الغدة الدرقية ومعاناتي والسر كيف تعالجت ونحفت10 كيلو

يعطيك العافية
سؤال مهم بعد عمل الحمية خف انتفاخ الوجه والعيون الغائرة
أنا أسوي حمية لبنت اخي ولكن حميتها غير مشددة لانها طفلة منعت الحليب ومشتقاته ولم احدد الفواكهه تأكل بكميات كبيره في بدايه الحميه
ولكنها الان افضل من ناحيه الشهية ونقصت ٦ كيلو ولكن لازال وجهها منتفخ وعيونها غائرة

ونسيت أقول أنا اعطيها البيروبتيك والأنزيمات وطحالب وزيت السمك وQ10
بديت معها من شهرين
ولكن فيه نقطه سويت لها تحاليل ولكن ليس مع دكتورها لانها زائرة عندي
فكانت نتيجه الغده انها افضل من اخر تحليل ولكن قال ان إنزيمات الكبد عاليه
فهل لديك فكره عن السبب

تسلمين ع ردك انا اليوم رحت شريت الحبوب اعطاني زنك مع بي كومبلس عادي تنفع! وبالنسبه للكروم وبذر العنب راح اجيبه ان شاءالله،،المخلل كم اخليه انا ببدا اليومين ذي او الاسبوع الجاي وابغى اسوي مخلل بس سمعت انه استعمله بعد اسبوعين صح او لا ،،وبالنسبه للسيلينوم قلتي انه متوفر بالمكسرات البرازيليه وبالحميه ممنوع نستخدمه اخذه اول شهر حبوب وبعدها اخذه من المكسرات ،،انتظر ردك 

اهلين سمارة حبيبتي وربي يطول عمر والدتك بالنسبة للبكتيريا النافعة طبعا بتقدر تاخدها لانها مفيدة وتاخد حبة واحدة باليوم على الاقل وبوقت الغداء لانه بناكل كمية كبيرة بالغداء عادة وبتقدر اذا ما بتحب تاخد كبسولات لانه بعرف الكبار ما بحبو الكبسولات وبحبه الاشياء الطبيعية متل امي بتقدر تاكل يومي أكل مخمر متل لبن وخاصة المعمول بالبيت كتير مفيد وبزود الجسم بالبكتيريا النافعة وحتى كمان اذا بدها تشرب شنينة (اللي هي عبارة عن لبن برضه سائل وبكون فيه حموضة شوي) كتير ممتاز وكمان بتقدر تاخده كمخللات بس زي ما حكينا بالملح البحري الطبيعي مو بالملح المكرر وطبعا البكتيريا النافعة كتير بتحسن الجهاز الهضمي وبتقوي جهاز المناعة

وبالنسبة كمان للمناعة عشان تقوى لازم فيتامين سي يعني تشرب عصير اللي مو مضيوف عليه سكر وغني بفيتامين سي ويفضل يكون معمول بالبيت متل الجريب فروت والليمون والبرتقال وغيرها

بالنسبة للحساسية بالصدر اذا مشيت على الحمية بتشفى باذن الله بس بما انها ما بتقدر خليها على الاقل تمنع حالها من الخبز (او تاكله بكمية قليلة جدا ) وتاكل من الرز بداله وبالنسبة للزيوت النباتية خليها ترجع لايام زمان ما في بعد الزبدة والسمنة البلدية وزيت الزيتون وشجعيها وكلكم كلو متلها

بالنسبة لتحليلك منيح بس لسة بدك كمان وقت عشان يتحسن اكتر يعني لما يصير 1.5 او اقل بكون احسن واحسن بس تحليلك منيح بس لما تمشي على الحمية حيتحسن اكتر واكتير واكتر وبشكل طبيعي

اهلين سمارة حبيبتي بالنسبة للحمية العبي فيها زي ما بدك .. بس اهم شي وجبة الصبح تكون بروتين ومو مشكلة اذا كانت فول او حمص او اذا بدك تعملي سلطة خضرا وتحطي شي معلقتين كينوا بس ما تنسي الخضار متل سلطة شي اساسي كل ما كترتي خضار كل ما استفدتي اكتر وتعالجتي اسرع وطبعا البروتين والفواكه برضه كتير مهمين ما رح ابخس فيهم بس الخضار اهم ولحم الغنم كتير مفيد فوق ما بتتخيلي واحسن يمكن من العجل بس انا بحب لحمة العجل وهو الوحيد اللي بقدر اكله من اللحمة لانه اصلا ما بحب اللحمة وصرت اكلها حقيقي بس وقت الحمية.. واعملي شوربة من مرقة اللحمة اللي بتاكليها ويكون فيها عضام ضروري لانه بتعجل بالشفاء وخدي بروبيتك وخدي كل اللي حكيتلك عنهم من فيتامينات ومعادن على الاقل شهر واحد وانتي عم بتعالجي الجهاز الهضمي وما تنسي احنا عم بنعالج كل خلية بجسمنا مو بس الجهاز الهضمي وبنعالج الدماغ وبنعالج الغدة وبنعالج الاجسام المضادة

بما انك بلندن احكي لدكاترتك انك بدك تمشي على حمية باليو لانه بتساعد كتير على الحمل خصوصي الجلوتين ابعدي عنه نهائي وما حمنعك من الرز بس على الاقل الجلوتين ابعدي عنه عشان تحملي والله انو الحمية سهلة صح اولتها صعب بس بعدين بتصير شغلة تعود وبتحفظي الاشياء عن غيب واذا بعدتي عن الجلوتين حينزل عندك الاجسام المضادة وبالتالي جهاز هضمي قوي ودماغ صحي وخلايا الجسم بتقوم بعملها بشكل صحيح وفوق كل هاد حيقوي رحمك ومبايضك وحتى زوجك اذا عنده المشكلة حيتحسن وضعه مليون بالمية اذا مشي عليها وبما انك قدرتي تبعدي عن الحليب ومشتقاتها بتقدري تبعدي عن الجلوتين ومشتقاته