اعطوني حل لولدي الله يهديه ويخليه لي 😞

يابناات والله ماتتوقعون قد ايش تعبت من ولدي ومن تصرفاته عنيد مره هو عمر سنتين بالتمام يطلبني في الرضاعه واسويها له واروح انشغل شوي وارجعله وانه كب الحليب على الفرش وعلى الكنب واضرب فيه ولاينفع كل يوم يكرر نفس الحركه تعبت وانا امسح وانظف مااكثرله رضعات وحليب بس يمكن الصبح والليل بس مايتوب جنني حتى العصير يكبه واقول خلاص معد بعطيه لدرجة كبيتها ف الزباله وانتو بكرامه بعد ساعتين قعد يقول ماما ننه واخذني المطبخ وحزنت عليه وطلعلتله رضاعه قلت خلاص معد بيسويها ورجع يعيدها هذي مشكلتي الاولى معاه
نجي للمشكله الثانيه الله يهديه يضربني ويرمي علي حاجات حاده وينتف شعري جنني وربي اضرب فيه ولاينفع اجيبه بالطيب اقول حبيبي انت شاطر لاتضرب ماما ويرجع يضرب والله لدرجة بغى يطلع عيني وانا نايمه صرت اخاف انام وهو صاحي تعبت معاه خلاص وابوه السبب هو دلعه حتى اكل ماياكل زي الناس ونادر يكون حنون معي ويبوسني مدري عيالكم كذا ولا بس ولدي لان هذا اول ولد لي
الله يوفقكم اعطوني حل الله يسعدكم 😭