زوجي يتكلم عن سمنتي ،،

اولاً :
اللهم ءاجرني في مصيبتي و اخلف لي خيراً منها

ادعولي يا اخوات ان الله يؤجرني في مصيبتي و يخلف لي خيراً منها
لعل احداكم دعوتها مستجابه

اليوم صار بيني و بين زوجي نقاش و انفعال و طلعت من الغرفه عشان مايكبر الموضوع و يصير كلام اكبر
و انا طالعه تكلم فيني يبغى يقهرني
بكلمه معناها ( مااشد سمنتك !! ) من القهر رديت عليه قلت وانت شوف جسمك !! قال عارف ان جسمي حلو بدليل انتي دايم تمدحينه بس انا متى مدحت جسمك والا قلت في يوم انه عاجبني !!!!!!!!!!!!!!!!!!!!!!!!

وزني ٨٨ و طولي ١٥٥ !!
انا عارفه انه متضايق من وزني
بس يشهد الله اني احاول بكل جهد اني انقصه و انقص و ازيد
سمنتي من طفولتي
من اول ابتدائي وانا اسمن بنت في الفصل
كبرت و انا البنت السمينه اللي يسخرون الاطفال من سمنتها !!
والله الذي لا إله الا هو كنت في الابتدائي فتره طويله امشي في الساحه ماعندي ولا صديقه و لا احد يجلس معايه
شخصيتي مهزوزه و ضعيفه
عشت مراهقه كلها عذاااااب و رجيم و رهاب اجتماعي و عدم ثقه في النفس
ما كونت صداقات
ماكنت اشتري ملابس
الى اليوم مااحب السوق لاني ماألقى مقاساتي
و لان زوجي يبخل عليه و يعتبر الملابس مصروفات زايده
تزوجته و انا تقريباً بنفس وزني الان
حملت كم مره و يزيد وزني و اسوي رجيم و انقص الين اوصل نفس وزني اللي انا عليه من عمري ٢٠ سنه !!!!

اصلاً زوجي تزوجته و رضيت بعيوبه و شخصيته عشان سمنتي
اخواتي ينخطبون وانا انخطبت مره وحده قبل زوجي و بعد النظره الشرعيه اعتذر الخاطب !!!

وافقت على زوجي و انا فرحانه رغم عيوبه لاني خشيت ان لا اتروج بعده و اخوي كان يقول لي عانس !!
عانيت طفوله سيئه و مراهقه اسوء و اكتئاب و رهاب اجتماعي و كله من السمنه
مافيه رجيم ماسويته
مافيه موضوع عن الصحه و التغذيه ماقريته

اكره نفسي و اكره زوجي

و اكره نفسي و يدخل لي الشيطان الحزن و اقول قد يكون الله غاضب عليه و ابتلاني بسمنتي و زوجي

شعور مؤلم تعيشين كزوجه مع زوج لا يراك جذابه
اتمنى مليون مره اني لم اتزوج
اتمنى لو اعيش يوم واحد شعور المرأه الواثقه من نفسها و جمالها

حبيت اكتب و افضفض
احس نفسي مخنوقه و حزينه حزن عميييييييييق ماحزنت من زمان مثل الحزن هذا

اسأل الله العظيم رب العرش العظيم ان يجعلها تكفير لذنوبي
وان يغفر لي و يتوب علي
الحمدلله ثم الحمدلله ثم الحمدلله
الحمدلله حتى يرضى و الحمدلله بعد الرضى و الحمدلله ملء السموات و ملء الارض و ملء مابينهما