شاركي في النقاش

سجلي الدخول لإضافة تعليق.

التعليقات

40
  1. السر يابنات والله في سماكة العجينه مو مهم كمية المقادير وتنوعها حتى لو كانت خميرة وملح وماءوطحين بتطلع حلوة اذا كانت العجينه طرية و ثخينه مو سائلة والزيت محمى مسبقا على نار هادية وزي ماقالت اختي (شرهة يدي) ان يكون الزيت جديد
    مثلا انتي بتبدين تقلين الساعة اربع ونص اشعلي النار تحت المقلاة العميقه والواسعه النار الهادئة جدا من الساعة 4 وبالتدريج سيحتمى الزيت ويكون جاهز للقلي فيه
    وتعرفي ان الزيت جاهز اذا اسقطتي واحدة من اللقيمات في الزيت وانتفخت سريعا واحتفظت بلونها الابيض بدون ان تشقر يكون الزيت ودرجة حرارته ممتازة وجاهز للقلي
  2. @am_hsony_1

    الله يجزيكم خير يا صاحبة الموضوع واللي ردوا
    لانكم وفرتوا على مشوار البحث عن اللقيمات وطريقتها والافضل طبعا وان شاء الله اجربها وابلغكم لانه بيكون اول مررررررره اسوي لقيمات
    بس اذكر امي الله يرحمه ويغفر لها كانت تعجن بماي التمر وللأسف ماعرف الطريقة :(
    ماكنت اهتم بالمطبخ والحمد الله تغيرت
  3. @kafor

    صاحبة الموضوع
    الف الف شكر للجميع الله يجزى خير كل من دخلت وشرفتني وفادتني
    تاخرت سااامحوني
  4. @rozamynh

    يابنات جايبه لكم طريقة لقيمات روووووعه بمعنى الكلمه مقرمشه ولذيذه
    المقادير ..2ونصكاس دقيق و4 ملاعق حليب بودره واربعه ملاعق كاسترد وملعقة سكر وملعقة ملح صغيره وحبه بيضه وفنجان ونص زيت وكاس ونص ماء وملعقتين خميره فوريه ممسوحه وحبة سوده
    الطريقة ..نخلط جميع المقادير ونعجنها زين بدون زيادة ونخمرها ساعة ونص الى ساعتين ونحط الزيت على النار لين يصير حراره متوسطه ونلقم القيمات ونوطي النار مره نخليها واطيه ونقلب لين تقسى اللقيمات ونجيب صينيه ونحط عليها ورق ماص لزيت ونخليها لين تبرد شويه ونحطها في الشيره وتكون ثقيلها عشان تحتفظ اللقيمات بقرمشتها لثاني يوم
    مقادير الشيره 2 كاس سكر كاس وربع ماء ربع كاس سيراب الذره ورشة هيل ورشة زعفران وقرفه عود نحط المقادير بقدر ونخليه لين يثقل ويصير زي العسل اول ماتبدا تفور الشيره بالمشخل نشيل الهيل والعود والقرفه وسلامتكم اخذت الطريقه من الاخت غلا بالسناب والشيره من تأليفي ...

تابعي تجارب أخرى من هذا القسم.