الغدة الدرقية ومعاناتي والسر كيف تعالجت ونحفت10 كيلو

الله يشفيك ويشفينا ويشفي جميع مرضى المسلمين انتظر موضوعك عن الحميه لا تتاخري علينا

ممكن تفتحي استقبال رسائل الخاص برسلك تحاليلي تشوفيها اذا ماعندك مشكله حبيبتي

جزاك الله خير داليا على ذكر تجربتك كاملة
وجميل جدا وعيك الكبير بحالتك
للأسف كثير من الأطباء يستهزئون بشكوى المريض
في حين ان الطبيب الجيد هو بالفعل من يستمع جيدا
لمريضه
لكن البعض يتكبر عن ذلك !!
بانتظار موضوعك عن ( حمية الجلوتين )
بارك الله فيك

شكرا لالكم كلكم حبايب قلبي وكتير مبسوطة اني لقيت ردود منكم وتجاوبكم معي لاني كنت مترددة اكتبها عشان بعرف في ناس ما حتتقبل اللي كتبته او حكتبه وخاصة هاد الحكي مو معروف عنا بالدول العربية بشكل خاص وببعض الدول الاجنبية ... بس أنا نذرت لرب العباد احكي قصتك وكيف استفدت وكيف ربنا وقف معي وخلاني اعرف شغلات ما عرفتها ولازم اوصلها لاكبر عدد ممكن من البنات اللي بعانو معاناتي بغض النظر عن المرض لانه بالاول وبالاخير كل الامراض المناعية تقريبا سببها واحد الجلوتين .. عشان هيك كنت اول شي بس ارد على البنات اللي عندهم مشاكل واستغل الفرصة واحكي عن الجلوتين عشان يصير في حب فضول ويسألوني وعندي كتير ناس الحمدلله انه صارت تسأل مليان رسايل عندي وكنت ارد عليهم وافرح لاني بدي الكل يصير متلي صحي وكل حياة وحيوية وحتى بين عمري كتير صغير مع اني 39 سنة بس بعد الحمية مبينة 25 سنة


بالنسبة للي صار معي واللي كتبتلكم اياه قررت ادور وابحث زي ما كتبتلكم قبل بالمواقع الاجنبية وتركت الدكاترة العرب بس دكتورتي اللي بحبها زي اختي الكبيرة كنت ارجعلها واعمل فحوصاتي


اول جملة بديت فيها هي كيف اعالج هاشيموتو طبيعيا

How to treat Hashimoto naturally

طبعا ما تركت موضوع الا فتحت وشفته لحديد ما دخلت على موقع Dr. Kharazian هاد الدكتور مرجع لكل دكاترة الغدد الصماء واله كتابين بيعالج فيهم الغدة بشكل نهائي عن طريق المكملات الغذائية الصحيحة وعن طريق الاكل الصحي ولقيته حاطط بعض المعلومات لانه هو حاطط رؤوس اقلام عشان نشتري كتابين اله (على فكرة بيستاهلو الواحد يشتريهم بس انا فضلت كتاب تاني اجيبه هو دكتورة صار معها تصلب لويحي وعالجت حالها وكاتبة قصتها وكيف الطريقة وان شاء الله لما يوصلني بعطيكم معلومات عن الكتاب وخصوصي انه علاج لاي مرض مناعي زي ما حكيت طريقة علاجه بالاكل) واول شي كاتب عنه الجلوتين ودوره بتسبب الامراض المناعية وتاني شي حاكي عنه هو اليود واضراره (المصنع او بالملح او مضيوف بأي شي او طحالب وبس بينما السمك وماكولات البحرية ممتازة النا واليود اللي فيها مناسب النا هاد الحكي بالنسبة لمرض التهاب درقي بس باقي الامراض ما ذكر شي عن اليود)

طبعا انا تعلمت كتير وعندي معلومات كتير وعندي كتير شغلات حابة احطلكم اياها بس ما حقدر احطها مرة واحدة عشان ما تتخربطو

فنرجع للاستاذ جلوتين أس البلا .. ببرنامج د.اوز موجود على اليوتيوب حكى عن شغلة الجلوتين وكيف الناس اللي ما عندهم حساسية قمح (سيلياك) بس على الرغم هيك جسمهم ما بيهضمه نهائي (عدم احتمال الجلوتين) وحكى بعام 1950 كان الجلوتين كتير ممتاز ومفيد وما يأثر على الصحة بس بوقتنا الحاضر تغير وصار اسوء شي ممكن الواحد ياكله (طبعا موجود بكل انواع الحبوب سواء الجلوتين او شبيه الجلوتين ما عدا الرز والكينوا وعلى فكرة الكينوا يعتبر بروتين وليس حبوب او كربوهيدرات يعني زيه زي الجاج واللحمة والفول والبيض.. بروتين) سواء بسبب التربة والا البيئة والا رشهم بالمبيدات كتير اسباب سببت هاد الشي والمشكلة لما ناكله وما يهضمه الجسم بصير يلزق بجداء الامعاء وبسبب التهاب.. يمكن كل الشعوب بالعالم الا واجهت مشكلة بالقولون وانا اولهم بمعاناتي عملت تلات مرات تنظير عشان اعرف بطني ليه بتوجعني ودايما الدكاترة جوابهم يا اما تهيج بالقولون او التهاب بالقولون واغلب السبب هو الجلوتين والاهم من كل هاد انه بيأثر على الدمــــــــــــــاغ أصغر تاثير او مرض هو الصداع النصفي ..


