السلام عليكم ..
بنات انا من عرفت زوجي ظروفه الماديه مرره شينه وعلى الديون والقروض يالطيييييف
صرت تعبانه نفسيا من هالشي نفسي اتقضى لبيتي واكمل فيه النواقص واغير فيه ولو بشي بسيط
لي 7 سنوات متزوجه ..... تخيلوا ما اكتمل اثاث البيت من يوم تزوجته مع ان بيتنا صغير
وعمله مرررره شين استلامات وخارج المدينه ب200 كيلو
حاولنا ننقل بس مافيه امل مانقدر
طبعا زوجي عقيم
وهالشي مررررررره مرررررره مأثر علي بحياتي
وانا اعاني من عين يوم اصلي اوسوس ما اقدر اركز بصلاتي اعيدها مرات كلمت الشيخ قال لاتعيدينها حتى لاتتطور حالتك
القران يجيني منه ضيق شدييييد اذا سمعته
يابنات اموري مررررره ملخبطه
ومرات كثيره افكر انتحر في اوقات ضيق افكر
الحين اعاني من اكتئاب شديد ورحت لدكتوره سوت لي اختبار اكتئاب قالت مرررره مرتفع عندك الاكتئاب والقلق
طبعا ماعندي صاحبات ولا اعرف اسوي علاقات
وجاراتي ماهم حقين جيره صراحه ومايحبون الجمعات
وخواتي كلهم متزوجات ومشغولين بحياتهم احيانا اطفش والي اكلم حد اسولف معاه ماالاقي
اهل زوجي بمدينه وبرضوا اذا رحت عندهم مررررره سكوتين ومايحبون السوالف
انا اعاني نفسيا
صرت ما انام الليل
ومره الضيقه ماتفكني
ولا عاد احب بيتي
ولا اقدر اتوظف
محبووووووسه وصار عندي رهاب اجتماعي مره متعبني
بنات انا مدموره نفسيا ادعولي
شاركي في النقاش
سجلي الدخول لإضافة تعليق.
التعليقات
20- ياالله يشفينا ويشفيك ويفرجها علينا وعليك ويبلغنا رمضان واحنا باحسن حال
- وش يشتغل زوجك اذا مافي احراج ياحبيبتي صدقيني مااحد مرتاح فلدنيا لازم تنظرين للحياه بجانب احلا فيه ناس والله ماتلاقي تاكل وعريانه الحمدلله اصبري وربك بيرزقكم من فضله وزوجك ماحاول يتعالج ؟ واذا طلبتيه يرفض خلي عنك الهموم والضيق وكل شي الحين فكري في مستقبلك الحياه حلوة لا تقنطين اعرف وحده وزجها جلسو 21سنه اقسم بالله ماخلو مكان علاجات وابر وتلقيح واخر شي طنشو ورزقهم ربي بنوته وبعدها ولد وخلاص الحرمه كبره وصلت سن ماتقدر تنجب
- الله يشفيك ويشفي مرضى المسلمين وان شا الله م يجي رمضان الا وانتو بافضل حال يارب
- الله يفرج عليك وييسر امرك ويسخر لك الي فيه الخير وين ماكان
طيب اول شي اجلسي مع نفسك وفكري الي انتي فيه محد متضرر منه غيرك
لذلك ابدي تغيير اطلعي وغيري عن نفسك جلست البيت بوضعك هذا ماتنفع ابد تزيدك
روحي نادي ومنها تتعرفين وتغيرين جو لين شوي تتغير نفسيتك
واكثر شي بيضرك هو التفكير ابعدي عنه ابعدي عنه
لو جلستي وحدك وحسيتي نفسك تفكرين اشغلي نفسك
ماعندك شغل امشي والعبي رياضه ترى تغير النفسيه مره للاحسن اقلها تنامين مرتاحه
او شوفي فلم ممتع او اي شي ممكن يسليك ويغير جوك
ودام القران يتعبك مقدر اقول اقري وحاولي لكن تدرجي بالقراها
حددي 5 دقاىق في في الليل تصلين واقري وجهه او وجهين من سوره البقره
وقومي وخلي خاتم الاستغفار دايم في اصبعك لا تفكينه
تفريج لك هم الانك باركتي يومك كله بذكر واستغفار
وحاولي من فتره لفتره تزورين دار الايتام تجدد نفسك
وبنسبه لضروف زوجك لاتفكررين فيها دايم اقنعي نفسك
ماضاقت الا فرجت بفرج جميل
اصدق دعواتي لك - الله يغير حالك الى احسنه دوام الحال من المحال اليوم ضيق وبكره الفرج، استغفري وادعي وخذي بالاسباب، وفكري في حياتك زين هل عندك خيارات افضل، اذا انتي سليمه لك حق ان تكوني أم والله يسر لك ما ودي اتعمق كثير في حياتكم انتي ادرى بظروفك والله يعافي بدنك ويفرجها عليك، ويسر خاطرك
مواضيع مشابهة
تابعي تجارب أخرى من هذا القسم.