem353
    السلام عليكم يعطيك العافية علي مجهودك الواضح في نقل تجربتك ويجزاك خير وكذلك شكر كبير لإدارة المنتدي لتثبيتهم للموضوع وهذا دليل علي اهتمامهم بالموضوعات المهمه أنا مريضه روماتويد ولي تجربة مع الحمية وانا أؤمن بان علاج اغلب الأمراض فعلا من ال…
    عفوا حبيبتي ولو انا بخدمتكم واي استفسار انا جاهزة .. بالنسبة لحميتي حتعالج مرضك وتوصل الاجسام المضادة لمرحلة السكون يعني حتبطل تهاجم المفاصل وحترجعي طبيعية لاوجع ولا بكى من الوجع .. بصراحة انا تقريبا شبه يومي كنت ابكي من وجع الغدة الشمال لانه كانت الاجسام المضادة تهاجمها بكثافة وبعد اسبوع من حميتي بطل في وجع والحمد لله ونفس الشي حيصير معك وحتدعيلي بس ردي علي وجربيها وما عم بطلب منك تاكلي اي شي غلط كله الاكل صحي ومليان فيتامينات ومعادن واللي حتعوضي نقصها بجسمك من الاكل لانه كل الامراض المناعية عندهم مشكلة بامتصاص المعادن والفيتامينات عشان جهاز الهضمي عنا ملتهب ومتهيج لما نريحه ونعالجه حيرجع يمتص كل الفوائد من اكلنا .. واول شهر اي مريض مناعي لازم يشتري البكتيريا النافعة لانه قلتها بجسمنا سبب امراضنا وخدي منها قبل الاكل ما تنسي لازم قبل الاكل تاخديها عشان تنزل بامعائك مع الاكل وتستفيدي من الاكل اللي حتاكليه بالحمية وفيتامين د وفيتامين بي كومبلكس وزيت السمك اوميغا 3 وبالذات اوميغا 3 كتير مهم تاخديه لانه اكلنا كله اوميغا 6 ولازم نزبط توازنهم عشان نشفى بسرعة

    وبالنسبة لقريبك او قريبتك اسالي اي سؤال وانا جاهزة حبيبتي اساعدهم واساعدك انتي كمان بمرضك
  4. @dalya_74

    صاحبة الموضوع
    reem353
    وعلي فكره اللي يقولون الحمية صعبة هي مو اصعب من المرض والعافية لها حلاوة تزيد عن حلاوة لذه الاكل سؤالي الاول ايش يفرق سكر ستيفيا عن غيره من السكر لان في حميتي كان جميع السكر ممنوع ما عدا العسل والدبس الفواكهه
    حبيبتي سؤالك في محله هلا بالنسبة لسكر ستيفيا هو عبارة عن نبات بس هو من ربنا اوراقه كتير حلوة يعني ما في داعي يمر بمراحل عشان يستخلصو السكر منه يعني الاغلب بجففوها وبيطحنوها عشان تصير بودرة وبحطوها بالاكياس الصغيرة .. العسل مسموح بس العسل اللي متاكدين مليون بالمية انه اصلي وطبيعي مو مضيوف عليه سكر ولا العسل التجاري اما دبس الفواكه ممنوع زي ما حكينا احنا بدنا كل شي ناخده من الطبيعة من غير ما يمر بأي مراحل عشان يستخلصوه لانه عملية الاستخلاص ما حدا بيعرف كيف بتصير احنا بس بنستعمل

    اما السكر عموما سواء ستيفيا او العسل اول شهر بالحمية ابعدي عنه وبعدين عادي رجعيهم لانه احنا بدنا بهاد الشهر نخلص جسمنا من ادمان السكر واللي دماغنا ادمن عليه وصار يطلبه بشكل دائم بس اذا صعب كتير عليكي قللي كتير باستخدامه

    وبالفعل انا بعد الحمية صرت انسانة تانية وغصبن عني بطلت ارجع اخبص بالاكل لانه خايفة ارجع انسانة ميتة من اول وجديد وما اقدر اقوم من التخت والحمد لله بعد الصحة والعافية الواحد غصبن عنه ما حيقدر ان شاء الله يضعف مرة تانية ويرجع لاكله القديم خاصة بعد ما جربنا عذاب مرضنا

تابعي تجارب أخرى من هذا القسم.