الغدة الدرقية ومعاناتي والسر كيف تعالجت ونحفت10 كيلو

الله يوفقك يارب على كل تعبك معنا من جد انتي انسانة عضيمة وتستاهلي كل خير والله انك مشالله تبارك الله افضل من كل دكاتره اسم من غير فعل مايفهمو شي بطب يارب تصبحي دكتورة متخصصة بالغدد كان الكل بخير  وراح دايم اتابعك بكل جديد لكي شكري وتقديري

دايما أحب الناس مثلج اختي داليا ماشاء الله كنت شجاعه في تحدي مرض صعب

و أنا أقرا حسيت كل هذا يطلع من الغدد

الله يشفيج يارب

رائعة
جزاك الله خيرا
وجعله في ميزان حسناتك
ونفع به
واسأل الله ان يشفيني ويشفيك ويشفي كل مريض


اللهم صل وسلم على نبينا محمد وعلى اله وصحبه وسلم

اخت داليا
حبيت أسألك انت لم تنقصي من جرعة علاجك
وهل مريتي بمرحلة التطهير
واللي يبدأ الجسم فيها يطرد المرض او يتعافي مثل حراره او صداع او إسهال
او انك تفكرين بإنقاص العلاج في المرحله المقبله

اهلين حبيبتي ريم .. لما جسمي كان يتعافى كان الوضع كتير طبيعي مافي اي اعراض بالعكس انا كنت اعاني من الصداع قبل الحمية بس بعدين الحمدلله كتير خف وراح وهلا نادر جدا جدا ليصيبني وما صابني اي شي بالعكس حتى صرت افوت الحمام طبيعي واكتر من مرة لانه قبل الحمية كان دايما عندي امساك وبالنسبة للحرارة تغيرت عندي وصرت انسانة طبيعية بمعنى كنت بعز التلج عنا بالاردن (بشهر 12 نزل عنا تلج) لابسة بروتيل وشورت وشاقة الشباك ومو راضية افتح الصوبا عشان كنت دايما شوبانة من الغدة ودايما بعرق من راسي لاصابع رجلي بعد اسبوع من الحمية تقريبا لبست كل الخزانة لانه زبطتلي حرارة جسمي صرت وقت الشوب اشوب ووقت البرد ابرد

بالنسبة للعلاج الدكتورة شافت الغدة عندي كتير متحسنة ولما كانت تضغط عليها ما كانت تحس بانتفاخ يعني رايح الالتهاب عنها فقررت تعملي الجرعة لنصها يعني من 100 لـ 50 لمدة شهر ونص وتعبت فيها بعد اسبوعين لانه نزلتلي اياها بسرعة ورجعلي الخمول صح مو متل قبل بس نوعا ما صرت كسلانة بعد ما كنت كتير نشيطة ولما رجعت بعد شهر ونص للدكتورة وعملتلي الفحوصات طلعت نتيجة T4 اقل من الحد الطبيعي بينما T3 كان ممتاز ... فرفعتلي الجرعة مرة تانية بس لـ 75 عشان يرتفع T4 ولهلا مرتاحة على هاي الجرعة ولما ترجع دكتورتي من المؤتمر رح اروح عندها باذن الله واعمل فحوصاتي مرة تانية وبخبركم شو النتيجة

لانه حيصير في تحسن بالغدة حيصير تغيير بالجرعات عشان هيك بحكيلكم دايما اي شي بدكم تعملوه لازم تحت اشراف دكتوركم وحاولو تروحو لعند دكتور متفهم او على الاقل صغير او صغيرة بالعمر لانه هدول معلوماتهم متجددة وبحبو يطورو حالهم وفي منهم بيعرفو عن الجلوتين وتاثيره على الغدة