الجريدة الطبية البريطانية ربطت 55 مرض بالجلوتين (امراض مناعية) حتى الشقيقة (الصداع النصفي) سببه الجلوتين وحكتبلكم الامراض عشان اللي عندها هاي الامراض تدير بالها وتمشي معنا بالحمية العلاجية (في مرة بواحد من ردودي كتبت 66 بس الصح هو 55 مرض وححط النص.. صح هو بالانجليزي بس حترجملكم اياه عشان يكون الحكي موجود عندكم :

The New England Journal of Medicine listed 55 “diseases” that can be caused by eating gluten. These include osteoporosis, irritable bowel disease, inflammatory bowel disease, anemia, cancer, fatigue, canker sores, and rheumatoid arthritis, lupus, multiple sclerosis, and almost all other autoimmune diseases. Gluten is also linked to psychiatric and neurological diseases, including anxiety, depression, schizophrenia, dementia, migraines, epilepsy, and neuropathy (nerve damage), as well as autism.

If you have any of the above diseases, or any of the symptoms listed below, you may have a gluten intolerance:

- Digestive Issues: gas, bloating, diarrhea, constipation
- Nutritional Deficiencies: due to malabsorption (caused by gluten damaging the gut)
- Weight loss or weight gain: gluten protein disrupts metabolism functioning
- Fat in stools: gluten prevents fat absorption
- Aching joints: gluten triggers inflammation in the body, causing swelling and pain in your joints
- Depression: intestinal damage caused by wheat leads to malabsorption, and prevents our guts from absorbing zinc and B vitamins which are crucial for regulating our moods
- Eczema: related to the inflammation that gluten triggers in the body
- Headaches: inflammation from gluten puts a lot of pressure on our blood vessels, which can cause pounding headaches
- Exhaustion: gluten is incredibly hard to process by the body, and slows our digestion, thus making us tired
- Irritability & Behavioural changes: same as depression, our bodies cannot absorb minerals and vitamins when our gut is destroyed by the gluten we eat. These vitamins and minerals help regulate our mood
- Irregular menstruation, infertility, miscarriages: gluten intolerance creates imbalances to our hormones and can lead to a myriad of female fertility and menstruation issues
- Cramps, tingling, & numbness: triggered by inflammatory response the body has to gluten protein
- Slow infant and child growth: due to nutrient malabsorption
- Decline in dental health: gluten sticks to our teeth and this causes bacteria to thrive

طبعا انا حترجملكم الحكي سواء الامراض او الاعراض:

اول فقرة ترجمتها هي :

أدرجت الجريدة البريطانية الطبية 55 مرض التي قد تنجم عن تناول الجلوتين وتشمل هذه الامراض: هشاشة العظام، وأمراض القولون العصبي، ومرض التهاب الأمعاء، وفقر الدم، والسرطان، والتعب، وآفة القروح (تقرحات الفم)، والتهاب المفاصل الروماتويدي، الذئبة الحمراء، والتصلب المتعدد، وغيرها من أمراض المناعة الذاتية كلها تقريبا. ويرتبط الغلوتين أيضا بالأمراض النفسية والعصبية، بما في ذلك القلق، والاكتئاب، والفصام (انفصام الشخصية)، والخرف، والصداع النصفي، والصرع، والاعتلال العصبي (تلف الأعصاب)، وكذلك مرض التوحد.

طبعا مو ذاكرين كل الامراض بس حاطين جملة "كل الامراض المناعية الذاتية تقريبا" وطبعا من ضمنهم التهاب الغدة الدرقية لانه مرض مناعي وهي بمواقع تانية مذكورة ومذكور اكتر من هدول الامراض بس انا جبت النص اللي طلعلي اول واحد ومذكور فيه الاعراض ...

