لقــــــــــــــــــــــــــــ ـاء الأحبــــــــــــــــــــة (الجزء الخامس)

متابعة النقاش، صفحة 108

شاركي في النقاش

سجلي الدخول لإضافة تعليق.

التعليقات

1,934
  1. السلام عليكم صبايا
    صبحت تعبانه كثثثثثثثثثثثثير امساك قطع بطني تقطيع ومن قلة حيلتي اخدت سترات المغنيسيوم بتيجي متل السفن اب بس مش عارفه اذا بتضر بنتي اذا برضعها المصيبه البنت صعب ترضع صناعي ردو علي الله يرضى عليكم بسرعه
  2. DaaanDooon
    ههههه سنا حتى نظامك في الغربه زينا تمام
    السلام عليكم
    هه الحبايب متجمعه على خير ان شاء الله و على طول
    عاداتنا بالزبط زيكم و الزلام بفوتوا البيت العصر و همه من بعد صلاه العيد دوارين من بيت لبيت
    و بعد العصر بتغدى ابوي و بطلع مع امي على بيوت اخوانه يعيدهم و ثاني يوم بيجوا اهلها لامي يعيدوا
    علينا و بالليل بتروح امي عليهم على امها و بيوت اخوانها تسلم على نسوانهم و اولادهم
    و بعدها بكم يوم بيرجعوا نسوان اخوانها لامي يعيدوا على الجميع
    اما بالغربه ففيه صلاه العيد غالبا الساعه 9 الصبح و بتكون بقاعه كبيره و بعد الصلاه على طول بشيلوا المفارش اللي صلوا عليها و بحطوا مكانها طاولات و كراسي و ببلشوا يحتفلوا طبعا هوه للاطفال و فيه العاب و فقرات سيرك خفيفه و الاهالي كل عيله على طاولتهم او اذا معهم اصحاب الزلام بقعدوا طاوله و الستات طاوله و انا بكون عامله خبز القراص و كعك و بعمل حساب صحاب زوجي كلهم و بيشربوا شاي و بياكلوا و بضلوا يحكوا و يقرقروا و انا اركض وراء بنتي
    لغايه الظهر بنصلي جماعه و كله بروح احنا بنروح على مطعم عربي بنتغدى و بننزل نشتري لجوجو هديه العيد اذا ما كان صاحلنا نشتريها قبل بسسسسسسسس و كل عام و انتوا بخير
    اهه بعدها على طول بشبك مع اهلي عالنت اورجيهم جنى عالكاميرا لابسه اواعي العيد و مسرحه شعراتها
  3. canada2004
    السلام عليكم هه الحبايب متجمعه على خير ان شاء الله و على طول عاداتنا بالزبط زيكم و الزلام بفوتوا البيت العصر و همه من بعد صلاه العيد دوارين من بيت لبيت و بعد العصر بتغدى ابوي و بطلع مع امي على بيوت اخوانه يعيدهم و ثاني يوم بيجوا اهلها ل…
    اهلين امون
    و الله ما عندي خبر عنه هذا
    بس اكيد فيه تلفون لممرضات الببلك هيلث نيرسسز يعني هوت لاين
    اتصلي عليه و اساليهم
    او دكتوره بنتك نفسها دكتوره الاطفال
  4. صاحبة الموضوع
    بالنسبة لعادات العيد عنا،،،
    أول شي أبوي بروح على صلاة العيد، و لما بيرجع بنسلم عليه و بنعيد عليه لأنه بكون نازل و أحنا نايمين، و أول ما نصحى بنروح على المطبخ حيث تكون أمي متواجده هناك بتعمل القهوة و بنسلم عليها و بنعيدها و بنساعدها في تحضير ضيافة العيد،،،
    بعدها بيجي أخوي المتزوج عنا هو و ولاده بدون زوجته بتضلها في البيت حتى تستقبل أهلها و بعد ما نعيد عليه و نستلم عيديتنا منه، بنزل هو و أخوي على دار سيدي حيث بكون متجمعين الأعمام و بعيدوا عليهم و بينطلقوا لمعايدة خواتهم و ولاياهم و العمومه كلها و خوالهم و خالاتهم،،،
    في هذا الوقت أمي بتضلها في البيت تستقبل أهلها و هو أخ واحد لأنه البقية مغتربين ما بيجوا و واحد في المعتقل و بيجوا ولاد أخوها و ولاد أختها و عمومتها، و بيشربوا قهوه و الذي منه و بيعطوها العيديه بعد حلفان 100 يمين،،
    بعدها بيجوا عمامي عنا و بعيدوا و بينطلقوا مره تانيه يعيدوا اللي بعاد شوي عن خط سيرهم في الرحلة الأولى،،،

تابعي تجارب أخرى من هذا القسم.