قصتي :(

السلام عليكم جميعا صبايا

بحكي لكم قصتي اللي بدأت يوم ١٤٣٤/٨/١٥
كان وقتها أبوي بالمستشفى وبيعمل عملية قالوا قبل ما يعمل العملية محتاجين دم

ورحت وقتها انا مساندة لاختي اللي بتتبرع وأخوي اخوي أتبرع وخلص جاء دور أختي قالوا لها ما ينفع تتبرعي أهلي قالوا جربي انتي رحت قالوا انتي تنفعي تتبرعي وجيبي هويتك كانت هويتي في البيت بس اخوي جابها لي وانا مره خايفة أتبرع والمشكلة مافي أخصائيات مختبر يأخذوا دمي كان فيه أخصائيين مختبر

انا يوم دخلت خائفة جاء الأخصائي يكشف على ضغطي كان مرتفع من الخوف قال ماراح اسحب لو كدا ضغطك وخرج وقال بعد خمس دقائق يرجع أختي ترفع من معنوياتي وتنصحني علشان أبوي وجاء وانخفض ضغطي كان يقول لي كلام لا تخافي ونصائح يقولي وكان في نفس الوقت يمزح بكلام بس ما عبرت له كان جداً خائف على صحتي لآني صغيره و اول مره أتبرع هو يسحب الدم مني يراقب الدم كنت بشوف كيف ينسحب الدم من يدي قال لا تطالعي لو تبي تاخديه معاكي البيت اوصله لك وانا ساكتة وقال اكشفي وجهك عشان تتنفسي وأختي قال اكشفي انتي صغيره وفتحت بس خشمي وبعدها غمضت عيني اقلد المسلسلات وكدا هههههههه انفجع الأخصائي قال خوفتيني لا تغمضي عيونك اذا حسيتي بشي قولي أوقف سحب المهم وقال حركي يدك عشان الدم ينزل وجاب لي كوره قال اضغطي عليها تعبت وانا اضغط ورميتها ع الارض و رفعها هههههههه وبعدها اتملى الكيس حق الدم وقال اختاري عصير او حليب أخذت عصير ومعاها توست وأكلت حسيت بستفرغ وقلت له وجاب لي السلة قلت لا ما بستفرغ بس حاسة ومصدعة دايخة قال اتمددي ونزل السرير على أسفل ورفعه وانا مغمضة قال نمتي !! راح الصداع صح وقلت ايوه مع أني دايخة مره بس خرجت من المستشفى ورجعت البيت حسيت قلبي يعورني حبيته للأسف :( تعبت وانا أفكر فيه صار لي شهرين وانا أتذكره وأبكي :( وكنت أبغى أشوفه بس علشان ارتاح بحثت عنه في كل موقع المستشفى بس ما حصلته ! و جات الدراسة اشغلتني عن التفكير فيه وصدفة في تويتر شفته ياليتني ما شفته :(