وانتي بالف خير حبيبتي ام ملوذي وان شاء الله ينعاد عليكم وعلينا وعلى الجميع بالصحة والسلامة :)
بالنسبة للمكملات الغذائية بتقدري تاخدي من عندهم مادام منتجاتهم طبيعية بس اهم شي تحكيلهم بدك اياه خالي من الجلوتين او القمح لانه كتير بيدخلوه في المكملات خاصة الاغلفة واحكيله كمان خالي من الصويا لانها مضرة كمان من الذرة هدول اهم تلاتة تذكريهم والمفروض يكون موجود بس اذا مو موجود عندهم خالي من الجلوتين والصويا والذرة وحابة تاخدي شي طبيعي ويزودك بسرعة بالفيتامينات والمعادن عليكي بالخضار وكتري منهم
اما المحل اللي ببيع منتجات خالية من الجلوتين بتوقع اهم شي تشتريه هو الخبز الرز اسالي عنه اذا بيعمله والا لا .. طبعا خبز الرز بتحطيه بالفريزر على طول اول ما توصلي ولما بدك تاكلي منه بتنزلي رغيف طبعا هو بيجي الرغيف اد كف الايد تقريبا بس عموما بتنزليه شو دقيقتين تلات وبعدين حطيه بالمايكرويف لمدة 45 ثانية وحسيه اذا لقيتيه لسة شوي متلج زيدي 15 ثانية (للاسف انا ما بحب المايكرويف وبعرف انه مضر بس مرات لما اشتهي الخبز بضطر استخدمه) وعلى فكرة ما بيتسخن غير بهاي الطريقة.. ممكن اذا بتحبي الحلويات تجيبي من عنده شوي عشان جسمنا بحاجة لطاقة برمضان فكلي قطعة صغيرة .. في كمان مثلا طحين اذا عندك الرغبة تعملي مثلا معجنات الك بالبيت بس خدي الطريقة من بنات اللي عندهم حساسية القمح لانهم خبرة في هاد المجال .. وعلى فكرة في معكرونة خالية من الجلوتن بتكون برضه من الرز اذا بتلاقي منها مثلا اشتريها
ولما تروحي تذكري كل شي محطوط عندهم عشان نحكي للبنات اللي بدهم يشترو من عنده شو في عنده اكل بينفعلنا باذن الله
الغدة الدرقية ومعاناتي والسر كيف تعالجت ونحفت10 كيلو
متابعة النقاش، صفحة 73