شاركي في النقاش

سجلي الدخول لإضافة تعليق.

التعليقات

21
  1. @gmalk_shrny

    مثل ماقالوا البنات طيب ماحاولتي تسالينه إنتي اهم شي ماتذكرينهم الا بالخير عشان اذا هم يتكلمون عنك بسوء هو يشوف ويسمع منك الخير عنهم
    ياأختي مايمنع تعزمينهم بالبيت عندك قهوه وشاي او غدا او عشاء باللي تقدرين عليه
    ارسلي لهم عشاء وصواني معه هدايا روحي للسوق ومدري محل قولي هذا يصلح حق أمك ابوك اختك فلأنه عيالهم باللي تقدرين
    ياأختي أنا زي حالتك بس فرق ساكنه فوقهم مايرقى عندي الا متنكد عاد أنا اضحك وأسلوف معه أغير جوه
    فهمت منه ان اَهله يطلبونه طلبات ويشغلونه بمشاكلهم وطلبات ماتخلص احيانا يمر اليوم ماشوفه الا يرقى ينام وكذا ولا لحظه بس بمشاكل منهم
    مدري ليش كذا هالناس المفروض اذا شافوا زوجه الولد طيبه وحبوبه يكنون معها ويقسمون اشغالهم على جميع اولادهم
    طيب يمكن احد ناقل كلام خطاء إنتي مادقيتي اتصلتي على أمه سألتي عنها وأخبارها اسألي عنها وقولي مشتاقة لكم تعالي خلي فلان يجيبك تتقهوين أني لأقلت لفلان بزوركم بقول مشغولين او او
    اهم شي اَهله لاتقولين الا خير عنده وقولي خذ الااهلك فاكهة لحم أغراض ووو شوف إِيش يبغون وكذا
  2. @lbonh_3

    كفايه ان نيتك كيبه وترضي الله وقلبك صافي وزي الفل
    ربي يسعدك وتاكدي ان الله يدافع عن اللذين امنوا
    الله بيدافع عنك لانه يعرف نيتك الطيبه لاتخافي
    ولاتسمعي للشيطان اللي يقول اخذوا دورك في التحريش وقلب الراس انتي مرتاحه صدقيني لان قلبك نظيف لو مليان حقد وحسد وتحريش كان انقلبت حياتك
    وتذكري على نياتكم ترزقون
    الله يصلح لي ولك النيه والذريه
  3. @mnyt_hyaty

    صاحبة الموضوع
    سمعت بنصايحكم ونفذتها واجهته بأدب وهدوء شديد وذوق وردة فعله يا اخواتي كانت غريبه انحرج وانصدم بقوه من سؤالي

    سألته بذوق وقلتله ترى لو اهلي عندهم ظروف وطالبتني نروح عندهم بعتذر منك لذلك انت بعد وهلك من حقكم يكون عندكم خصوصيات قالي بابتسامه غريبه فيها مكر قالي ماعندهم ولاااشي حسيته يبي يفهمني بكل صراحه انهم مايبوني اروح لهم
    ارجع واقولكم لو مادخلت بيتهم العمر كله يوم عيدي بسلامتهم بس حبيت اكون ذوق مع زوجي وابين له ان اهله لهم واجب عندي وواجب علي ازورهم ولهم حق الزياره علي
    وبكذا عداني العيب طالما بدون سبب مايبوني بكيفهم لكني ما اكذب عليكم انا مصدوووووووووووووومه وعلامات تعجب بتطير من راسي وش اللي حصل؟ حتى زوجي يخاف من امه وخواته يتنافض منهم وانا ولاعمره انهزت شعره منه خوف مني طيب وش فيهم علي؟
    انا شايله هم امي عصبيييه لو عرفت ان لي شهرين مادخلت بيتهم بتقولي اكيد انتي السبب اكيد سويتي شي امي ماعندها تفاهم عصبيه ماتتفاهم نهائيا وهذا اللي مخوفني ماراح تصدق اني مصدومه منهم فجأه مايبوني اطب بيتهم
  4. @mnyt_hyaty

    صاحبة الموضوع
    نفسيتي تعبانه ومصدومه لابعد حد وش اللي صار ؟ علاقتي فيهم رسميه جدا بس احترام وذوق وابتسامات واحترام ثم احترام ثم احترام وزيارتي لهم كل اسبوعين ثلاث
    يعني مو فاهمه شي
    انا اهم شي زوجي يكون راضي عني ولاهم طالما بمزاجهم زعلوا بمزاجهم يرجعون لكن زوجي اخاف يتأثر فيهم
  5. @mnyt_hyaty

    صاحبة الموضوع

    المشاركة المقتبسة غير متاحة.

    انتي اللي سلامات! ترى مو شرط احدد كم دقيقه سولفنا والرجال صح مايحبون البرود بس كمان مايحبون الناشبه! لاتنشبي لزوجك بهالطريقه اللي تنصحيني فيها لايهج

تابعي تجارب أخرى من هذا القسم.