شاركي في النقاش

سجلي الدخول لإضافة تعليق.

التعليقات

68

  1. @mdam_thrtharh

    خليني اقولك حاجه يمكن تفيدك ويمكن لا .. 
    اول شي دام حياتك ماهي عاجبتك ليه التستر عند اهلك 
    بالعكس انا اشوف هالشي غلط كلمي امك او اخوك الكبير 
    واجلسي جلسة مصارحه وعلميه عن كللللل شي من ديونه لاصغر شي .. انتي حاسه انك مكسوره ومالك صبر وخايفه تنفصلين .. 
    انا اقولك الانفصال مو ضروري يصير بحالة الرجال تعدل وبقلبك مشاعر له .. كلمي اخوك الكبير افضل واشرحي له كل شي حتى عن العلاقه  .. وقوليله انا ابي حل منك ماابي اهدم بيتي وانا ساكته و و و  خلي اخوك يحس قد ايش انتي صابره .. 
    وخوذيلك اسبوع عند اهلك ريحي فيه ..واستخيري .. 
    الحمل اجليه اهم شي .. اخوك خليه يكلمه عن كل شي 
    قولي لاخوك انا مااضمن اني اتحمل وزوحك لاتعلمينه انك بتقولين لاهلك حاجه .. 
    وبعدها خبرينا ايش يصير ونفكر معك .. 

  2. @khrmsy

    زوجك يدك بيده واموركم تمشي الزوجه هي الي تعود الزوج عالرمنسيات والكلام الحلو
    زوجك على ما عودتيه يقول المثل
    وبعدين الي يتنازل مره يتنازل الف مره من اساس زواجك ودفعكم للفلوس وتقديركم الزايد لو هو السبب
    اختي الانسان ماله غير كرامته اذا
    تنازل مره يتنازل دوم
    الله يعينك

  3. @sghyr_akhoanha

    صاحبة الموضوع
    هذا ثاني يوم اواصل فيه بدون نوم.. عيوني منفوخه من البكى وضغطي نازل
    وانا اقرا ردودكم كنت ابكي كثيييييييير ومتالمه كثير انه طلعت احاسيسي في محلها
    كنت مستنياكم تكذبوني وتغلطوني لكن مشاء الله الكل اجمع انه ما يستاهل..

    ارسلت له رساله اطالبه فيها انه يكون صريح معايه، يقولي اش مشكلته وسبب تغيره وليش يتعامل معاي بهذا الاسلوب القاسي وهل انا استاهل هذا التعامل الباااااارد
    وذكرته باللي سويته له (اول مره) واني بدات من تحت الصفر علشانه وراضيه بيه وبوضعه بس بالمقابل ما اخذت شي

    جى البيت ورد على رسالتي بكل… ما ادري اش اسميها. ترك كل سطر جلست ساعتين والله اجمع في الكلمات وما ركز الا على هذه الكلمة (انت ايش قدمت لي؟) جاني الغرفه وقالي انتي ليش تبي مشاكل! قلتله انا ماعمري بدات بيها بس هذه عيشه لا تطاق. قام صرح وبدون مقدمات انه حتى هو مو مبسوط لا ومن اول يوم كمان…
    انهررررررت وحسيت اني فقدت توازني وجلست ابتسم بين دموعي ببلاهه اقله طيب خلاص؟ ليش نعيش مع بعض؟
    وطلعت كل ذهبي قلتله خذ اللي تبغاه بس وديني عند اهلي والله ما ابى شي بس حراااام العيشه هذه

    ولصدمتي… نزل راسه وقال خذي ذهبك وطيب………………….. وطلع من الغرفه

    سكرت الباب وطحت على الارض وانا اشهق.. كسسسسسسسسسسسسسسسر خاطري

    كلمت اختي واخوي وجلست انازع في التلفون انه خذوني خلاص.. اخوي مره مطوع وجلس يذكرني بربي والصبر وانه زوجي دق عليه وقاله احبها الخ
    صررررخت عليه وقلتله يككككككفي كذب محد يحب يتعامل مع حبيبه كذا وسكرت بوجهه
    ارسل لي رساله بانه خلاص بحجز لك بكره.

    جفت دموعي بس عيوني تحرقني وجسمي مافيه طاقه من اول جالسه على سجادتي بس اطالع في السقف.. خايفه اسوي شي بنفسي..
    دخل قبل الصلاة وحاول يحضني بعدت. بدا يقولي خلينا نعوذ من الشيطان فعوذت بكل برود. قالي خلينا نطلع نشم هوا قلتله لا. قالي خلينا نحاول نتكلم.. قلتله اتفضل اسمعك.. قالي ليش ما نحاول نعيش حياتنا!

    قلتله حاولت كثير معاك بس ما نفع. قالي نحاول نفهم بعض.. قلتله اسفه هي حياة وحده ربي اعطاني ياها وما اقدر اضيعها هنا
    والله ما كملت الجمله الا وفز من مكانه كانه احد غزه بابره، غير ثوبه وطلع علطول

    وانا في مكاني … مستنيه اشوف اخوي من جد بيحجز لي ولا يسلكلي

تابعي تجارب أخرى من هذا القسم.