اما الفقرة التانية هي الاعراض اذا عندك مشكلة باكل الجلوتين وترجمتها :

إذا كان لديك أي من الأمراض المذكورة أعلاه، أو أي من الأعراض المذكورة أدناه، قد يكون لديك عدم احتمال الغلوتين:

مشاكل الجهاز الهضمي: الغاز، والنفخ، والإسهال، والإمساك

نقص التغذية: نظرا لسوء الامتصاص (الناجم عن إتلاف الغلوتين للأمعاء)

فقدان الوزن أو زيادة الوزن: بروتين الغلوتين يعطل سير عملية التمثيل الغذائي (بس الاغلب بسمنهم لانه الجلوتين بينفخهم)

الدهون في البراز: الغلوتين يمنع امتصاص الدهون (طبعا هاد شي مو منيح ما تفكرو يعني حيخليكم نحاف بالعكس هاد بسبب امراض لانه الدهون كتير مفيدة متل الزيتون وزيت الزيتون ومتل الحليب والاجبان كاملة الدسم ومتل الزبدة ومتل كتير شغلات مهمة ومفيدة وبتعالج وحيجي الحكي عن هاد الموضوع)

وجع المفاصل: الغلوتين يؤدي الى التهاب في الجسم، مما يسبب تورم وألم في المفاصل

الاكتئاب: الاضرار المعوية التي يسببه القمح يؤدي إلى سوء الامتصاص، ويمنع من امتصاص جهازنا الهضمي للزنك والفيتامينات B والتي هي حاسمة ومهمة لتنظيم حالاتنا المزاجية

الأكزيما: لها علاقة بالالتهاب الذي يسببه الغلوتين في الجسم

الصداع: التهاب الناجم عن الغلوتين يضع الكثير من الضغط على الأوعية الدموية لدينا، والتي يمكن أن تسبب الصداع

الإرهاق: من الصعب هضم الغلوتين بشكل لا يصدق من قبل الجسم، ويبطئ الهضم لدينا، وهذا ما يجعلنا متعبين

التهيج والتغييرات السلوكية: نفس الاكتئاب، أجسامنا لا يمكن أن تمتص المعادن والفيتامينات عندما يتم تدمير جهازنا الهضمي من قبل الغلوتين عندما نأكله. هذه الفيتامينات والمعادن تساعد على تنظيم مزاجنا

عدم انتظام الحيض، العقم، الإجهاض: عدم احتمال الغلوتين يخلق اختلالات في الهرمونات لدينا ويمكن أن يؤدي إلى عدد لا يحصى من الامور المتعلقة بخصوبة المرأة والحيض

تشنجات، وخز، وخدر: الناجمة عن الاستجابة الالتهابية في الجسم لبروتين الغلوتين
بطء نمو الرضع والأطفال: نظرا لسوء الامتصاص المغذيات
تراجع صحة الأسنان: الغلوتين يلزق بأسناننا وهذا يسبب البكتيريا لتزدهر وازديادها
هاد درس اليوم عن الجلوتين حبيت تعرفو كل شي عنها عشان لما احط الحمية انتو تخافو تحطوها بتمكم زي ما صار معي لما قريت المصايب والامراض اللي بسببه الجلوتين او حتى الامراض اللي الجلوتين اله دور في ظهورها وتركته وكل الاعراض اللي فوق كانت عندي وكل فحوصات المعادن والفيتامينات كانت بالحضيض
اللي عنده اي استفسار عن الجلوتين تسأل واللي عندها مرض مو مذكور ضمن القائمة تحط اسم المرض عشان اقدر افيدها ... اتفقنا
صبايا ما تزعلو اذا تاخرت بالرد عليكم بس انا بفتح على المنتدى بوقت ما يكون عندي شغل بس اذا اجاني حضطر ارجعلكم لاخلص اللي بايدي اتفقنا :)

الحمية عم بترجمها وما حتأخر بكتابتها بس بدي بالكتير يومين وخلال اليومين حكتبلكم اول شي الممنوعات شو هي والسبب وشو البديل الصحي لاله وفي ممنوعات لطول العمر وفي ممنوعات بس لشهر اللي هو مدة الحمية العلاجية فحكتبلكم التفاصيل عن الممنوعات عشان فعلا ما تاكلوها لمدة شهر وححكيلكم شو بتعمل الممنوعات المضرة واللي بتمرضنا والممنوعة نهائي لطول العمر بجسمنا عشان تعتبروها سموم لانه احنا بالاول وبالاخير جسمنا امانة لازم نحافظ عليه والدليل الآية بسم الله الرحمن الرحيم "ولا تلقوا بأيديكم إلى التهلكة" صدق الله العظيم وهي الاية كانت واحد من الاسباب اللي نجم عنها تحريم الدخان السام لانه بيؤذي الجسم وبمرضه وبسبب سرطانات وقلب وغيره فبالتالي اي شي بيؤذي الجسم لازم نبعد عنه

والحمية العلاجية في كتير ناس مشيو عليها مو بس شهر ولا شهرين لسنتين واكتر ولازالو ماشيين عليها لانهم رجعو طبيعين وفحوصاتهم طبيعية ومنهم مرضى البهاق (مرض مناعي) برجع بيتوحد لونهم بهاي الحمية ولو خلصوا كل الادوية اللي بالصيدليات العالم والكريمات ما حيرجع لونهم 100% متوحد الا بهاي الحمية بس لازم يضلهم اكتر من شهر يعني ممكن ستة شهور وممكن سنة وممكن توصل لسنتين بس من اول شهر حيحسو وقف تغير اللون وبلش يقل وطول ما همن على الحمية حيشفو ويتوحد لونهم بإذن الله تعالى