معاناتي مع منطقه الخصر

السلام عليكم ورحمه الله


هذا اول موضوع اكتبه بالمنتدى اابي اقولكم بمعاناتي اللي امر فيها وابي خبراتكم ومشورتكم


قبل سنتين تقريبا صلح زوجي عمليه تكميم لانه كان دب وانا كان اشوف جسمي حلو وعاجبني بالنسبه لجسمه

مرت الايام وكنت اشوفه كل يوم ينحف كل شهر يشتري لبس جديد لان ملابسه القديمه صارت واسعه عليه

وزادت ثقته في نفسه اكثر واكثر


وبدأت التعليقات السخيفه منه وصار يعايرني كثير ويجيبها بطريقه مزحه برزحه



انقهرت واشتريت ميزان


وكان وزني 80:29:

وربي تحطمت وتغشيت لاني ماكنت ملاحظه على نفسي زياده الوزن
وطولي 159


المهم بدأت رحله الريجيمات لبمده سنه كااااامله يومين انتظم ويومين اخبص وهكذا


الى ان وصلت 70


وكل من شافني مدح جسمي
وجلس وزني ثابت 70 الى شهر رجب لكن منطقه الخصر تزيد عندي اكثر من اول وقلت لازم امشي على نظام عشان انحف ومسكت اكثر من ريجيم وطبقت ونحفت الى 65وزنت في رمضان

طبعا اتبعت اللقيمات وطبق كروز وكنت انحف بسرعه ماشاءالله بس مشكلتي التخبيصات ارجع اللي نقصته



بعد العيد حطيت يدي فالاكل وماعاد رحمت نفسي والله اني شفت السبعين مره ثانيه وزياده عليها كيلوين

والله انهبلت يوم شفتها وتحطمت

بس قلت مو مشكله باكمل في رحله الريجيمات الى ان انحف واوصل لهدفي


الحين جيت التزم باللقيمات او بالسعرات وزني مانزل مررره غير 800جرام
غريبه لاني متعوده نزولي سريع

الاسبوع الماضي راجعت عياده نساء وولاده عشان الالتهابات وانفجعت يوم شافت خصري مره كبير لانه هو اكبر شي فيني كبير بشكل غير مناسب وجهه اكبر من جهه بعد
المهم قالت لي اكيد عندك تكيسات وسوت لي اشعه واتضح عندي تكيسات صغيره مافهمت عالدكتوره بس قالت لي سوي تحاليل غده وهرمونات وباتعطيني حبوب ميتفورمن اظن كدا اسمها ووقالت بتنحفني مع الايام
الحين باسالكم يااغلى بنات من جربت هذي الحبوب للتكيس ونحفت وهل لها علاقه بالسمنه والنحافه
ومن جربت رياضه او ريجيم يسحت الخصر///العكن/// احنا نقوله العكن اللي هي المنطقه اللي تحت السره وفوق الارداف والاوراك


وسامحووووووووني طوووولت علييييكم بس ا ش اسوي ماعندي احد افضفض له الا انتو لاني اتابعكم من زماااان واشوف تفاعلكم وحبكم للمساعده

زوجي الرشيق صار يلبس سموول وواسع بعد وانا مقاساتي فازدياد:024:

5 تعليق 4,106 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aaoatf_trky

    ماعليك شر

    قولي الحمدلله واسجدي لربك شكر على كل شي

    وعلاج التكيسات مهما اختلف اسمه التجاري حسب ماقرأت انه يساعد على تخفيف الوزن لان سبب زيادة الوزن هو التكيس اللي يلخبط الانسولين وبالتالي يتخزن السكر بمنطقه البطن والخصر ويكون النزول صعب حتى مع الريجيم

    حبوب ميتوفورمن مثل الجلوكوفاج حقت السكر بس مثل ماقلت اسم تجاري لشركات

    وعلى فكره في بعض النساء ياخذون جلوكوفاج من الطبيبه عشان ينزل وزنهم وهم مافيهم سكر

    يعني توكلي على الله وتابعي مع الدكتوره هي افهم مننا في تخصصها
  2. @albylsan_17

    صاحبة الموضوع
    الاميره الساحره ان شاءالله جرب تمارين العصا وابشرك عما قريب باذن واحد احد

    عواطف تركي يستاهل الحمد ربي والله يجزاك خير طمنتيني بكلامك وريحني كثيرررر

    نقاء رفع الله قدرك ومنزلتك في الجنه

تابعي تجارب أخرى من هذا القسم.