قصتي مع شخص احبه وتركني ,, بالله عليكن تدخلن محتاجه لكن وايد

الحمد لله ع كل حال ,, مالي حكم ع احاسيسي ومشاعري اتجاهه ,, من جهة اقول هذا خير ومن جهة ثانيه اتعذب واتعذب غصب عني والله ,, ما تدرين كيف احس لما اتذكره يحكي معها او يتغزل بها او انهم راح يعيشون بنفس البيت

الناس حسبي الله فهم وكفى ,, يتكلمون معي بابتسامه خبيثه ويسالون عن حالي والله بخباثه واستهزاء
الله ياخذ حقي منهم

ادري ان كل شي قسمه ونصيب ,, لكن غصب عني افكر كثير فيه واتحسر عليه ,,
قريبته انا كل يوم اتحسب عليها ,, الله يرد كيدها بنحرها
احاول اكون قويه ولكن يبين فيني اني زعلانه عليه
ادعيلي بس تتذكريني

أختي يالغاليه الله يفرج همك
انا كنت احب شاب حيل وهو يحبني وخطبني عند أبوي مره ومرتين وثلاث واربع وكل مره يرفض أبوي وإخواني ولا اعرف السبب ،،،للعلم انه من العائله أبن عم أبوي وكل مره أزعل ليش رفضوه لكن ياختي سبحانه خيره لي من الله ان أهلي رفضوه لآني بعدها بفترة نسولف انا وأخوي ونتكلم وجبنا طارئ عائلته قال والله اعرف انك تحبينه بس مستحيل أوافق تتزوجينه ،،قلت طيب ليش رافض ماعطاني السبب قلت ليش قال اذا وافق أبوي وربي ها لزواج مايتم وربي ما تفرحي ليله زواجك اقتله وأقتل نفسي بعده ،،،بعدين قال اذا خطبت وحده وانتي تعريفها حيل أخلاقها وأسلوبها وحركاتها مو زينه توافقي ع ها لزواج قلت مستحيل لانها ماتصلح لك قال خلاص انتهى ها لموضوع هذا اللي كنت بقوله لك ،،،،،والله يالغاليه بعد كلامه ارتحت كثير هو شر وصرفني ربي عنه والحمدلله

البنات ماقصروا لكن فيه ملاحظة انتي قاعدة تظلمين نفسك ومو حاسه بنفسك انك في طور خلق نفسية فيها من الحسد عن طريق مقارنتك بينك وبين البنت اللي مالها ذنب لانه هو اللي طرق بابها ووافقت
فانتبهي تحملين عليها مشاعر سلبية مالها يد فيها وترصدين صفاتها ومميزاتها وتقارنين بينها وبينك وترجح كفتها وتزيد حسرتك وتمتلا نفسك غيرة وحسرة وحزن وحسد

هذا ابتلاء للمشاعر ,, قد افلح من زكااااااها قد افلح من زكاااااها قد افلح من زكااااااها

تمني الخير للغير يأتيك الخير ينسااااق اليك تعوذي من الشيطان انتي استخرتي وهذي هي الخيره لعله شر انصرف عنك
( والله يعلم وأنتم لا تعلمون )

انتبهي من الفراااااغ املأي وقتك بالانشطة المفيدة والاعمال الصالحة غيري دائرة علاقاتك اللي تجدد لك الحزن
والحسرة

اكثري من الدعاء ان الله يشرح صدرك ويسعدك ويخلف لك خير مما ذهب

لا تنسين هذا اختباااار والدنيا زايله والسعيد من عمل لآخرته ربنا اتنا في الدنيا حسنة وفي الاخرة حسنة وقنا عذاب النار

ياختي و الله شنو أقول بصراحة حزنتيني ،
للأسف بعض اﻵباء صاروا يستخدمون الولاية لظلم و هضم بناتهم
و في ناس فاهمين إنه طاعة الوالدين واجبة في كل شي
و هالشي هو اللي دمر مجتمعنا ،،
كم وحدة تطلقت بسبب أم زوجها تكرهها و حدت ولدها يطلقها و الله كثيرات
و أختي الكبيرة من ضمنهم و بلا سبب و لا ذنب ،،
الله سبحانه العادل لا يقبل الظلم لعباده فكيف بالبشر أنفسهم،،
و ما أخفيج إنج ظليتي ساكتة لحد مالولد مل و راح و رجاء لا احد يرمي كل شي ع الخيرة
تكلموا بالمنطق و الدين اللي يقول من .اتاكم من ترضون خلقه و دينه فزوجوه
مو نتسبب في ظلم أبنائنا ة نقول خيرة هذا عين الظلم،،،
الله يصبرج و يعوضج