من قلب الحجاز أهديكم ((المعدوس)) أرز بعدس

بسم الله الرحمن الرحيم

جاء على بالي اليوم الارز بعدس واحنا في مكة نقوله معدوس
وعشان يكون توب وقمة لازم تكون مقبلاته معاه
المقبلات :سلطة لبن بالشبث * حمر * وزف (سمك صغار جدا)
وطبعا ناكله مع السمك او بدونه للي يحب
انا اليوم بدون سمك وعادتنا دايما ناكله بدون
اترككم مع الصور :



هذا الوزف للي مايعرفونه جدا لذيذ وتكشينة عادية بصل وثوم وفلفل اخضر مقطع وشوية زيت ثم نضيف الطماطم المفروم وشوية صلصة طماطم ونضيف الوزف وشوية موية
وكذا يطلع



وهنا لقطة جماعية للسلطات



وطبعا مايحلى الا مع الورقيات خس كراث جرجير بصل اخضر..



وهذا المعدوس في مرحلته الاخيرة بعد الغرف



وطبعا للي يحبو يرشون شوية سمن بلدي عليه احنا نحبه بس زوجي يبغى يخفف وحطيته على جنب واللي يبغى يصب في مكانه



وأكيد ماننسى اللبن الرايب ..



وانتهينا بحمد الله :hearts:
جربوه واثقة انه بيعجيكم

41 تعليق 23,415 مشاهدة

شاركي في النقاش

سجلي الدخول لإضافة تعليق.

التعليقات

40
  1. @never_broken

    تسلم ايدك شكله لذيذ بس ما خبرتينا بالطريقة للطبق الاساسي لان اول مرة يمر علي
  2. صاحبة الموضوع
    يسلمو تميز وابداع & اور22

    Never broken
    الله يسلمك يارب
    هذي اكلة حجازية كل اهل المنطقة الغربية ياكلونها

    المقادير
    عدس وارز ابوسيوف او ابو بنت
    وتكون كمية الارز اقل من العدس ويغسلون جيدا
    وفي القدر شوي سمنة او زيت وبصل مفروم ناعم ونضع عليه الماء والارز والعدس
    ثم نضع كمون مطحون وشوية ملح وكركم وماجي اذا فيه انا استغني عن الماجي
    ويترك الى ان ينضج
    وبعد كذا ثوم مفروم والكمية حسب الرغبة نضيف ونخليه يطبخ شوية ونطفي عليه

    وصحة وهنا...

تابعي تجارب أخرى من هذا القسم.