اذا مو قد التربيه ليش تجيب عيال

السلام عليكم

فيه مواقف دايم تتكرر علينا وهو اهمال الام لعيالها وعدم تربيتها وياكثر اللي شفنا قله ادب عيالها

بالطعات او بالاماكن العامه والام عادي عندها

سوالي

اذا انتي مو قد التربيه ليه تصفي 5 تحت بعض؟

صح انهم عيالك ولا احد صارف عليهم ولا مسول عنهم غيرك

لاكن ترا الناس والمجتمع وعيالنا لهم حق عليك اذا مانتي قد التربيه لاتفقسين

دايم اشوف موقف تقهر بطلعات الحريم زي يجي بزر عمره 5 سنوات او احيانا يكون بالابتدائي

بطلعات الحريم يرمي كلام على الحريم واذا ويتفل على الموجودات ويضرب ويحوس والام ماعندها الا عيب ياولد

هف جنني دايم كذا!

هذا اللي قدرتي عليه

صار موقف بطلعه بزر عمرها 5 سنوات تدور وتتفل على الحريم وتسحب شعورهم والحريم يناظرون امها يبونها تمسكها

ماعندها امها الا كلمه ترا بقوم اضربك عيب ياماما !!

وتجي البنت تتفل على امها وتطلع تلعب!!

بالله وش ذا التربيه

وموقف اخر مره ببيت اهلي كانو اهلي عازمين حرمه معها 4 تحت بعض ولازم بكل طلعه تجيبهم معها

اقسم بالله العصير ع الارضيه والموكيت تجلسهم معنا على الاكل وتوكلهم ويمطرسون ويقرفون كل الموجودين

يكسرون الكاسات والتحف يضربون اختي والبزران الصغار الموجودين الكل تضايق منهم

وامهم ولا كان عندها احد اهم شي عيالها لدرجه معها طفله عمرها سنه لما وصخت من الاحترام تقوم تغير لها بالحمام او الصاله

او يمكن هي لا تكرمون فتحت البامبرز قدام الحريم وتعالو شوفو ريحه المجلس كيف صار من وصخ بنتها ولا همها ولما طلعت ماخذت ولا حفاظة بنتها

اخر موقف ورفع ضغطي اليوم كنت طالعه مع اخوي صغير بالعمر بثاني ثانوي وكنا واقفين عند محل ننتظر يجيب الحاجه اللي نبيها

واخوي هذا جدا بحاله ومسالم ولا يحب المشاكل ولا يعرف الصراخ والخناق فجاه كان فاتح الشباك وفيه حرمه ومعها ثلاث عيال يمشون

وواحد على كتفها يعني معها اربعه تحت بعض اكبر ولد عمره تقريبا 8 سنوات جاء واخوي فاتح الشباك رمى عليه العصير وتملى ثوب اخوي كله عصير

وجائ البزر بكل وقاحه يتكي على سياره اخوي ويطلع لسانه عليه ويسوي حركات هبال انا ارتفع ضغطي ففتحت الشباك قلت اقسم بالله ياولد لو انزل عليك

لاوريك شغلك يالله تقلع يجي البزر بكل وقاحه يفتح الباب على اخوي ويقول شف ترا بضرب بنتك<يقصدني خخ

على باله بنته انه اهبل او متخلف لان حركاته وكلمته ترا بضرب بنتك وانا هذا كبري واخوي صغير بالثانوي مو صاحي

اخوي يقول ياولد روح لامك انا كنت بنزل اقول لامه ربي عيالك ولا تجيبين بس اخوي رفض وقال مالنا خلق مشاكل لانها واقفه تتفرج عليه من بعيد تنظره يجي

مادريت الا راح وعلى بالنا راح ونسمع صوت قوي ضربه على الشنطه صار الحيوان رمى حصاه كبيره وشرد

ودايم اذا قلنا الحرمه اللي مو قد التربيه تعصب ام البزران اللي معها صف على بالها هي مسوله عنها بس

ترا احنا عيالنا وبناتنا يختلطون بعيالك اذا ماربتيهم يخربون اطفالنا هذا اول شي

ثاني شي ياذونهم بالضرب والكلام خاصه اذا كان الطفل هادي وخجول ويجي بزر ماتربى يستقوي عليه

يعني نظام البعض ان شاء الله لو اجيب 100 الناس ماعليهم مني لا عليهم منك لما عيالك يسون زي هالحركات اللي ذكرتها