كيفكم صبايا بسبب دعاؤكم الي شوفو شو صار معي واخر تطورات :
طلع ما عندي صداع نصفي : حكيت مع الدكتور قلتلة من اول حبة راح الوجع وما رجع والي قريب 10 ايام .. فحكالي معناته وجع راسك المستمر من الضغطوطات واني ارتاح وابعد عن الارهاق لانه بسبب الصداع وانه ما دام الصداع وقف من اول حبة معناته ما عندي صداع نصفي لانه بيضل مستمر اقل شي تلات ايام ومو من اولتها بيطيب .. الف الحمد والشكر لله
الغدة النخامية ممتازة زي ما حكيتلكم : عملت فحص MRI يعني رنين مغناطيسي وصور ملونة وطلع دماغي ممتاز والغدة النخامية ممتازة الف الحمد والشكر لله عز وجل
بالنسبة لنشاط الغدة طلع ماعندي والنتيجة سلبية لاني يوم السبت رحت لدكتورتي وشافت فحوصاتي وقالتلي مو هاي الفحوصات اللي انا طلبتها شكله المختبر مخربط وكتبتلي على فحصين واحد ببين اذا عندي اجسام مضادة بتهاجم TSH والتاني فحص TSH لحاله.. فغيرت كل المختبر ورحت على مختبر تاني وانصدمت بالنتيجة TSH طلع عندي 1.06 يعني ممتاز جدا وطلع ما عندي نشاط الغدة
يعني كل اللي صار معي ودوراني على دكاترة من ورا مختبر الجهاز تبعه يا عطلان يا نوعه سيء عم بطلعلي النتيجة سيئة والمشكلة احكي لدكتورتي انا مو حاسة غدتي بتوجعني وحاسستها طبيعية بس مو فاهمة ليه هيك عم بصير حتى هي لما تمسك الغدة وتف***ا دايما بتحكيلي ممتازة بس تخيلو طلع غلطت مختبر وطبعا لغيته من قائمتي بس كنت مستقربته لانه جنب بيتي وشغلي بس هلا مستحيل اعمل عنده
حتى على مستوى دكتور الكلى تبع امي طلب منها تغير المختبر بيحكيلها المفروض كرياتنين نازل عندك مو معقول يضله عالي غيريلي المختبر شكله اجهزته نوعيتها سيئة وبالفعل غيرت وتغيرت النتيجة وكانت تعمل بنفس المختبر اللي انا بعمل فيه.. بس حكي دكتور امي هو اللي خلاني اعمل التحاليل عند مختبر تاني والحمد لله طلع ما عندي شي ووضعي واموري ممتازة الف الحمد والشكر لله تعالي
الغدة الدرقية ومعاناتي والسر كيف تعالجت ونحفت10 كيلو
متابعة النقاش، صفحة 63